Yeremi 12:13 - NQAARIIT NE ROOG

¹³ Bele a nduuf’u, ndaa takar-ñiig a saxadaa. A paanga doole den na xa koɓong. Njegyo gaci boog no ke nu saxadna, yaam fuux ɗomu le mi.»

Yeremi 12:13 Referans Kwoze

Safe le no tuleer AGE 1:6

Kaa nu nduufaa mayu, ndaa o ndik rek nu saxadaa. Kaa nu ñaamaa, ndaa nu ngiñkee, yeraa too nu nqeƴkee, ndokooxaa, ndaa taxkee a cogoñ nuun a wat, soo ndabid no caajal oxe a kasaara’ooxaa, nen yaa ta reeƭna kam nafa yulu.

Mise 6:15

Xan nu nduuf, ndaa nu saxadkiran, xan nu nol xa tim taxar oliiw, ndaa nu ƭuumooxkee teen. Xan nu nir tuunq xa biiñ, ndaa nu yerkee biiñ fee.

A cangatin ale 28:38

Xan nu nduuf ax mayu na xa qol nuun, ndaa o ndik rek nu saxadkaa teen, yaam tooroog ke xan a nduudnin.

Esayi 55:2

Xar a ɗaxu nu ñakaa xaaliis no kaa naangeerna o ñoownaa, nqijaa no ke waageerna o giñ a nuun? Nan-gilooxaamoo boog, too yaaga xan nu ñaam ke faaxna, sawar yaam ñaamel pelu.

A paɗax ale 26:16

Mi o mat oo, keeke refu ke um fi’kaa a nuun: Xam fudin took nuun taamaala: A cir akaa na ŋeesaa a nuun fo a sumaan alaa na niifaarinkaa a kid nuun soo a ɓuus xa laaw nuun. Xan nu nduuf ax nuun no kasaara, yaam fañ we nuun na muudnoorkan.

Habakuk 2:13

Qeet ke kaa nqijaa yaam fiɗel, a saax ake a coono’aa no kaa o leng a andeerna. Ndax keene inooree no Yaal oxe Hupna fop?

Yeremi 4:26

Ɗeetaam too ga’aam ee a ƭing a refata a koƥ-a-ƥor, soo teeru ke fop a ngef tuƈ. Keene fop o Yaal oxe fi’tun fuux ɗomu le ten.

O leetar ole Pool a bindna GIMU WE NGENNA ROM 6:21

Xar keene a rimu na nuun boog? Dara, a refangeerna gaci, yaam muj no keene fop fa nqon soom oo.

A paɗax ale 26:20

Xan doole nuun a fag no kaa o leng a andeerna, yaam lanq ke mbatkee dara, too taxar ke ndimkee.

Yeremi 9:5

Kaa o gen a ndeer naanaxir ƥor, naanaxir doŋ taxu da mbañaam o and.» O Yaal oxe layun.

Yeremi 17:10

Mi o Yaal oxe, kaam ga’aa boo kam xeeñ soo horooxaa a pug ake, ndax um dakin oxuu refna a pesoorooƭ um, reefandin no ke a pi um a njagitna.

A kim a tedu ke 78:62

A ɓoxota xeet um da mbartel laƥ, a fuuxan lam ne ten.

Hoose 8:7

Feek nqeñ a nduufu, a und a saxadkaa. Bele fa njegee xa yaƥ watkee mbiɗel, too lanq ke a mbatangaa tig sax oo, wiin jan na muudoorkan.

Safe le no tuleer AGE 1:9

Kaa nu yaakaaroogu mayu, ndaa o ndik rek nu ndaawu, ngeeraa saxade nuun, soo um wuuɗ took um. Mi o Yaal oxe Hupna fop kaam laamtaa a nuun ee: Xar garu fo keene? Mbind ne mi yaqooxna, soo oxuu refna na nuun a ƴufanaa mbind um, garu fo ten.