Yeremi 13:13 - NQAARIIT NE ROOG

¹³ Maaga, fat o lay a den ee: Keeke o Yaal oxe a layu: Nga’angyo, xam wayin nep fop we ngenna no saax lene, maad we moofna no uum-maamaad le Dawid, saasadax we, duleer we fo we ngenna Yeerusaleem.

Yeremi 13:13 Referans Kwoze

Esayi 63:6

Kam fuux es, duutaam qeet ke, mokand a den kam ngañak es soo ɓax fo’oy den a lanq.»

Esayi 51:17

Yokooxi, wo Yeerusaleem, kaam ee yokooxi, too inoox, wo fee yeritna no ɓay no Yaal oxe o mbeeƭ onqe yipna fuux le ten. Yeraano boo ɓuus nqiim ke, naag nep way.

A kim a tedu ke 75:8

Roog kañ refu o kaahate xe, ten oxe na neewandaa o leng oxe, soo a yoɗ o lakas oxe.

A kim a tedu ke 60:3

Wo Roog, fuuxanaa a in, deɓ a in, pasar a in, ndaa dalnatini a in ndiiki!

Habakuk 2:16

Maykiro fo o ndam, ndaa xan o naag ɓot yaam gaci. Wo fa xoox of, xan o yer itam soo xeefnoorel yaam o yoq o ƥor! O feeƭ ole no fuux le no Yaal oxe refna na ñamaak um xan a geleeroox farna fa wo, soo o niwaƭarel a muur o ndam of.

Yeremi 51:7

Babilon kaa reeƭu a tokol wurus no ɓay no Yaal oxe, alaa waynooroogna adna fa muum. Qeet ke a yera na biiñ fee ten, a njiit.

Yeremi 25:27

O Yaal oxe a heblaxam um lay a den ee: «Keeke o Yaal oxe Roog fee Isra’el Hupna fop a layu: Yeryo, mbay nep, mbasil, yen boo nu inooxkatee, yaa nu nga’kaa a bar ale um garitkaa a ndeer nuun.»

Esayi 49:26

Xam ñaamnoor we na ñagadilang cer a qoox den, da mbay nep fo fo’oy a qoox den ne biiñ fa nqas a waynitaa. Maaga, mbindeef nuu na ñoowaa xan a and ee mi o Yaal oxe, mi refu o Muumucil of fo o baawat of, mi o Cegu doole xe Yakoob.»

Yeremi 51:57

«Xam waynoor gelwaar we ten fo yaal-o-and we ten, gofornoor ke ten, kelfa ke ten fo a salma-koor ake ten. Xan a ƭaan o ƭaan o yokooxkaand.» O Maad oxe gon um a refna o Yaal oxe Hupna fop layun.

Esayi 51:21

Ndiiki koy, nan-gilooxi a paax, wo Yeerusaleem fa toroxu fee, wo fee wayna nep, too ñimiro biiñ.

Esayi 29:9

Njomi’yo too njaq! Mbuulyo, too ba nu nga’at, mbay, too biiñ taxiran, tifil-tifilnaa, too a yer a qaaɗu ɓekiran a nuun,

Yeremi 13:12

«Fat o daawin a den fa lay feeke: Keeke o Yaal oxe Roog fee Isra’el a layu: O jalag oluu refna kaa fi’el yipir biiñ. A ndoonangaang ee: ‹Ndax kaa i andee yee o jalag oluu refna yipir biiñ oo?›

Yeremi 25:29

Na teeru fee kesaneema um feritkaa taamaala fee, soo nuun o mat, nu mbug o ƭeetel nen caambuur! Nu ƭeetkaand nen caambuur, yaam xam hebliid laƥ took no fop we ngenna na adna fee.» O Yaal oxe Hupna fop layun.