Yeremi 13:17 - NQAARIIT NE ROOG

¹⁷ Nu nan-gilooxangee kene, xam lool na pet, yaam a magnandax ale nuun. Xam yuurin xa kooniit, a kid es a nqaaraa fo xa kooniit, yaam xan o siir ole no Yaal oxe a ɓisel took o hup doole.

Yeremi 13:17 Referans Kwoze

Malaki 2:2

Nu nan-gilooxangee, nu njaɓangee o niw gon es fo xeeñ nuun fop, xam saloox a nuun soo saloox parke ke nu ndaawna. Ii, xam saloox a den, yaam nu niwiraam fo a qeeñ nuun fop.

Yeremi 14:17

Wo Yeremi fat o lay a den kene: A kid es kaa ngen no nqaaraa fo xa kooniit ñaal fo o yeng, yaam o njakad o maak onqe dalna o njaaƈ o ndoog onqe refna xeet es, ngaañax naa ɗomna tigi.

Yeremi 9:1

Ndi an na ci’kaxam na koƥ-a-ƥor alaa o daland no ñaañaaƴ? Yaaga xaƴkoogaam xeet es soo goƭ a den, mi o Yaal oxe, yaam den fop seeseeq a ndefu, a yaj no hoohod.

A kim a tedu ke 80:1

O yaal a ƭat ale no jeejeek we a xoolne yee a kim alene kaa saq o jangooƭ a kim ale ne’eena «Piɗ ke no ngiɓoor ne». A kim a tedu laa fogna na ke Asaf oo.

Heseki’el 34:31

Nuun paal es, paal ke no siir ole mi, wiin nu ndefu, soo mi um ref Roog nuun. Mi o Yaal oxe na refkaa boo faw layun.»

A ƭomatax ake 2:18

Saŋe ne Siyoŋ, falalooxi farna fo o Yaal oxe! Fat xa kooniit of a nqaar nen a ƈufnand ñaal fo o yeng! Ba o ɓutnoox sen, too ba a kid of a mbeer!

A ƭomatax ake 1:16

Ten taxu um loolaa, a kid es a nqaaraa fo xa kooniit. Oxe war’axama o yaal kaa goƭaam, ten oxe nomtiidkoogaxama no ñoow ole. Xa ƥiy axe mi a njaqa lool, yaam o pañ oxe hupu a den doole.»

A kim a tedu ke 119:136

A kid es kaa nqaaraa fo xa kooniit, yaam ne a cangin of a reefaandeena.

1 Sami’el 15:35

Sami’el mosatee o ga a Sawul boo neen a xonu. O Yaal oxe a ricoox’a ke taxna ta dalin a Sawul o maad Isra’el, too Sami’el oo a naqadilooxa yaam Sawul nen oxaa na ñaawooxaa.

Heseki’el 36:38

Teeru ke mbesna a pec xan a may muut fo xa siir no wiin, nen xa siir axe kesaneena sadax fee, nen xa siir axe na ƥiseel Yeerusaleem yaa fo toofeen ke ten. Maaga, xan da and ee mi refu o Yaal oxe.»

A ƭomatax ake 1:2

Kaa loolaa o yeng ole fop, xa ƭek um a nqaaraa fo xa kooniit. No we mbex’uuna fop, jegee oxaa yaaluuna, qaariit ke ten fop a ngodaan, a ndefat fañ um.

Yeremi 23:1

O Yaal oxe kaa tee: «Sabab took no ɗooɗox we na xeet fee mi. Gaynaak faaxeer waa na mo’andaa, a pasaraa paal ke no siir ole mi a ndefu.»

Yeremi 22:5

Kaa koy, nu nan-gilooxangee fa lay feene, mexe daaɓoortan a xoox es o mat ee xan mbind nene a fes a pec.» O Yaal oxe layun.

Yeremi 17:16

Refee yee mi riñong o fi taamaala fee, saliim ñaal naqad ne a gar. Wo, andaa ke hatna no don es, mbaambir of layum.

Esayi 63:11

Maaga, xeet um a mbetandooxa ñaal ke yaaga fa Moyiis. Taa oxe suttuuna na foofi, ndax ta ref o kaynaak oxe no siir um? Ndi taa oxe ci’uuna Yiif Tedu le ten?

1 Sami’el 15:11

«Ricooxaam tigi ke taxna um dalin a Sawul o maad, yaam kaa fesaam a cinj too nananee kebil es.» Sami’el a jaaxɗa lool soo a ref no xeɗooxaa o Yaal oxe kam o yeng olaaga fop.

Yeremi 15:17

Moofiim muk a ndeer no we na mbumbaayaa, ndax um ŋas. O ɓay o mayu katil ole wo a seraxam um moof sang es, yaam kaa o mayƭand’aam fo fuux.

Yeremi 23:2

Ten taxu keeke o Yaal oxe Roog fee Isra’el a layu no gaynaak we na ngayaa xeet es: «Kaa nu pasar paal ke mi, ndax a den too nu topatooxee a den. Mi koy, xam ɓek a nuun o ɓay yaam a pi a paaxeer ake nuun. Mi o Yaal oxe layun.

A ƭomatax ake 1:9

Ndoƭ ke kaa ndeeƭu na xa noflax axe no ndoki ne ten, too yiif um galag’ee muj um. Njom ne ten kaa betin, too o leng yaaliran. Kaa layaa yee: «Ey, o Yaal oxe, ga’i o ñaat es, yaam o pañ oxe xe fakooxaa!»

Heseki’el 9:4

O Yaal oxe a layaan ee: «Widi teeru fee bo ta xet, a ndeer Yeerusaleem, too ñaas na tagid wiin we na iinaa soo a ƭomatooxaa yaam a pi a cednooxu ke na mbi’eel teen fop.»

Heseki’el 24:16

«Wo fee o ƥiy no kiin, ga’angi, ndeer ñaf fo ƭeet xam watin ke yulna a kid of. Xaaraandkiro, loolkiro, too xa kooniit of yuurkee.

A ƭomatax ake 3:48

A kid es kaa nqaarnaa a ƈufnand xa kooniit yaam o njakad onqe dalna xeet es, o ndoog onqe.