Yeremi 13:23 - NQAARIIT NE ROOG

²³ Ndax o ngiin-o-ƥaal a waaga o supit ƭool um mbaat o ƴaxal a supit a taad um? Nuun itam, ndax nu mbaaga o mbi paax, nuun we merna o mbi’aa paaxeer?

Yeremi 13:23 Referans Kwoze

Yeremi 2:22

O ɓogoorangaa ke na ran-gandaa sax oo mbaat o jiriiñoor a saafu mayu, gak le no tooñ of xan a maadaa mbaambir es. Mi o Yaal oxe na refkaa boo faw layun.

Yeremi 9:5

Kaa o gen a ndeer naanaxir ƥor, naanaxir doŋ taxu da mbañaam o and.» O Yaal oxe layun.

Yeremi 17:9

Xeeñ no kiin moƴu o naɗoox kuu refna, too waagaand o wodand! An waagun o and?

Yeremi 5:3

O Yaal oxe, ndax refee yee a kid of ngor rek a mbaaƭaa? Xawaa a den, ndaa ɗaxee a den dara. Saŋkaa a den, ndaa kaa mbañ a maƭax ale. Kaa njikooxaa o saƭik xoox, a mbañ o nomtooxiid me wo.

Yeremi 2:30

Xawaam a nuun, ndaa ɗaxee dara, nu njaɓee a maƭax aleene. Ndaa kañ, laƥ nuun a ñaama duleer we nuun, nu mband a den nen njogoy.

Esayi 1:5

Ndi mam a xawkataa xaw a nuun, nuun we nqoxna na pañ rek. Xoox le kaañax ƥor a saqu, soo xeeñ le fop a jir.

Xa peƭit axe 27:22

O soobangaa a fanxoy fee no faƥ, unandoorin fo pep ke sax oo, mbanxoy ne ten sambirkee fo ten.

Yeremi 4:22

O Yaal oxe kaa tee: «Xeet es kaa ƥodax, andiraam. Xa ƥiy xa ƭof a ndefu, axaa njegeerna yiif. Kaa mbaane no fi paaxeer, ndaa mbaagee o mbi paax.»

1 Sami’el 19:21

Ye Sawul a yegna kaaga, a lula goor lakas. Waaga itam a yena leer. Sawul a lulahina goor lakas jaf dadkandeer, ndaa waaga itam, leng kut ke xew’u fa den.

2 Maad we 17:40

Wiin weene koy a mbañaan o nanan soo a ndeefaa fo mbaax fo eetaand ne den.

O baawaare xe 1:15

Ke tuuƭooxna waagaand o jofand, too ke refeerna meen waagaand o limit.