Yeremi 12:16 - NQAARIIT NE ROOG

¹⁶ Maaga, a aqatooxangaa a ƭat ake na xeet es, a ndaaɓoorit gon es ee: ‹Ne ta wooritna yee o Yaal oxe xe ñoowaa›, ne da njangnitna xeet es da ndaaɓooraa a Baal, xan a ndalnel a ndeer xeet es.

Yeremi 12:16 Referans Kwoze

Yeremi 4:2

daaɓoortaa o Yaal oxe na ñoowaa fo ndigil fo a ƭat fo o cofel, maaga qeet lakas ke sax na wo a mbarke’itkeel soo a mbakoortaxam.»

Sofoni 1:5

Xam moocand we na ngungaa na xa tung-took axe mbaambir njeeƈ ne fo o nqool onqe fo xa qoor axe, we na ngungaa, a ndaaɓoortaxam, mi o Yaal oxe, ndaa yaqanee da ndaaɓoortaa a Milkom,

Yosuwe 23:7

Ba nu ndokoor fo qeet ke maadna o ndefaa a ndeer nuun. Ba nu ne’aa a kon ake no roog ke den mbaat nu ndaaɓoortaa a den mbaat nu mbaɗooxaa a den mbaat nu ngungaa mbaambir den,

Sakari 2:11

Nuun Siisiyoŋ we, ñofyo ƥostoox, sutoox teeru fee Babilon.»

Yeremi 5:2

A ndaaɓooxangaa yee: «Mexe gaañtan o Yaal oxe na ñoowaa!» a taaƥax den xa maaƥ xa ƥor oo.

Yeremi 3:17

Maaga, Yeerusaleem xan a xoyateel ‹uum-maamaad le no Yaal oxe›. Qeet ke fop xan a mbokatoor Yeerusaleem, ndax da mbaɗoox o Yaal oxe, too xan a mbaas o nqox no saƭik xoox ole den.

Esayi 65:16

Oxuu bugna o barke’el kam saax le, xan a xeɗin no gon Roog fa ndigil fee. Oxe na bugkaa o daaɓoox itam, xan a fi’in no gon Roog fa ndigil fee, yaam taamaala ke mbaafna xan a mbeectel, a mo mir na kid es.»

Esayi 49:6

kaa tee: «O ref o tag es, ndax o inatin a carind ake Yakoob soo nomtiid yoqatin we Isra’el, deyee na wo. Kaam dodong a qoolaand no qeet ke, ndax a muc es a xay boo no cat adna.»

Esayi 45:23

Daaɓoortaanum a xoox es, too fa lay es ndigil kak oo, dara teen suptooxkee: ‹Xan wiin we fop a ngooknoox mbaambir es, o don oluu refna a weejil ee

1 Korint 3:9

In, waa na njalaa fa Roog i ndefu, nu ndef a ƭing um. Kaam ee nuun ndefu itam tabax ñoow ne ten.

O leetar ole Pool a bindna GIMU WE NGENNA ROM 14:11

A laye na Pind a Tedu ke yee: «Mi o Yaal oxe, ne ta wooritna yee mexe ñoowaa, neene a woortu itam ee xan wiin we fop a ngooknoox mbaambir es, too oxuu refna xan a xaanaa o ndam es, mi Roog.»

A kim ale na kim ake 1:8

Ey, wo fee moƴna mos no rew we, o andangiran, sutooxi reefan xa caf axe no ged le, too gay fo mbambe of paam xa taland axe no gaynaak we.

O leetar ole Pool a bindna GIMU WE NGENNA ROM 11:17

Xeet fee Isra’el kaa nand fo ndaxar oliiw nduufe, a naaq a leng a leng a ƭegel teen. Wo fee refeerna o Yaawuur koy, kaa o nand nen a naaq ndaxar oliiw malu, soo dugandel na seek na naaq a ƭege keene. Ndiiki koy, woxe jiriiñooraa a paƴ ale na ñoownaa ndaxar oliiw nduufe ne.

Ruut 3:13

Fe’i mene. O feet nqes, a soƥangaa yee a bugaang o lam, a faaxa, fat a fi’in. A bugangirang o lam koy, xam lamong, ne ta wooritna yee o Yaal oxe xe ñoowaa. Wondooxi mene boo o feet.»

Esayi 42:6

«Mi o Yaal oxe, kaam xoyong no cofel soo damong no ɓay. Kaam saytooxang soo dalnong, ndax o ref ngiɓoor ne mi fo qeet ke, ref a qoolaand ale na saax ake.

Yeremi 5:7

O Yaal oxe kaa tee: «Wo Yeerusaleem, xar na taxkaa um waasanong? Xa ƥeef a mbaasaxam pelek soo a ndaaɓoortaa roog tefee ndigil ke. Ci’’aam a den fop ke da soxla’na, ndaa yaqanee da seeqaa, a kitkitnaa me na caga le.

Yeremi 6:16

Keeke o Yaal oxe a layu: «Ngeenooxyo ƭeet me nu nqotaa, laamit a qal ake yaaga. Mbaaƭyo a ƭat a paax ale soo ñaaƴ teen. too xan o laaw nuun a ñootnoox. Kaa koy, nu ndoona yee: ‹I ñaaƴkee teen.›

Yeremi 16:19

O Yaal oxe, wo refu doole es, o saasaytax es fo njaɓnooxand es yaa fa naqad. Me wo qeet ke no cat adna a ngarkaa too xan a lay ee: «Daan we in caaxaan a lamu, xa koɓong axaa ƭaxeerna dara.

Yeremi 18:8

Kaa koy, boo xeet feene a fesna a cinj ke taxna um fuuxanin, xam ricoox paaxeer ke yuuɓan’anuuma.

Sakari 1:6

Ndax fa lay fee fo bargal ke coox’uuma duleer we dag es mbadnooxee took daan we nuun? A nomtooxiida me mi too a lay ee: ‹O Yaal oxe Hupna fop a fesoorta fa in ne ta hebooxit’uuna o fi, ta jagir fo a pesoorooƭ in fo a pi in.› »

Esayi 2:3

Qeet mayu xan a inoox, a lay ee: «Ngaryo i ŋaay no joong ole no Yaal oxe, no Mbind ne na Roog fee Yakoob, ndax ta jangin a in a ƭat um, soo i ñaaƴ na qal um, yaam a cangin a tiindigil ale Siyoŋ a inooraa, fa lay fee no Yaal oxe a hatiidaa Yeerusaleem.»