Yeremi 12:9 - NQAARIIT NE ROOG

⁹ Ndax we jeg’uuma ndefee na mi nen ndiiƭ njeel ndaadam naa tiiƭ taadam lakas ke a songna o saax oo saax? ‹Ndetyo mbokat ƥaaɓaan ke na koƥ ale fop! Ƥisiidyo a den da ñaam!›

Yeremi 12:9 Referans Kwoze

Esayi 56:9

«Nuun ƥaaɓaan ke na koƥ ale fop, nuun muumeen ke no suungaan le, ngaryo ñaam!

Yeremi 7:33

Xa tal axe na xeet feene xan a ndef ñaamel tiiƭ ke fo ƥaaɓaan ke no lanq ke, too o leng fiiqilkee a den.

2 Maad we 24:2

Maaga, o Yaal oxe a hebliida a yaj no yaayaq, da njangal a Yoyakim. A ndeeƭa Baababilon fo Aa-araam fo Moomowaab fo Aa-amon. A ngara, a song maat ne Yudaa, ndax da moocandin, ne o Yaal oxe a layit’uuna, a reefandin no duleer we dag um.

Mbeeñil 17:16

Xa can xarɓaxay axe fa Ɓaanoor fee ga’oona, xan a sib a caga le, a nguytin, a nqaƴin o ƥor. Cinj kaaga, xan a sanqin, soo ke na yoqkaa no cer um da ndoxin na fiɗel bo tee riw.

Yeremi 15:3

O Yaal oxe kaa tee: «Xa qos xa nahaq a ƭom um xawitkaa a den: Laƥ ne xan a war a den, xa ƥox axe a listir a den soo a tud ake fo ƥaaɓaan ke a ñaam a den, a salax a den.

Yeremi 2:15

Fo njogoy fo njanglax kaa ŋuuranan, a mbumbaa, a ngef saax le ten tuƈ, soo teeru ke ten a ndaaɓel, o leng genatee teen.

Yeremi 34:20

Ten taxu, xam ɓoxot a den na xa ƥay no fañ den, na xa ƥay no we mbugna njang o ñis den, too xa tal den xan a ndefik ñaamel a tud ake fo ƥaaɓaan ke no lanq ke.

A ƭomatax ake 1:17

Siyoŋ a letna xa ƥay, ndaa o leng yaaliran. O Yaal oxe a hebliida took Yakoob fañ we mbiduuna. Yeerusaleem a refata sibdel a ndeer den.

Esayi 2:11

O kiin oxe na ɗeettaa nga’yaamoo xan a lupandoox, o ka’atinooxu xe a yoornoox. Na bes faaga, o Yaal oxe soom na andkeel nen oxaa yoɗooxna.

Esayi 2:12

Bes fee no Yaal oxe Hupna fop xan a dal took fop ke magnandooxna fo ke ga’atinooxna, a fudin fop ke yoɗooxna.

Heseki’el 34:5

A pasarooxa took o ñak o kaynaak, a ndefat muud no ƥaaɓaan ke na koƥ ale, a pictoor.