Yeremi 12:7 - NQAARIIT NE ROOG

⁷ O Yaal oxe kaa tee: «Waasaam mbind es, pilid xeet fee jeg’uuma. Ɓoxotaam oxe fex’uuma fex na xa ƥay no fañ um.

Yeremi 12:7 Referans Kwoze

Esayi 2:6

O Yaal oxe, waasaa xeet of pelek. Kaam ee xaƴaa mbind Yakoob, yaam kaa may fo fo mbaax ne no batand, maɗag ee gañ teen nen saax le no Fiifilista we, soo a ndimaa fo we da mbogteerna xeet.

Yeremi 11:15

O Yaal oxe kaa tee: «Xar xeet fee fexuuma fex a mbaaƭiidu no Mbind es? Paaxeer ƥor a yuuɓu teen sax. Ndax kaa mboog ee ke da ndegaxama fo sadax cegel ke da ƥoxotaxam xan a mbinqan a den taamaala fee, soo da sutoox teen?»

Hoose 9:15

«Kañaan den fop a feeñta Gilgal. Maaga o mat sibditum a den. Xam raxit a den no saax es yaam a pi a paaxeer ake den. Fexkatiim a den, yaam kelfa ke den fop faafañ a ndefu.

YEGIL MBAAX NE YEESU ne Lik a bindtuuna 21:24

Xan a mbartel laƥ, a ƥisel no mbaƭ ndeer qeet ke fop. Xan qeet ke ndefeerna Yaawuur a nduutaa a Yeerusaleem boo yaa waxtu den a fadkaa.»

Yowel 3:2

No ñaal kaaga, xam fudniid Yiif es took no faɗ we sax, goor fo rew.

Yowel 2:15

Njibinyo a tuluɓ kam Siyoŋ, simit koor soo nqoyit o xet o tedu.

Heseki’el 24:21

Layi mbind Isra’el ee: Keeke o Yaal oxe na refkaa boo faw a layu: ‹Nga’angyo, xam maasand Mbind tedu ne mi, qaaƴoor ke na doole fee nuun, ke yulna a kid nuun fo yaakaar o ñoow nuun. Xa ƥiy xa koor axe fo xa tew axe nuun nu nqaƴna Yeerusaleem, xan laƥ a ñaam a den.

Yeremi 51:5

Mi o Yaal oxe Roog fee Hupna fop, waasiim a Isra’el fa Yudaa, ke saax den a mayna may fo tooñ fop oo mbaambir es, mi o Tedu xe Isra’el.»

Yeremi 7:29

Nuun xeet fee Yudaa, nduusyo a biil a ciig ake nuun na laltaa a ƥoxotax nuun no Yaal oxe, ndeɓ a den! Yoɗyo a kim a ƭomatax took xa coong axe naangna halit, yaam o Yaal oxe kaa sib too a deɓ suk ne mbuuxnooruuna.

Yeremi 7:14

Ten taxu, Mbind nene kesaneema too nu ngoolooxin, o mbiñ onqeene ci’uuma a nuun, nuun fo daan nuun, xam fi’in ne fi’uuma a Silo.

Yeremi 14:19

O Yaal oxe, ndax kaa o deɓ a Yudaa wol? Ndax kaa Siyoŋ a maasong ƴam? Xar taxu o gaañ a in boo i mbaagatee o mbod? Jam i yaakaaroogu, ndaa jegee dara kaa faaxna. Kaa i cungoogu mbodandel, ndaa diid soom refu meen.

Yeremi 17:4

Xan nu ñak lam ne ci’’uuma a nuun. Xam fi a nuun faɗ no fañ nuun no saax laa nu andeerna. Yaam nu ngeƥanda fuux le mi, too xan a kaƥaa boo kili.»

Yeremi 23:33

O Yaal oxe a laya a Yeremi yee: «Boo xeet fene mbaat o tuleer mbaat o saasadax a laamtoonga yee: ‹Fa lay fum o Yaal oxe a gadnu a in ndiiki nen a toq?› fat o doon a den ee: ‹Nuun ndefu a toq ale kañ. Ten taxu xam waas a nuun pelek.›

Yeremi 23:39

xam waas a nuun pelek, deɓ a nuun maa goƭna mukit es, nuun fa teeru fee coox’uuma a nuun fo daan we nuun.

Hoose 11:1

O Yaal oxe kaa tee: «Yaaga Isra’el a refaa o ndeɓandoong, fexaanum too xoytaanum Misira, ten fee o ƥees.

A cangatin ale 33:12

Keeke a layu na carind ale Bensame: «Kaa ndef we o Yaal oxe a fexna fex, a ngen no woor paam um. Oxe Took-ee-took kaa saytooxaa a den kili, a gen a ndeer den.»

2 Maad we 21:14

Xam fod we na yoqkaa na xeet es, ɓoxot a den na xa ƥay no fañ den, da njangal a den, a mbalit o jeg den fop,

A kim a tedu ke 78:62

A ɓoxota xeet um da mbartel laƥ, a fuuxan lam ne ten.

A kim a tedu ke 106:40

Maaga, fuux le no Yaal oxe a biltooxana xeet um, too a sibdata weene ta jegna.

Yeremi 22:5

Kaa koy, nu nan-gilooxangee fa lay feene, mexe daaɓoortan a xoox es o mat ee xan mbind nene a fes a pec.» O Yaal oxe layun.