Yeremi 13:16 - NQAARIIT NE ROOG

¹⁶ Ƥoxotyo o Yaal oxe Roog nuun o ndam boo ta helko fo niɓaanaa, soo nu tolof na xa coong axe na kid-a-caɓru ke. Xan nu cungaa a qoolaand ale, ndaa xan a suptin o niɓaan, a fi’in a sisaaƥ.

Yeremi 13:16 Referans Kwoze

Esayi 59:9

Ndiiki koy, i andata xar taxu a ƭat a goƭ a in, too o cofel xalamee mat a in. Kaa i yaakaaraa a qoolaand, ndaa muu refna oxe tit a niɓaan. Kaa i cungaa Roog a feed, ndaa in wey ñaaƴaa kam o yeng o niɓaanu taruus.

Esayi 8:22

cinj kaaga, da ƭeet a lanq, ndaa nga’kee lakas, a refangee naqad fo o niɓaan fo coono. Xan a ref na den o yeng olaa niɓaanna tit.

Esayi 60:2

O niɓaan ole le muuraa lanq ke, a kuy ale a muuraa qeet ke, ndaa wo o mat, o Yaal oxe a xooldandaang nen njeeƈ naa na wataa, too o ndam onqe ten a feeña took of.

Esayi 5:30

A koom, xan a ŋuuranan nen ŋurŋur le no maag ole. Muu ɗeetoona no saax le, o niɓaan fa naqad doŋ o ga’kaa teen, a eel a ƥaal ɗok a niɓaanin njeeƈ ne.

Xa peƭit axe 4:19

A ƭat ale no soxodu we koy kaa nand nen o niɓaan. Andee ke na tolofnoorkaa a den.

Yosuwe 7:19

Yosuwe a laya a Akaan ee: «O ƥees, ɓoxoti o Yaal oxe Roog fee Isra’el o ndam, niwin too layaam ke fi’oona, fañaam o ɗas dara.»

Yeremi 23:12

Ten taxu xan a ƭat den a ɓodax ruy, soo a niɓaan tit. Xan a mbaɓir teen, a yen, yaa um garitkaa took den taamaala, no hiid ole da ngadooxkaa a pi den. Mi o Yaal oxe layun.»

Yeremi 4:23

Ɗeetaam lanq ke, ga da yoq o ƥor, saxit’ee nen dara, um ɗeet a asamaan, a qoolaand ale ten a ñuf ɗuƭ.

A kim a tedu ke 44:19

I ndakooxee o jiijing, too i ƭapee a ƭat ale halanoona a in.

1 Sami’el 6:5

Mbi’yo boog kaa samandaalna xa tul axe fo kaa lalitna ƈoox ke na yaqaa saax le, soo nu ƥoxot a Roog fee Isra’el o ndam. Neene, xeƈa toroxandkatee a nuun fa katil um, nuun fo roog ke nuun fo saax le nuun fop.

A sutax ale 10:21

Cinj kaaga, o Yaal oxe a laya a Moyiis ee: «Letni o ɓay of farna fa asamaan, too xan a jeg o niɓaan o jegu doole no saax le Misira.»

1 Piyeer 2:8

A refata itam «ɓil le na tolofnooraa wiin we fo ɓil maak le na fanqaa a den.» Kaa mbaɓan fo a caf den, yaa da nananeerna fa lay fee Roog, too no keene sax a njagandan’e.

YEGIL MBAAX NE YEESU ne Saŋ a bindtuuna 12:35

Yeesu a laya a den ee: «A qoolaand ale miñkatee dara a ndeer nuun. Yaaga koy, ñaaƴyo ye nu maadna o njegaa a qoolaand, ndax o niɓaan ole ɓislooxkee a nuun. Oxe na ñaaƴaa no niɓaan kat, andee me ta jofaa.

A ƭomatax ake 4:17

A kid in kaa niifaar’u yaam ƈufig kasaara ne i ƈooklooxoogna. Kaa i yaakaaroogu xeet faa gareerna a ƴufgiid a in.

Yeremi 14:19

O Yaal oxe, ndax kaa o deɓ a Yudaa wol? Ndax kaa Siyoŋ a maasong ƴam? Xar taxu o gaañ a in boo i mbaagatee o mbod? Jam i yaakaaroogu, ndaa jegee dara kaa faaxna. Kaa i cungoogu mbodandel, ndaa diid soom refu meen.

