Yeremi 12:11 - NQAARIIT NE ROOG

¹¹ A ruudne, a ref na naqad, a ruud mbaambir es. Saax le fop a raada, too haalee o leng.

Yeremi 12:11 Referans Kwoze

Yeremi 23:10

Yaam saax le kaa naag gañ fo waa na seeqaa. Saax le kaa ngooy yaam a salax, xa suufand axe na koƥ-a-ƥor ale a mbeer koroŋ. Wiin we paaxeer doŋ a ƈufanaa, njambaar den a feeñtaa no njofaƭar.

Esayi 42:25

Ten taxu o Yaal oxe a fudin took xeet um fuux ɗomu le ten fa xire fa ƭomu. Ƈulfaan kaa mbidin muu refna, ndaa taxee ta and, o dox ole a daawin, ndaa haaliran.

Yeremi 14:2

«Xeet fee Yudaa kaa naqadiloox, teeru ke ten ee yereng, we ngenna teen a ngooy, a moof a lanq. O wuuq ƭomatax a yoɗoora Yeerusaleem.

Malaki 2:2

Nu nan-gilooxangee, nu njaɓangee o niw gon es fo xeeñ nuun fop, xam saloox a nuun soo saloox parke ke nu ndaawna. Ii, xam saloox a den, yaam nu niwiraam fo a qeeñ nuun fop.

Sakari 7:5

«Layi xeet fee no saax le fop fo saasadax we yee: ‹Ye nu ngooraa soo ƭomatooxaa no nqool o ƥetkandeer fo no ɓetuu ƭikandeer onqe boo xa kiid qarɓeen ɓetuu ƭik a gar fa xaye, ndax no ndigil mi nu ngooranoogu?

Yeremi 19:8

Xam ɓek teeru fene no tas fo no calat. Oxuu joonna paam um xan a diid soo a wuuƴ, yaa ta ga’kaa yaq fee ten fop.

Yeremi 10:25

Bilti fuux of took a saax ake andeeroonga fo took qeet ke ƈufginoorkeerna gon of, yaam a lista xeet fee Isra’el, a lista soo a saŋik a den, a mbayit kenand den.

Yeremi 10:22

Nan-gilooxangyo fangax combol le na matiidaa. Yo’in maak ley a inoortiidaa no saax le no ɓemb-roog o janoon. Teeru ke Yudaa xan a suptel a koƥ-a-ƥor, a ndefat ngenand xa ƥox-a-koƥ axe.

Yeremi 9:11

Oxum o kiin jegu yiif, ndax ta and kene? O Yaal oxe a feeñlangaan o ten, fat a tekit ke taxna saax le a fes a pec, a doxel nen a koƥ-a-ƥor, maa o leng a reefateerna?

Yeremi 6:8

Wo Yeerusaleem, jaɓi maƭooxel, ndik um ɗegoor fa wo o kay, suptong a koƥ-a-ƥor, maa o leng a genateerna.»

Esayi 57:1

O cofu xe kaa saŋkooxaa, too o liir no leng jaaɓee, gore’u we a ngifeel, too o leng andee yee kaa ngifeel, ndax da ndaɗ taamaala fee.

O baawaare xe 7:2

Ret no mbind naa na nqaaraandaa moƴu o ret no naa na mbumbaayaa, yaam fa nqon refu muj no kiin oo kiin, too oxuu na ñoowaa a waraan o ɓekit yiif.

O leetar ole Pool a bindna GIMU WE NGENNA ROM 8:22

Mee ndax i anda yee boo no ñaal ne xaye pindel ke fop na xa iin a ndefu, a ƭomeel boo nen o tew oxaa na gaajooxaa.

A paɗax ale 26:32

Xam gef saax le nuun boo fañ we nuun na njaɓkan sax, a njaaxiɗ.

Yeremi 4:20

O njakad took o njakad na yegniteel, yaam saax le fop a fiitne. Ndak fo ndak, ƭiif ke mi a mbayte, o laqooxand ole mi a gaakel ndeer ñaf fo ƭeet.

Yeremi 4:27

Keeke o Yaal oxe a layu: «Saax le fop xan a raad, ndaa koy gefkinum tuƈ.

Yeremi 4:28

Ten taxu lanq ke a ñaawooxaa, soo asamaan fee a niifaar maaga took, yaam layaanum, fosooxin. Ricooxkinum, nomtooxkiim teen a cinj.»

Yeremi 25:11

Saax lene fop xan a fes a pec, a tas, too qeet kene xan a ndagoox o maad oxe Babilon boo xa kiid qarɓeen ɓetuu ƭik.

Yowel 1:10

Xa qol axe kaa mbiitnel, lanq ke a naqadiloox, yaam bele jegatee, o ngoon onqe na xa tim biiñ axe ga’ataand, diwliin ne’aand.

Yeremi 9:9

Xam jibin xa lool fo xa iin took xa coong axe, ɗomatooxaa na xa suufand axe na koƥ-a-ƥor ale, yaam kaa ndoxel fop, too o leng reefatee teen. O ñuxur ole na xa siir axe nantataand teen, tiiƭ ke nen cegel ke a ƈufa, fop a sooƴ.»

Yeremi 9:10

O Yaal oxe kaa tee: «Xam fi a Yeerusaleem juum kefatin, ngenand na xa ƥox-a-koƥ axe, soo fi teeru ke Yudaa a koƥ-a-ƥor, maa o leng a genateerna.»