Yeremi 13:14 - NQAARIIT NE ROOG

¹⁴ Xam duguñrand a den, faap oo o ƥiy oo. Wuuskiim, yirimkiim o leng, too o liir o leng yaqankiraam o saŋik a den.» O Yaal oxe layun.

Yeremi 13:14 Referans Kwoze

A cangatin ale 29:20

Xan o Yaal oxe a xaajin fo a carind ake Isra’el fop, a doonin naqad, a reefandin na salax ake fop no ngiɓoor ne bindeena kam safe lene no kebil ke.»

A kim a tedu ke 2:9

O samb o jelem o duguñitkaa a den, fereƴ a den nen nqaw maxte ƭok.»

Yeremi 21:7

Cinj kaaga, xam ɓoxot a Sedekiya fee o maad Yudaa fo dag um fo we na xeet fee na muckaa na piste fee, no laƥ ne fo no biim le na xa ƥay Nebukadnesaar fee o maad oxe Babilon, na xa ƥay no fañ den fo na xa ƥay no we mbugna njang o ñis den. Xan Nebukadnesaar a xawit a den laƥ too wuuskee a den, yirimkee a den mbaat ta jeg o liir na den. Mi o Yaal oxe layun.

Yeremi 6:21

Ten taxu, mi o Yaal oxe, xam doon mbaambir xeet fene a panq. Xan a mbaɓoox teen soo a saŋkoox den fop, paap ke fo xa ƥiy xa koor den, gentand den fo qaariit den.»

Esayi 27:11

Yaa a naaq ake a mbeerkaa, xan a ƥolel, rew we a ngar, a umbik a den. Ii, xeet feene njegee yiif. Ten taxu oxe sakuuna jegee o liir no ten, oxe mooluuna yirmiran.

Mark 13:12

Xan o kiin a warnoor o pog um ŋaƈit, faap a warnoor o ƥeem, xa ƥiy axe a inooxan we ndimna a den, a mbarnoor a den.

Mace 10:21

Xan o kiin a warnoor o pog um ŋaƈit, faap a warnoor o ƥeem, xa ƥiy axe a inooxan we ndimna a den, a mbarnoor a den.

Heseki’el 24:14

Mi o Yaal oxe kaam ee keene xan a xew too xam fadnin, dakooxkiim teen a cinj too yirimkiim mbaat um ricoox. Xan o hate’el na pesoorooƭ of fo na pi of. Mi o Yaal oxe na refkaa boo faw layun.»

Heseki’el 9:10

Mi itam, yirimkiim a den too wuuskiim a den. Xam gadin a den a pi den.»

Heseki’el 9:5

Cinj kaaga, nanaam ta layaa lakas we yee: «Ndeefaamoo kam teeru fee soo nqaw! Ba a kid nuun a yirim too ba nu mbuus!

Heseki’el 8:18

Mi itam xam fesoor fo fuux, a ngid es yirimkee a den too wuuskiim a den. A mbalalooxangaa no nof es, nan-gilooxkiim a den.»

Heseki’el 7:9

A ngid es yirimkirang too wuuskiroong. Xam gadnong a pesorooƭ of, cednooxu ke wo a ngen a ndeer of. Maaga, xan nu and ee mi refu o Yaal oxe, oxe na xawaa.

Heseki’el 7:4

A kid es yirimkirang too wuuskiroong, ndaa xam sufong a ƭat ake wo, cednooxu ke wo a ngen a ndeer of. Maaga, xan nu and ee mi refu o Yaal oxe.»

Yeremi 48:12

Kaa koy, ñaal key a ngaraa kaa um luliidkaa me Mowaab waa na yiƥadooxkan. Mi o Yaal oxe layun. Xan da caar xa ƥaxañ axe ta yipeena, a nduguñ xa calag axe ten.

Yeremi 47:3

Ɗuuɗ le na xa poxos axe no pis ke ten fo fangax le na saang ake na sareet-xire ke owe naneel. Paap ke talatee xa ƥiy den, yaam xa ƥay den kaa leeƈoox.

Yeremi 16:5

O Yaal oxe a layahinaxam ee: «Ba o rok no mbind naa na nqaaraandaa, ba o maad a mboy, ba o jaap o leng, yaam suqtaam na xeet fene nqaariit es, o paaxel es fa yirmande es. Mi o Yaal oxe layun.

2 Caloori ke 20:23

Aa-amon we fo Moomowaab we a ndalfooxa o song Seeseyiir we, a nduguñ a den, a moocand a den. Cinj kaaga, da moocandir.

1 Sami’el 14:16

Yeeyetax we Sawul ndeeƭna Gibe’a fee Bensame, a nga’a yee faan le no Fiifilista we kaa pictoor, a nqotaa muu refna.

Ke bindeena no xe ne’eena YOB 27:22

A yena took um too yirmiran, ta jeemaa o god o joor, ndax ta woñin.

Yeremi 15:5

O Yaal oxe kaa tee: «Ndi an na yirimkang, wo Yeerusaleem, an na ɗomatooxankang? An na ɗapiidkaa, ndax ta laamtong nam fi’o?

A ƭomatax ake 2:21

Xa caaƈ axe fo nogoy we we luuñaa a lanq no ped ke. Laƥ ne a luƈta fo njaaƈ fo ndoog ne mi fo mbes ke mi. A koom ale fo fuux le wo, waraa, xiris too yirmiro dara.

Hoose 2:4

O Yaal oxe kaa tee: «Xa ƥees, layooryo fa ya nuun, kaam ee nu layoor fo ten, yaam refatee o tees, too mi yoo refatiim o kor um! Fat a watin na mukit um xa anddiloor njaga um, soo no ƭeen ke ten, ta watin xa anddiloor ceeq um!

Sakari 11:6

Mi yoo yirimkatiim we ngenna na adna fee. Xam hoƥatrand a den, o kiin a gomrik fo o kend um, da yen no ɓay no maad we na toroxandaa a den. Maad weene xan a ngef adna fa muum, too a koom mucilkiim o leng na xa ƥay den. Mi o Yaal oxe layun.»

Yeremi 15:6

Waasaxamo, fesaam a cinj. Mi yoo yoɗanaaxoong o ɓay es, yaqong pic. Deyƭooxaam sik na ticax.

Yeremi 25:16

Xan a yerin soo a tifil-tifilin, a mbiriɓ yaa da nga’kaa a bar ale um garitkaa a ndeer den.»

Heseki’el 7:3

Ndiiki muukandoong ne xe garaa took of. Xam hebliid fuux es took of, hate’ong na pesorooƭ of soo sufong cednooxu ke wo fop.