Yeremi 8:15

Jam i yaakaaroogu, ndaa jegee dara kaa faaxna. Kaa i cungoogu mbodandel, ndaa diid soom refu meen.

O baawaare xe 11:8

O kiin a ñoowangaa xa kiid xa mayu sax, fat a felakinoox na den fop, too a wetandoox ee a pe a peƭaru ke na moƴkaa o may. Fop ke na xewaa kasaara yoo.

Ke bindeena no xe ne’eena YOB 3:5

Yaasam o niɓaan fo a sisaaƥ a naangin salquƈ, eel niɓaanu taruus a iroox took um, soo o niɓaan ñaal a xufin!

A kim a tedu ke 107:10

Kaa ngen’u no niɓaan ole fo na pelyook fa nqon fee, a ndef faɗ ñaatu waa ŋaƭeena ceen,

A kim a tedu ke 107:14

A suqta a den no niɓaan ole fo na pelyook fa nqon fee, a daƈit a ceng ake den.

Yeremi 2:6

Laamteeyo yee: ‹Taa o Yaal oxe, ten oxe sutitna a in no saax laa Misira, a ɗox a in na koƥ-a-ƥor alaa, no lanq beeru kaa mayna a ƥaaxaand, no lanq kaa njegeerna o mboofi na pelyook ale na fa nqon fee, no lanq kaa o leng a naageerna o reefaa, too o leng genee maaga?›

Yeremi 6:21

Ten taxu, mi o Yaal oxe, xam doon mbaambir xeet fene a panq. Xan a mbaɓoox teen soo a saŋkoox den fop, paap ke fo xa ƥiy xa koor den, gentand den fo qaariit den.»

Yeremi 50:6

Xeet es kaa ndeeƭu o siir paal mo’u. Gaynaak den kaa mo’andoogu a den, a njoqooynoornaa a den na xa coong axe. Kaa mbirlooxoogu ndeer xa coong axe fo a ñaang ake, a mbeecit ngetand den.

Heseki’el 21:15

A bar o mat taxu ta lakel, o meleƈaa a tax ta seesel. Ndax i mbaaga o mbelakinoox no samb ole no maad oxe o ƥees? Laƥ ne kaa xeef o loq oluu refna.

Heseki’el 34:12

Ne o kaynaak a fokattaa o siir um, yaa paal um a pasaroorna, neene um topatooritkaa paal es. Xam waaƭik cegel es no fo mbiñ ne da pasaroox’ina, a jopir ñaal a kuy fo o niɓaan.

Heseki’el 36:15

Nannoorkatiroong a ben ake na saax ake, too roxondooxkatiro o niwaƭarel ole no qeet ke. Salaxkatiro xa ƥiy axe na xeet of. Mi o Yaal oxe na refkaa boo faw layun.»

Amos 4:13

yaam oxe sakna xa coong axe fo nqeñ ne too a feeñlaa o kiin a qalaat um, kaam ee, oxe na suptaa mbeet ne, a fi’in o niɓaan, too a ñaaƴaa took xa coong axe, gon um refu o Yaal oxe Roog fee Hupna fop.»

Amos 5:18

Ndaw sabab took nuun, nuun we na tayaa bes fee no Yaal oxe! Xar nu cungtan, ye ta refeerna bes a qoolaand, ndax a ref bes o niɓaan?

A kim a tedu ke 29:2

Ƥoxotyo gon le no Yaal oxe o ndam, ngung mbaambir um, yaa ta feeñkaa kam o tedel um.

Esayi 59:10

Kaa i kasaƥ-kasaƥnaa nen o puul oxaa na lernooxaa tabax, njuxɓaa nen waa njegeerna a kid. Kaa i tolofaa njoloor o mbuc nen waa na ñaaƴaa na kid-a-caɓru. Ke i mbodna mbod fop oo, i moƴanee xon we.

Yowel 2:2

Kaa ref ñaal o niɓaan fo a sisaaƥ, ñaal a eel fo a kuy. Xeet fee mayna bo too a jeg doole kaa garaa nen mbeet naa na leeliidaa took xa coong axe. Kaa nandna neene mosee o jeg, too moskatee o jeg muk no suk ke na ngaraa.

Malaki 2:2

Nu nan-gilooxangee, nu njaɓangee o niw gon es fo xeeñ nuun fop, xam saloox a nuun soo saloox parke ke nu ndaawna. Ii, xam saloox a den, yaam nu niwiraam fo a qeeñ nuun fop.