Yeremi 13:10 - NQAARIIT NE ROOG

¹⁰ Xeet fa soxodu feene kaa mbañ o nan-giloox fa lay es. Kaa nqox no saƭik xoox ole den, a ngiɓoor fo roog lakas, ndax da mbaɗoox a den soo a ngungaa mbaambir den. Xan a nand nen o kumnoor olene jiriiñateerna tus.

Yeremi 13:10 Referans Kwoze

Yeremi 16:12

Nuun koy, nuun moƴu o mbi paaxeer daan nuun. Oxuu refna na nuun oxey a xoxa no saƭik xoox um, a fañ o nan-gilooxaam.

Yeremi 9:14

Ten taxu o Yaal oxe Roog fee Isra’el Hupna fop a lay ee: «Xam ñaamnoor xeet feene qaaɗu, soo yernoor a den foofi laa jegna ndoxar.

A lim ale 14:11

O Yaal oxe a laya a Moyiis ee: «Xeet fene kaa ngapko sibaxam boo a mban, a mbañ o ngim na mi, ke fi’uuma xa anddiloor a ndeer den fop oo?

A pi ake 7:51

Nuun we saƭikna a qoox, nu nqucooxee na qeeñ nuun fo no nof nuun, bes fuu refna kaa nu maafraa fo Yiif Tedu le. Safee nuun koy ee ke daan nuun a ndeeƭna rek, nu ndefu nuun itam.

Yeremi 13:7

Nomtooxaam boog Ofrat, waaƭaa soo xotatin o kumnoor ole no mbiñ onqe ɗasin’anuuma. Kaa koy, o kumnoor ole kaa fot’u boo jiriiñatee tus.

Yeremi 3:17

Maaga, Yeerusaleem xan a xoyateel ‹uum-maamaad le no Yaal oxe›. Qeet ke fop xan a mbokatoor Yeerusaleem, ndax da mbaɗoox o Yaal oxe, too xan a mbaas o nqox no saƭik xoox ole den.

Hebre 12:25

Yetooxyo boog! Ba nu mbañ o nan-giloox oxe na layaa fa nuun. We mbañ’ina o nan-giloox oxe cooxoogna a den yaaga a maƭax a katu na Roog, ndaɗ’ee a qaw ale. Yaaga boog, i mbaagkee o ndaɗ, yaa i mbesna a cinj oxe fodna took asamaan, a layaa fa in.

Yeremi 16:4

Xan a nqonit no jir waawar. Nqaaraandkaand too ngaskaand. Xan a ndefik tosir lanq ke. Xan a pattel laƥ fo biim, soo xa tal den a ndef ñaamel a tud ake fo ƥaaɓaan ke.»

Yeremi 11:18

O Yaal oxe, andnooraxamo a pesoorooƭ ake no fañ es, too andaam a den ndiiki.

Yeremi 8:5

Xar taxu xeet fene na Yeerusaleem a ƭap a ƭat ale, a moƴ o mudaa no ngore’aƭar? Kaa da saaƭoox no naanaxir, a mbañ o nomtooxiid me mi.

Yeremi 5:23

Kaa koy, xeet fene kaa naɗoox too a ƥoow. Kaa mbesaam a cinj soo a nduux a koƥ.

Esayi 3:24

Qeeñe-xeeñe pelu ke xan a nqooñataa potu, o qap a refat o ƥaak, maar mosu ke a nduusel a ƥula, ñirax mosu ke a ndefat toki ñaawoor, soo o mosel a refat gaci.

O baawaare xe 11:9

Wo o ndeɓandoong onqe, felakinooxi no ndeƥandoong of. Fat xeeñ of a ɗaay no njaaƈ of. Reefi ke xeeñ of a bugna fo ke a kid of a yuxmaa, ndaa fat o yeg fo and ee no keene fop xan Roog a hate’ong.

A kim a tedu ke 78:8

Neene, nandkee fo daan den, ndefna suk ƥoowu too a nanaƭar, suk naa njegna a yiif-a-ƭak, too a qeeñ den ndamooxee na Roog.

Yeremi 7:6

mbañ o toroxand o gataakoon ole, o waan ole mbaat o ñaaw oxe, mbañ o ƥax no mbiñ onqene fo’oy no xe fi’eerna cageer soo mbañ o ngiɓoor fo roog can, ndik nu qic taamaala took nuun,

Yeremi 9:6

Ten taxu keeke o Yaal oxe Hupna fop a layu: «Xam naayin a den nen njelem soo ɗeetloox a den, yaam xar helum o fi’an lakas a xeet es?

Yeremi 11:10

A nomtooxa no tooñ ke no daan feraand we den mbañ’ina o nan-giloox fa lay es. Kaa ngiɓoor fo roog lakas, ndax da mbaɗoox a den. Wiin we Isra’el fo we Yudaa a ƭega ngiɓoor ne mi dalin’uuma fo daan den.»

Yeremi 20:4

Yaam keeke o Yaal oxe a layu: ‹Xam ɓekong no diid, wo fo qaariit of fop. Xan laƥ ne no pañ den a maaf a den, too xan o ga’oodin. Xam ɓoxot xeet fee Yudaa fop na xa ƥay no maad oxe Babilon, too xan a ɓis a den Babilon took o hup doole, a xawit a den laƥ.

Yeremi 22:21

Lay’aam fa wo yaaga dara jaaxɗandirang, ndaa o doonaam ee: ‹Nan-gilooxkiim.› Keene refu a pesoorooƭ of no kaa xotitna no ndeƥandoong of, yaam nan-gilooxiro o ñuxur es.

Yeremi 23:17

Kaa ngen no layaa we nqeefaxama yee: ‹O Yaal oxe kaa tee: Xan nu njeg jam.› Kaa layaa fop we na ndeefaa o saƭik xoox ole den ee: ‹Paaxeer leng dalkee a nuun.›

Yeremi 35:15

Lultiidaam a nuun duleer we dag es fop, roog fuu feedna um luliid a den, ndax da lay a nuun ee: ‹Mbesyo a cinj a ƭat a paaxeer ale nuun, supit a pesoorooƭ nuun too ba nu ndeef roog lakas ke, ndax nu mbaɗoox a den.› Yaaga, xan nu ngen no saax le ci’uuma a nuun, nuun fo daan nuun. Kaa koy, nu ndungee nof nuun, nu nan-gilooxiraam.

Yeremi 44:5

Kaa koy, nu nan-gilooxee, nu ndungee nof nuun, ndax nu mbaas paaxeer ke nuun, mbañ o ndoxan cuuraay roog can ke.

Yeremi 44:16

«Ke o layaa fa in no gon no Yaal oxe fop oo, i nan-gilooxkirang.

Yeremi 7:13

Ndiiki koy, mi o Yaal oxe, mexe layaa a nuun ee nu mbi’a a pi akeene fop. Roog fuu feedna um lay fa nuun, too nu nan-gilooxee, um xoy a nuun boo naag cat, too nu njaaɓee.

Yeremi 9:13

Kaa nqox no saƭik xoox ole den fo na Baaliin, ne daan den a aqatinit’uuna a den.»