Yeremi 13:11 - NQAARIIT NE ROOG

¹¹ Yaam kat, ne o koor a humnoortaa o kumnoor no ndet um, neene humnoorit’um maat ne Isra’el fop fo ne Yudaa fop, ndax da ndef xeet es, o niwel es, a simat es fo kelax es. Kaa koy, nan-gilooxee.» O Yaal oxe layun.

Yeremi 13:11 Referans Kwoze

Yeremi 33:9

Gon siwu le Yeerusaleem xan a ref na mi o ɗaay, a ci’aam a simat fo o niwel a ndeer qeet ke no lanq ke fop na yegkaa paax ke um fi’ankan. Qeet ke xan a ndiid soo a send, yaa da nga’kaa baneex fee fa jam fee fop um ci’kaa a Yeerusaleem.»

Esayi 43:21

Maaga, xeet feene sakuuma xan a simataxam.»

A kim a tedu ke 81:11

Mi refu o Yaal oxe Roog of, suttoonga no saax laa Misira. Yaƥati o don of, too xam mayƭandin.

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

Yeremi 32:20

Kaa o fi’oogu xa anddiloor fo comlaand, ye daan in a ndefaa kam saax le Misira soo maad o fi’aa a den boo xaye kam Isra’el fo no pindeef ke fop. Fi’anaa a xoox of gon jegu o ndam le refna boo xaye.

Yeremi 13:10

Xeet fa soxodu feene kaa mbañ o nan-giloox fa lay es. Kaa nqox no saƭik xoox ole den, a ngiɓoor fo roog lakas, ndax da mbaɗoox a den soo a ngungaa mbaambir den. Xan a nand nen o kumnoor olene jiriiñateerna tus.

Yeremi 7:26

Kaa koy, nu nan-gilooxiraam, nu ndungee nof nuun. Kaa nu saƭik a qoox, moƴ o yedin daan nuun.

Yeremi 6:17

Dalnanaam a nuun yeeyetax waa maƭooxna a nuun ee: ‹Nan-gilooxyo fangax le na luuƥ ale.› Kaa koy, nu ndoona yee: ‹A ƭat in yongee teen.›

Esayi 62:12

Xan a nqoyeel «xeet fa tedu fee», «we o Yaal oxe a watna», soo wo, o xoyeel «oxe na yaaweel», «teeru fee waasaandeena».

A kim a tedu ke 147:20

Fi’anee keene a xeet fa leng fa lakas, too andee a den. Haleluyaa!

A kim a tedu ke 135:4

O Yaal oxe kaa jilan a xoox um a Yakoob, a fi a Isra’el o jeg um.

A cangatin ale 26:18

Xaye o Yaal oxe kaa lay a nuun ee nuun ndefu xeet fee ta jegoodna, ne ta laytuuna a nuun, too nu mbara ngay kebil ke ten fop.

A cangatin ale 4:7

Xeet fa maak fum njegu roog kaa matna a den, ne o Yaal oxe Roog in a matitna a in a mbanuu i ƈufginooxuuna?

YEGIL MBAAX NE YEESU ne Lik a bindtuuna 10:11

‹In we yirfaa a nuun fo ut ole na teeru nuun taƥna na caf in. Yaag oo toox de fat nu and ee Maat ne Roog a matiida.›

Yeremi 7:13

Ndiiki koy, mi o Yaal oxe, mexe layaa a nuun ee nu mbi’a a pi akeene fop. Roog fuu feedna um lay fa nuun, too nu nan-gilooxee, um xoy a nuun boo naag cat, too nu njaaɓee.

Yeremi 7:23

Kaa kañ keeke heblum a den: Nan-gilooxyo o ñuxur es, too xam ref Roog nuun, nu ndef xeet es. Ñaaƴyo na ƭat ake simuuma a nuun fop, ndax nu ƭaay.

Yeremi 7:24

Kaa koy, nan-gilooxee, ndungee nof den, ndaa kaa ndeefaa a qalaat a qoox den soo a nqox no saƭik xoox o faaxeer ole den. Ƭeetiraam, ndaa kaa mbesaam ndiiñ.

Yeremi 13:1

Keeke refu ke o Yaal oxe a heblaxama: «Reti jikik o kumnoor o pasaak, humnooxin no ndet of, ndaa baa o suupin na foofi muk.»

Yeremi 13:12

«Fat o daawin a den fa lay feeke: Keeke o Yaal oxe Roog fee Isra’el a layu: O jalag oluu refna kaa fi’el yipir biiñ. A ndoonangaang ee: ‹Ndax kaa i andee yee o jalag oluu refna yipir biiñ oo?›

Amos 3:1

Nuun we xa taan Isra’el, o Yaal oxe a laya yee nu nan-giloox ke ta layna took nuun, nuun we ta sutitna no saax laa Misira.

A cangatin ale 26:19

Neene, xan o Yaal oxe Roog nuun a ci a nuun nu ngup qeet ke ta sakna fop, ndax nu simatin, ci’in o jeg gon, ndef qaaƴoor um soo ndef xeet faa ta kesaneena, ne ta laytuuna a nuun.»

Yeremi 19:15

«Keeke o Yaal oxe Roog fee Isra’el Hupna fop a layu: ‹Xam atiid took teeru fene fo took teeru ke ta waxooxna fop taamaala ke regdinooxanuuma fop, yaam we ngenna teen kaa saƭik a qoox, a mbañ o nan-giloox fa lay es.› »