Yeremi 12:2 - NQAARIIT NE ROOG

² Jimbaa a den, da sax a paƴ sax, a maakaa soo a ndimaa. Gon of oxey na xa ton den kili, ndaa a qeeñ den a ngoƭaang lool.

Yeremi 12:2 Referans Kwoze

Esayi 29:13

O Yaal oxe a laya yee: «Xeet fene o don fo muuceek soom a niwtaxam, yaa da matiidaxam, ndaa a qeeñ den kaa ngoƭaam, too caƭar ne da njegna na mi kaa ref o reef soom kaa o kiin a dalinna.

Tiit 1:16

Kaa ne’ooxaa andu a Roog, too yaaga fop oo a pi den a ñufaa gon Roog. Wiin faaxaƭaru a ndefu, a nanaƭar, a pi a paax a xox a den sup.

Mace 15:8

‹Xeet fene xa ton den soom a niwtaxam, ndaa a qeeñ den kaa ngoƭaam.

Yeremi 11:17

O Yaal oxe Hupna fop jimb’oonga, a fosooxanaang taamaala yaam paaxeer ke wiin we Isra’el fo we Yudaa a mbi’na a qoox den. A mbuuxnooraan, ye da ndoxanna a Baal cuuraay.

Heseki’el 33:31

Owe ngaraa me wo, a mbi a yaj. Xeet es owe moofa mbaambir of, a nan-gilooxaa fa lay of, ndaa ndeefiran, yaam kaa mbesoortaa fa lay fa mbelu no don den, too a soƥa fop oo no xeeñ den, ke faaxna na qoox den doŋ a mbaaƭaa.

Yeremi 45:4

Keeke o Yaal oxe a simaxam um layong: Ga’angi, mexe yaqaa ke max’uuma, fuuraa ke jimb’uuma, refna ref saax lene fop.

Mark 7:6

Maaga, Yeesu a doona a den ee: «Yememaar we nu ndefna! Esayi a laya ndigil, ye ta jo’tanna a Roog no kaa farna na nuun. Neene a binda yee: ‹Xeet fene xa ton den soom a niwtaxam, ndaa a qeeñ den kaa ngoƭaam.

Yeremi 3:10

Cinj kaaga fop sax, o pog um o tew Yudaa fa ngore’aƭaru fee nomtooxiidee me mi fo xeeñ um fop, ndaa no cat ɗelem soom.» O Yaal oxe layun.

Ke bindeena no xe ne’eena YOB 5:3

Kaam ga o ƥodaxu xe a sax a paƴ, ɓaatnee dara, a salax ake a yen took um.

A kim a tedu ke 37:35

Ga’aam o soxodu xe kam katil um fop. Kaa naag yifir nen ndaxar maak naa na xuƥaa.

Habakuk 1:13

A kid of kaa nqoolood lool boo mbaagee nga’aa paaxeer, too waagiro gen no ɗeetaa njofaƭar ne. Xar na taxkaa boog o fuudaa hoohod weene, maar o don of, yaa o soxodu xe a saŋkaa oxe moƴuuna o jof?

Ke bindeena no xe ne’eena YOB 24:12

Xa iin axe no we na nqonaa owe njibaa kam teeru ke, we ngaañeena a ƈufginooxaa, soo Roog a nuunufaanoox o njakad onqeene.

Hoose 7:14

Ƈufginooxiraam fo a qeeñ den fop, yaa da ƭomatooxaa took cong den. Kaa ñaasooxaa, yaa da nqeɗaxam bele fa biiñ soo a ngoƭaam.