Yeremi 12:12 - NQAARIIT NE ROOG

¹² Yaayaq a mbadiida took xa coong axe fop naangna halit kam a koƥ-a-ƥor ale. Laƥ ne mi xe saŋkaa saax le, a xotit no cat boo no cat, too waasee o leng.

Yeremi 12:12 Referans Kwoze

Amos 9:4

A ngooknooxangaa mbaambir no fañ den, a njaɓ o ndefik faɗ ndax mbarkaand, xam hebil fañ we da lakan a den laƥ ke. Boo a kid es a ndoonooxna took den, paax taxiran, ƭomu soom taxun.»

Yeremi 47:6

Kaa nu layaa yee: ‹Cey, laƥ ne no Yaal oxe, ndi a mban o ñootnooxkaa? Nomtooxi no xool of, dam njaambuur of soo naag tek!›

Heseki’el 14:17

Mbaat toox um ɓisiid’angaa xire took saax leene soo hebil’u laƥ ne ta wid saax le, um suud’angaa teen wiin we fo cegel ke,

Esayi 34:6

Laƥ ne no Yaal oxe kaa siidaa fo fo’oy, a neƥaa fa neebam, ta ref fo’oy le no fo mbaal ne fo le na suk pambe ke, neebam fee na qisiil ake na suk paal ake, yaam o Yaal oxe a fi’ane sadax kam Bosra, a bar a ƭomu kam saax le Edoom.

Mbeeñil 6:4

Maaga, pis jakeer a feeña. Oxe ŋaay’uuna a coox’e sañ-sañ ndax ta fi njuumoor na adna fee, wiin we a mbarrik. Oxeene a coox’e a laƥ a maak itam.

Sofoni 2:12

«Nuun Kuukuus we itam, xam warnoor a nuun na xire.»

Heseki’el 5:2

Doxi teen a qaaj a tadkandeer ale na fiɗel a ndeer ee ndeer teeru fee, yaa ñaal ke no song le a mbadnooxkaa. Xoti teen a leng na qaaj a tadak ake, xawtin laƥ ne me widna teeru fee, pasar leng na qaaj a tadak ake no nqeñ ne, too xam daabtin laƥ.

Yeremi 48:2

Mowaab simatataand, a fexeyanteel taamaala kam Hesebon ee: ‹Acayo i ndet moocandin a ndeer qeet ke.› Wo Madmen itam, xan o naag yereŋ, laƥ ne xey a yelang.

Yeremi 34:17

Ten taxu, mi o Yaal oxe um lay a nuun ee: Nu nan-gilooxiraam, ndax oxuu refna na nuun a yegnit a bat ale no pog um fo no kend um. Yaaga koy, mi o Yaal oxe, mexe yegnitaa yee xam waas xire fee, piste fee fo biim le, da yen took nuun, ndax maat ke na adna fee fop a ndiid, yaa da nga’kaa a nuun.

Yeremi 15:2

A laamtangaang ee: ‹Mam i njofkaa?› fat o doon a den ee: Keeke o Yaal oxe a layu: Fat oxe lafooxaneena fa nqon, a jof na fa nqon, oxe lafooxaneena laƥ, a jof no laƥ, oxe lafooxaneena biim, a jof no biim oxe lafooxaneena mbaƭ, a jof no mbaƭ.»

Yeremi 3:2

Deɓi a kid of farna fo xa coong axe naangna halit too ɗeet, ndax a jega teen maa wondoortaandee’oona. Kaa o moofoogu na ƭat ake, cungaa a den, nen o molaan kam a koƥ-a-ƥor, na cungaa kaa ta damna. Xoolaƭarandtaa saax le njaga of fo a pesoorooƭ of a paaxeer.

Esayi 57:21

Roog es kaa tee: «Soxodu we o mat njegee jam.»

A paɗax ale 26:33

Xam picit a nuun a ndeer qeet lakas ke, ɗiir a nuun fo laƥ. Xan saax le nuun a gefel boo teeru ke nuun a mbes a pec.

A cangatin ale 32:42

Xam waynit a kas ake mi fo’oy le no we ngaañooxna fo we ndameena, laƥ es a ñaam a qoox ake no aa-adax we no fañ we.

Yeremi 3:21

O ñuxur ole nannooxaa took xa coong axe naangna halit: Ii-isra’el we yoo, na loolaa soo a ƈufginooxaa, yaam kaa ƭap a ƭat den, a mbeecit o Yaal oxe Roog den.

Yeremi 4:27

Keeke o Yaal oxe a layu: «Saax le fop xan a raad, ndaa koy gefkinum tuƈ.

Yeremi 16:5

O Yaal oxe a layahinaxam ee: «Ba o rok no mbind naa na nqaaraandaa, ba o maad a mboy, ba o jaap o leng, yaam suqtaam na xeet fene nqaariit es, o paaxel es fa yirmande es. Mi o Yaal oxe layun.

Yeremi 25:11

Saax lene fop xan a fes a pec, a tas, too qeet kene xan a ndagoox o maad oxe Babilon boo xa kiid qarɓeen ɓetuu ƭik.

Yeremi 30:5

Kaa tee: «Xa buuq o njom’andaand axey naneel, diid oo, refee jam.

Yeremi 46:10

Ñaal neeke, bes no Yaal oxe na refkaa boo faw Hupna fop oo, faa ta rabdinooxkaa took no Miimisira we. Laƥ ne ten oxe fandaa boo a deyƭoox, a yeraa na fo’oy no fañ we. Sadax no Yaal oxe na refkaa boo faw Hupna fop oo, no saax le no ɓemb-roog o janoon, farna fo xuluɓ ole Ofrat.

A ƭomatax ake 3:17

Jegatiim jam too andatiim o mbelakinax muk.

Heseki’el 21:4

Maaga, oxuu refna xan a ga ee mi o Yaal oxe heƥandun too ñufkee.»

Heseki’el 21:28

We ngenna Yeerusaleem kaa nga’itkan doŋ nen ƭeet maamaaɓ, yaam ne da mboorniteena a taaƥ. Kaa koy, o maad oxe Babilon xan a wetand a den boom den, ndax da naangel nuus.

Yeremi 8:15

Jam i yaakaaroogu, ndaa jegee dara kaa faaxna. Kaa i cungoogu mbodandel, ndaa diid soom refu meen.

Heseki’el 21:8

Fat o lay o fiisel ole Isra’el ee: Keeke o Yaal oxe a layu: Xam damir fa wo. Xam woosit laƥ ne mi no xool um, soo war na wo jofu we fo soxodu we.

Heseki’el 21:9

O saŋik jofu we fo soxodu we taxu um woosit laƥ ne no xool um, ndax um xaw mbindeef nuu refna, a xotit no ɓemb-roog o ñamaak boo no janoon.