Yeremi 12:3 - NQAARIIT NE ROOG

³ Wo o Yaal oxe, andaxamo, kaa o ga’axam soo horooxaa xeeñ es paam of. Sayi soxodu we nen paal kaa na ƥiseel no warand, kesan a den bes fee na saŋik ale.

Yeremi 12:3 Referans Kwoze

Yeremi 17:18

Yaasam ñaañagadil we mi a sed, mi o mat ba um sed. Yaasam da mbiriɓ, mi o mat ba um firiɓ. Garti took den ñaal taamaala, yaq a den pic.»

2 Maad we 20:3

«Ey, o Yaal oxe, wetandooxi yee ñaaƴaam mbaambir of fo ngor fo kam fa letu, too ke feloonga rek fi’oogum.» Cinj kaaga, xa kooniit um a yuura, ta naag ɓusiid a lool.

Saak 5:5

Nu ñaama o ñoow ole na adna fee kam o neq fo no kuu felna a nuun. Nu yablooxa boo naang neeke naluƈ nen ƥuj kude.

A kim a tedu ke 17:3

Kaa o ɓaalaa xeeñ es, horooxaxam no yeng ole, ɗeetlooxaxam, ndaa ga’iro dara, yaam ke refna kam es um layaa.

Yeremi 50:27

Mbaryo wiin maak we ten fop, ƥis a den no warand olaa! Sabab took den, yaam bes den a fadiida, waxtu fee da ngadooxkaa a pi den.

A kim a tedu ke 139:23

Wo Roog, horooxaam too and xeeñ es, ɗeetlooxaam too and a qalam es.

A kim a tedu ke 26:1

A kim alaa fogna na ke Dawid oo. O Yaal oxe, ɓoxotaam ɓur, yaam ñaaƴtaam ne ta helitna too jeg na wo a koolax a teyu sik.

YEGIL MBAAX NE YEESU ne Saŋ a bindtuuna 21:17

A dakooxa o laamit jaf dadkandeer ee: «Simoŋ, o ƥiy Yoona, ndax fexaxamo?» Maaga, Piyeer a naqadilooxa yaam ke ta laamtuuna boo a caf a tadak ee «Ndax fexaxamo?», too a doonaan ee: «O Yaal oxe, dara kunpa’irang. Andaa xil ee fexaaxoong.» Yeesu a layaan ee: «Topatooxi paal es.

Yeremi 51:4

We ngaañeena ƭomu xan a luuñaa kam saax le no Kaakalde we, we ndibeena a lañtooxaa no ped ke ten.

Yeremi 48:15

Mowaab a yaqe pic, teeru ke ten a songel, ñaƭiŋka ke ten a ƥakandel no warand olaa.» Mi o Maad oxe, gon es a refna o Yaal oxe Hupna fop layun.

Yeremi 20:12

O Yaal oxe Hupna fop wo andu oxe jofna, horooxaa a pug fo a qalaat a ƭasu ke. Xam ga ndabdinax of took den, yaam wo doxnum nqeloor es.

A kim a tedu ke 11:5

O Yaal oxe kaa ɗeetlooxaa o cofu xe fo o soxodu xe soo a sib oxe fexna mbariƴ.

A kim a tedu ke 7:9

O Yaal oxe, wo xe na hate’aa qeet ke, ɓoxotaam ɓur, yaam kaam jof soo ñak ƥanjel.

Ke bindeena no xe ne’eena YOB 23:10

Yaag oo toox de, Roog a anda o jaf oluu um dakaa. A ɗeetlooxangaam boo a ƴut, xam sutoox teen qac nen wurus faa sutteena no jawir um.

1 Caloori ke 29:17

Wo Roog es, andaam ee kaa o horooxaa a qeeñ ake fop soo fex o cofel. Fi’anaaxoong boog ci’it ke mi no fud o letu kam o cofel ole no xeeñ es, too ga’aam xaye fo o ɗaay xeet of feeke ndefna fa mi a mbi’anong leng kut ke fi’uuma.

2 Piyeer 2:12

Kaa koy, jaajangin weene kaa nand fo muumeen-a-koƥ ke, andoona yee kaa ndimel, ndax da ndamel, soo a mbarel. Kaa mbenaa ke da andeerna. Ten taxu xan a mbartel nen muumeen-a-koƥ.

Yeremi 15:15

Kaa koy, wo o Yaal oxe andaa fop. Wetandooxaam, saytooxaam soo rabdinooxanaam no ñaañagadil we mi. Ba o xaƴaam um loroox no muñ ole wo took no fañ es, wo fee niidna o fuux. Andi yee wo taxaxam o weneel.

Yeremi 17:16

Refee yee mi riñong o fi taamaala fee, saliim ñaal naqad ne a gar. Wo, andaa ke hatna no don es, mbaambir of layum.