Yeremi 13:18 - NQAARIIT NE ROOG

¹⁸ «Layi o maad oxe fa ya no maad oxe yee: Moofyo a lanq, yaam fo ndip fo mosaan ne nuun a yenta na qoox nuun.

Yeremi 13:18 Referans Kwoze

Yeremi 22:26

Cinj kaaga, xam deɓ a nuun, wo fa ya of fee rimoonga, kam saax lakas laa nu ndimaandeena, too maaga nu nqonitkaa.

2 Maad we 24:12

Maaga, Yoyakin fee o maad Yudaa fa ya um fo dag we ten fo jaajal we ten fo cawdiin ke ten a sutoora na teeru fee, a ƥoxotoox no maad oxe Babilon, soo ta fi a den faɗ. Keene oxe jopir’a no hiid ɓetuu dadkandeer ole no maat Nebukadnesaar.

2 Maad we 24:15

A damta o maad Yoyakin Yeerusaleem, a ɓisin took o hup doole kam Babilon, ten fa ya um fo rew we ten fo cawdiin ke ten fo wiin maak we Yudaa fop

2 Caloori ke 33:19

A qeƭ ale ten fo ne Roog a jaaɓtuuna, tooñ ke ten fo ngore’aƭar ne ten, fo mbiñ ne ta max’ina a ñaang a sadaxand ake, soo a lup maaga xa taaƴ axe Asera fo nitaal ke yaaga neewandooxafulee, keene fop kaa mbindel no «Safe le Hosay».

Esayi 47:1

O Yaal oxe kaa tee: «Fudooxiidi, moof kam fo ut ole, wo Babilon o njaaƈ o ndoog onqe! Moofi a lanq, wo o ndoog onqe no Kaakalde we, yaam jegatiro uum-maamaad! No ke xotitna ndiiki xoykataandee o mosu xe mbaat o nequ xe.

2 Caloori ke 33:12

Ye ta refna na naqad, a xeɗooxa o Yaal oxe Roog um, a neewandoox tigi mbaambir Roog fee no daan um.

1 Piyeer 5:6

Neewandooxyo boog yoora o ɓay o jegu katil ole Roog, ndax ta yoɗ a nuun na waxtu fuu ta buguuna.

Saak 4:10

Neewandooxyo mbaambir Roog, ndax ta yoɗ a nuun.

Mace 18:4

Ten taxu oxuu neewandooxna boo nen o ndeɓandoong onqene, xan a ref oxe hupna no maat ne na asamaan.

Yoona 3:6

Yaa o maad oxaa Niniif a nanna ke xew’ina, a inooxa no uum-maamaad le ten, a wol lori um, a deroox o saaku, a moof no ndaw, ndax ta lalit ee a ricooxa.

Esayi 3:26

Maaga, teeru fee fop xan a ndef na coytax fo na ƭomatax nen o tew oxaa ñakna fop soo a moof a lanq.

2 Caloori ke 33:23

Kaa koy, neewandooxee mbaambir no Yaal oxe ne Manaase fee faap um a neewandooxit’ina, a refangeerna a moƴ o bakaadaa.

A sutax ale 10:3

Maaga, Moyiis fa Aaroon a ndalfooxa o ndet maa Firawon fee, a layin ee: «O Yaal oxe, refna Roog in, in Hebre we, kaa tee: ‹Kaa o fañkaa o neewandoox mbaambir es boo a mban? Xaƴi xeet es da ndet, a mbaɗookaam.

A ƭomatax ake 2:10

Maak we Siyoŋ, o ndoog onqe, owe moofa a lanq, a naang muƥa. A yipooxa lanq no xoox, a nderoox xa saaku, soo mboƥ ndoog ne Yeerusaleem a lupandoox.

A sutax ale 39:28

fo a tañalax fo o ndip o mosu nqaa taxna ta niwel fo o njata nqaa fi’teena gaare

Xa peƭit axe 27:24

yaam halal naagee refaa boo kili, too maat mbaafkeer jegee.

Esayi 3:20

fo a ƈang-xoox ake fo ñang ke fo xa qap axe fo fo ndog qeeñe-xeeñe ke fo xa nombo xe

Yeremi 29:2

A lulta o leetar ole cinj ye o maad Yoyakin, ya no maad oxe, cawdiin ke, kelfa ke Yudaa fo ke Yeerusaleem, daadaaƴ we fo faal tafax we a mbar’ina o sutoox Yeerusaleem.

Yeremi 36:16

Yaa da nanna fa lay feene fop, a ƭeetra fo diid, a lay a Baruk ee: «Xan i yegin o maad oxe keene fop.»

A ƭomatax ake 1:6

Siyoŋ, o ndoog onqe, a ñaka o ndam onqe ten fop. Kelfa ke ten kaa nand fo caf kaa nga’eerna o suufand soo a ƈufaa fo o ñak doole mbaambir no xe na xawlooxaa a den.

A ƭomatax ake 1:9

Ndoƭ ke kaa ndeeƭu na xa noflax axe no ndoki ne ten, too yiif um galag’ee muj um. Njom ne ten kaa betin, too o leng yaaliran. Kaa layaa yee: «Ey, o Yaal oxe, ga’i o ñaat es, yaam o pañ oxe xe fakooxaa!»

A ƭomatax ake 5:16

O ndip onqe no xoox in a yena! Sabab took in, yaam i mbakaada!

Heseki’el 16:12

Rokaam o heɗ no ñis of, xa loŋ-loŋ no nof of fo a ƈang a mosu took xoox of.

Heseki’el 21:26

O maad oxe Babilon oxe geenooxa no ƭat-sal ne na ƭat a ƭak ake, ndax ta ɗeetnoox. Oxe yo’naa a kas ake, a laamtaa nitaal pangool ke, a horooxaa a qeeñ muumeen.

Heseki’el 24:17

Iini taa kam of, ba o ñaawoox xon we, tañalooxi, rokoox xa ñaaƭ of, fañ o muur mukit of, too ba o ñaam puuru caapir ke no gentand of.»

Heseki’el 24:23

Xan nu tañaloox, ndokoox xa ñaaƭ nuun, nu nqaaraandkee too nu loolkee, ndaa xan nu ŋeesooxaa yaam tooñ nuun soo iinaa a ndeer nuun.

Heseki’el 44:18

Xan a saq tañalax njoor took xoox le fo fo njata coor no tet den. Ngumnooxkee yaam onj le.

Dañel 5:20

Kaa koy, ye ta retna boo a magnandoox too wootooxatee o leng, a fudne no maat um, o ndam um a jaɓel.

Yeremi 22:24

O Yaal oxe a laya a Yoyakin fee o ƥiy Yoyakim too a ref o maad Yudaa yee: «Ne ta wooritna yee mexe ñoowaa, a soƥ’angaa sax ee kaa o ref nen o heɗ o ñaasir no ɓay es o ñamaak, xam paltong no nqol es.