Yeremi 13:19 - NQAARIIT NE ROOG

¹⁹ Teeru ke no ɓemb-roog o ñamaak kaa mbegel, o leng wetatee tokand ke den, yaam xeet fee Yudaa fop a ƥise took o hup doole, a ƥise took o hup doole ne da mbodeena fop.»

Yeremi 13:19 Referans Kwoze

Yeremi 52:27

O maad oxe Babilon a xawnoora a den soo a warnoorit a den Ribla no saax laa Hamat. Neene, xeet fee Yudaa a ƥise gilaa saax took o hup doole maa goƭna mbaafaap den.

Yeremi 52:30

No hiid qarɓeen ƭik fo hiid o dadkandeer ole no maat Nebukadnesaar, Nebusaradan fee adooxan’ina yeeyetax we a damiida Yuuyudaa teemeed ɓetuu ƭik fo qarɓeen nahik fo ɓetuk, soo fop oo fop a ref wiin cuni nahik fo wiin teemeed ɓetuu fa leng.

Yeremi 39:9

Cinj kaaga, Nebusaradan fee adooxanna yeeyetax we no maad oxe a ɓisa took o hup doole Babilon we maad’ina o ngenaa na teeru fee, we ƥoxotoox’ina no Kaakalde we fo we yoq’ina no baane ke.

2 Maad we 25:21

O maad oxe Babilon a xawnoora a den soo a warnoorit a den Ribla no saax laa Hamat. Neene, xeet fee Yudaa a ƥise gilaa saax took o hup doole maa goƭna mbaafaap den.

A cangatin ale 28:52

Xan a mbid teeru ke nuun fop o kurul-keƥ, boo yaa saŋe cegu doole ke nuun nu ngoolooxna kam saax le fop a njiƭtooxna. Xan a ƥiikil a nuun kam teeru ke nuun fop, muu refna no saax le o Yaal oxe Roog nuun a ci’na a nuun.

Yeremi 33:13

Kam teeru ke no jegel ole na xa coong axe, kam teeru ke no jegel ole na yulanq ake, kam teeru ke no ɓemb-roog o ñamaak, no saax le Bensame, me widna a Yeerusaleem fo kam teeru ke Yudaa xan a ked ake a ndeefahin teen no ɓay no kaynaak oxe na limaa a den.» O Yaal oxe layun.

Yeremi 20:4

Yaam keeke o Yaal oxe a layu: ‹Xam ɓekong no diid, wo fo qaariit of fop. Xan laƥ ne no pañ den a maaf a den, too xan o ga’oodin. Xam ɓoxot xeet fee Yudaa fop na xa ƥay no maad oxe Babilon, too xan a ɓis a den Babilon took o hup doole, a xawit a den laƥ.

Yeremi 17:26

Xan wiin a inoortiid no teeru ke Yudaa fo me widna a Yeerusaleem, no jegel ole Bensame, no le na yulanq ake, no le na xa coong axe fo no ɓemb-roog o ñamaak, a ƥisiid kam Mbind ne no Yaal oxe sadax toxel, sadax lakas, sadax tuufe-duufe fa cuuraay, a ƥisiid o Yaal oxe itam sadax fa ngidmir.

Ke bindeena no xe ne’eena YOB 12:14

Ke Roog a jiƭitna, maxatinkaand, too oxe ta wegna, wetkaand.

Yosuwe 18:5

Fat a nqaaj saax le a qaaj ɓetaa ƭaq. Xa taan axe Yudaa o mat fat a yoq no fiisel ole den no ɓemb-roog o ñamaak, soo axe Yoseef a yoq no fiisel den no ɓemb-roog o janoon.

A cangatin ale 28:15

«Kaa koy, nu nananangee o ñuxur no Yaal oxe Roog nuun, mbañ o ngay ndax nu ndeef kebil ke fo bargal ke ten fop um cooxaa a nuun xaye, xan a salax akeeke fop a ndal a nuun:

Yeremi 32:44

Xan xa qol a njikteel xaaliis, a kayit a cikir a mbindel, a mbegtel o ñaasir, seede a mbaaƭel kam saax le Bensame, me widna a Yeerusaleem, kam teeru ke Yudaa, kam teeru ke no jegel ole na xa coong axe, kam teeru ke no jegel ole na yulanq ake fo kam teeru ke no jegel ole no ɓemb-roog o ñamaak. Yaam xam nomtiid we ƥiseena gilaa saax took o hup doole.» O Yaal oxe layun.

A ƭomatax ake 1:3

Xeet fee Yudaa a ɓise gilaa saax took o hup doole, a toroxandel soo a ref no mbaƭ ƭomu. Kaa genat a ndeer qeet ke, too jegee me den a ñootnax a leng. Ñaañagadil we ten fop a mbetaan, too jegee maa ta daɗitna.

Sakari 7:7

Ndax keene refee fa lay fee o Yaal oxe a layna a reefandin no duleer we yaaga, ye Yeerusaleem a geneena too a ref no yaadax, ten fo teeru ke mbiduuna, soo o jegel ole no ɓemb-roog o ñamaak fo ole na yulanq ake a ngenel itam?

1 Caloori ke 9:1

Ii-isra’el we fop a mbinde no «Safe le no maad we Isra’el», a reefandel no ƥasil den. Yuuyudaa we kaa ƥis’el Babilon took o hup doole yaam ngore’aƭar den na Roog.

Yeremi 24:1

O Yaal oxe a lalaxam a ƭamba ƭak xa tun akaa ndiƈeena mbaambir Mbind ne no Yaal oxe. Keene a reeƭa a cinj ye Nebukadnesaar fee o maad oxe Babilon a damitna a Yoyakin fee o ƥiy Yoyakim Yeerusaleem, a ɓisin took o hup doole kam Babilon, ten fo kelfa ke Yudaa, daadaaƴ we fo faal tafax we.

Yeremi 28:4

Xam nomtiid no mbiñ onqene itam a Yoyakin fee o ƥiy Yoyakim, too a ref o maad Yudaa, fo fop we Yudaa ƥis’eena took o hup doole kam Babilon, yaam xam ɓol a kadoor ale o maad oxe Babilon a seraa a nuun.› »

Yeremi 52:28

Neeke we Nebukadnesaar a ɓis’ina gilaa saax took o hup doole na xeet fee a mbod’u: No hiid o ɓetuu ɗikandeer ole no maat um, Yuuyudaa cuni tadik fo qarɓeen ƭik fo daduk.