Yeremi 12:4 - NQAARIIT NE ROOG

⁴ Saax le kaa refkaa neeke na naqad boo a mban, soo daaƭ le na koƥ ale fop ee ŋayam? Ƥaaɓaan ke fo tiiƭ ke no saax le a sooƴa, yaam kañaan ne no we ngenna teen. Kaa da layaa yee: «Roog ga’ee ke na dalkaa a in.»

Yeremi 12:4 Referans Kwoze

Yeremi 9:10

O Yaal oxe kaa tee: «Xam fi a Yeerusaleem juum kefatin, ngenand na xa ƥox-a-koƥ axe, soo fi teeru ke Yudaa a koƥ-a-ƥor, maa o leng a genateerna.»

Yeremi 4:25

Ɗeetaam too ga’atiim o kiin o leng, soo tiiƭ ke na asamaan fop a ƈuf.

A kim a tedu ke 107:34

lanq qaaɗu ke, ta supit a den o tan yaam kañaan no we ngen’ina teen.

O leetar ole Pool a bindna GIMU WE NGENNA ROM 8:22

Mee ndax i anda yee boo no ñaal ne xaye pindel ke fop na xa iin a ndefu, a ƭomeel boo nen o tew oxaa na gaajooxaa.

Hoose 4:3

Ten taxu saax le xan a wootat, fop we ngenna teen a ŋeesoox, den fo muumeen-a-koƥ ke fo tiiƭ ke. Liƥ ke no maag ole sax xan a sooƴ.

Yeremi 23:10

Yaam saax le kaa naag gañ fo waa na seeqaa. Saax le kaa ngooy yaam a salax, xa suufand axe na koƥ-a-ƥor ale a mbeer koroŋ. Wiin we paaxeer doŋ a ƈufanaa, njambaar den a feeñtaa no njofaƭar.

Yeremi 7:20

Ten taxu keeke o Yaal oxe na refkaa boo faw a layu: «Fuux es fo say es owe mbiltooxaa no mbiñ onqene, took no wiin we fo muumeen ke, took taxar ke na koƥ ale fo ke lanq ke a mbatna. Xan a kaƥaa too ñufkee.»

Habakuk 3:17

Ndun ne fiɗkatee, ndaxar biiñ ne rimkatee tus, xa tim ndaxar oliiw a ñak, xa qol axe mbatkatee ñaamel, paal ke fo pambe ke a mooc na ked ake, too naak njegkatee na xa siir axe.

Yeremi 5:31

Duleer we kaa yegnitaa xa maaƥ xa ƥor, saasadax we a ƈufanaa ke faaxna na den soom, soo xeet es a yoon no keene. Ndi xar nu mbi’kaa, yaa keene a faafkaa?»

Yeremi 14:2

«Xeet fee Yudaa kaa naqadiloox, teeru ke ten ee yereng, we ngenna teen a ngooy, a moof a lanq. O wuuq ƭomatax a yoɗoora Yeerusaleem.

Yeremi 5:13

Duleer we ten nqeñ doŋ a ndefu, Roog layee fa den. Yaasam ke da yegnitaa a sagoox took den!»

Yeremi 4:28

Ten taxu lanq ke a ñaawooxaa, soo asamaan fee a niifaar maaga took, yaam layaanum, fosooxin. Ricooxkinum, nomtooxkiim teen a cinj.»

A kim a tedu ke 50:21

Keene o mat o fi’aa, soo o bug’u koy um maar o don es! Foogaa foog ee nen a wo nandum? Muk! Xam ɓanjong soo feednong a pi of fop.»

Yeremi 12:11

A ruudne, a ref na naqad, a ruud mbaambir es. Saax le fop a raada, too haalee o leng.

Yowel 1:18

Nan-gilooxyo ne muumeen ke a iintaa! Xa siir axe kaa njoqooyooxaa o mbiñ fo mbiñ, yaam njegatee xa suufand. A ked ake sax kaa nqonaa.

Amos 1:2

Keeke refu ke Amos a layna: «O Yaal oxe xey a bumbtiidaa Siyoŋ, o ñuxur um a fangoortaa Yeerusaleem: A biinj ake fop a leeƥa, o jul ole Karmel a weer boo ŋayam.»

Sakari 1:12

Maaga, malaaka fee no Yaal oxe a laya yee: «O Yaal oxe Hupna fop, xa kiid qarɓeen ɓetuu ƭik axey axaa fuuxanoona a Yeerusaleem fo teeru lakas ke Yudaa. Ndi neeke o fañkaa o yirim a den boo a mban?»

Esayi 24:4

Lanq ke owe no ñaawax, a mbag tak. Adna fee oxe ŋeesooxaa, a neewaa doole, soo asamaan fee a ŋeesooxandooraa fo lanq ke.

Esayi 24:6

Ten taxu a salax ale a raaɓaa lanq ke, soo we ngenna teen a ngadooxaa tooñ den. Ten taxu we ngenna no lanq ke a sooy, too ke yoqatna no wiin we jaakatee.

Yeremi 9:9

Xam jibin xa lool fo xa iin took xa coong axe, ɗomatooxaa na xa suufand axe na koƥ-a-ƥor ale, yaam kaa ndoxel fop, too o leng reefatee teen. O ñuxur ole na xa siir axe nantataand teen, tiiƭ ke nen cegel ke a ƈufa, fop a sooƴ.»