Yeremi 13:22 - NQAARIIT NE ROOG

²² Maaga, xan o laamtoox ee: ‹Xar taxu kene a dalaam?› Tooñ mayaan ke wo taxu xa lifar axe no ndoki of a nguñtel, soo o yentel.

Yeremi 13:22 Referans Kwoze

Nahum 3:5

O Yaal oxe Hupna fop kaa tee: «Wo Niniif, xam dal took of, yoɗ xa lifar axe no ndoki of boo na mukit of, lal qeet ke cer ƥor of, gaci’andong na kid no maat ke.

Yeremi 5:19

Yaa o laamitkeel ee: ‹Ndi xar taxu o Yaal oxe Roog in a doon a in kene fop?› wo Yeremi, fat o doon a den ee: ‹Ne nu mbaastaxama soo mbaɗooxaa roog can kam saax nuun, neene nu ndagooritkaa genar no saax laa refeerna le nuun.› »

Hoose 2:10

O tew oxeene and’ee yee mi cooxoogun bele fee fa biiñ fa nqas fee fa diwliin fee. Mi ci’’un xaaliis fee fa wurus fee, soo ta fi’tin xa taaƴ axe Baal.

A ƭomatax ake 1:8

Yeerusaleem a bakaada ƭomu. Ten taxu ta refat sibdel. Fop we niw’uuna a nqeefataan, yaam ne da nga’na cer um ƥor. Ten fa xoox um kaa iinaa soo a xuun.

Yeremi 13:26

Mi fa xoox es xam yoɗ xa lifar axe no ndoki of boo na mukit of, ndax cer ƥor of a nga’el.

A cangatin ale 7:17

«Xeƈa xan nu layaa taa kam nuun ee: ‹Qeet kene moƴu o may a in, nam i mbaagkaa ndaxit a den boog?›

Esayi 3:17

xam ƴaarin ƭuf den soo meelin a tagid den.»

Sofoni 1:12

Na jamaane faaga, xam joktoox a Yeerusaleem fo o jam, too xam xaw goor we yaadooxna nen biiñ fa mbendu faa diƈooxna no nqiim um, soo a layaa taa kam den ee: ‹O Yaal oxe naagee fi’aa paax mbaat paaxeer.›

Hoose 12:8

O Yaal oxe kaa tee: «Efrayim, kaa o nand nen o cula Kaakanaan, pokoox no ɓay of balaas fa mbaaxeer. Kaa o fex o naxaa doŋ,

Hoose 2:3

Layyo fog faap goor we nuun ee: «Nuun ndefu ‹xeet es› », soo jigeen we nuun, nu lay a den ee: «Nuun ndefu ‹we fexuuma›.»

Esayi 47:8

Ndiiki boog, nan-gilooxi, woxe na ñaamaa jamaane of, moof a paax fo o yaadax too layaa yee: ‹Mi, jegiim o nand, andkiim ke ñaaw a refna boo muk too ñakkiim xa ƥees.›

Esayi 20:4

neene o maad oxe Asuur a ɓisitkaa Miimisira we ta damna fo Kuukuus we ta sutna saax den, xa pes axe fo nogoy we, da yoq o ƥor, a ñaaƴaa a caf a ƥor, soo a cinj den a ndef tafil. Ndaw gaci na Misira!

A cangatin ale 18:21

Xeƈa xan nu laamtoox ee nam o kiin a waagu o andit ee nduleer neeke inooree no Yaal oxe.

A cangatin ale 8:17

Ba nu lay taa kam nuun boog ee doole nuun fo o saƭkel xa ƥay nuun ci’u a nuun halal feene.

Yeremi 14:16

Xeet fee da ndaawinna yegnit padafuleer den o mat xan a ndeɓel no ped ke Yeerusaleem yaam o ngar fo biim le fa xire fee. Jegkee o leng oxaa gasna a den na mboy, den oo rew den oo, xa ƥiy xa koor den fo xa ƥiy xa tew den. Neene, xam fudin took den paaxeer ke da mbi’na.

Heseki’el 23:26

Xan a mbolong ƭuc, a mbatin kelax mosandoor ke wo.

Hoose 2:5

Mbaat toox xam wolin ƭuc, fi’in nen bes faa ta rimeena, nandandin fo a koƥ-a-ƥor ale. Xam fi’in ta refat nen lanq beeru koroŋ, a xonaa fo a koɗom.