Yeremi 12:10 - NQAARIIT NE ROOG

¹⁰ Gaynaak mayu a nduudna a ƭing taxar biiñ ale mi, a nduut o qol ole mi, o qol o yaawnooxu le mi da mbi’in nen a koƥ-a-ƥor.

Yeremi 12:10 Referans Kwoze

Yeremi 23:1

O Yaal oxe kaa tee: «Sabab took no ɗooɗox we na xeet fee mi. Gaynaak faaxeer waa na mo’andaa, a pasaraa paal ke no siir ole mi a ndefu.»

Esayi 63:18

Na pe a mayeer soom xeet fa tedu of a njegu lam den. Fañ we in a nduuta Mbind tedu ne wo.

Yeremi 6:3

Wiin jan xan a njagniid me ten nen gaynaak fo xa siir den, a sip ƭiif den me widuuna fop, oxuu refna a suufnaa na ƥak um.

Yeremi 3:19

O Yaal oxe kaa tee: «Cey, ndaw ne bugit’uuma o fi’ong nen o leng na xa ƥees, soo ci’ong saax laa felna bo, lam ne moƴna faax na adna fee fop! Kaam foog’u yee: xan o xoyaam ‹Faap es›, feskatiraamo a cinj muk.

Mbeeñil 11:2

Fat o xaƴ o maax-tafil ole no Mbind Roog ne koy, ba o liiƥin, yaam kaa ci’el qeet ke ndefeerna Yaawuur, too xan a nduut teeru fa tedu fee boo a qool qarɓeen nahik fo a qool a ƭak.

YEGIL MBAAX NE YEESU ne Lik a bindtuuna 21:14

Ƥekyo na yiif nuun ee nu mbaree nqalaat ne nu nqoxtitkaa a qoox nuun,

Yeremi 39:3

Maaga, aa-adax we no maad oxe Babilon fop a ndoka na teeru fee, a ndal no Ndokand a ndeer ne. A jeg’a maaga a Nergal-Sareseer fee adooxanna xiixire we, Samgar-Nebo, Sarsekim fee adooxanna cawdiin ke, Nergal-Sareseer fee adooxanna yaal-o-and we fo aa-adax lakas we no maad oxe Babilon fop.

Yeremi 25:9

xam lulit o xoyankel qeet ke no ɓemb-roog o janoon fop fa Nebukadnesaar fee o maad oxe Babilon, refna o tag es. Mi o Yaal oxe layun. Xam ɓisiid a den took saax lene fo we ngenna teen fo took qeet ke mbiduuna fop, ndax um saŋik a den, tas a den soo fi a den buuƴel, gef a den tuƈ boo faw.

Esayi 43:28

Ten taxu fudnaam kelfa ke no mbiñ o tedu nqe, xeet fee Yakoob, um ɓoxot a den, da ngefel tuƈ, soo xaƴ a Isra’el, fañ we ten a mbenan.»

Yeremi 9:10

O Yaal oxe kaa tee: «Xam fi a Yeerusaleem juum kefatin, ngenand na xa ƥox-a-koƥ axe, soo fi teeru ke Yudaa a koƥ-a-ƥor, maa o leng a genateerna.»

Heseki’el 34:2

«Wo fee o ƥiy no kiin, jo’tanaam, jo’tanaam a den, den ɗooɗox we Isra’el ee: Keeke o Yaal oxe na refkaa boo faw a layu: Sabab took ɗooɗox we Isra’el na ƭoxaa a qoox den! Ndax ɗooɗox we mbar’ee o ƭoxaa o siir ole?

Dañel 8:13

Maaga, nanaam malaaka fa tedu faa na layaa. Fa lakas a laamtaan ee: ‹Ke feeñleena kaa bugko jegaa boo a mban? Boo a mban sadax ke ƥoxotoogeena bes fuu refna a njegkateeru? A paɗax a qoolaƭaru le kaa refkaa meen boo a mban? O mbiñ o tedu nqe fo a yaj ake na asamaan kaa mbugko nduuteel boo a mban?›

Sakari 7:14

Pasaraam a den a ndeer qeet ke da and’eerna fop, da nqaƴ a cinj den saax laa wootatna, too o leng retoogatee a garaa teen. A mbi’a saax felu leene a koƥ-a-ƥor.»

Esayi 3:14

A refa no hate’aa maak we fo kelfa ke na xeet um ee: «Nuun o mat mbiitnu a ƭing taxar biiñ ale, ngeer no pind nuun ke nu njaɓitna no rool we.

Yeremi 25:37

Xa suufnand jam axe a mbootata yaam fuux ɗomu le no Yaal oxe.

Yeremi 25:38

A waasa ngenand um, ne o njogoy o njanglax a waastaa nqanq um, yaam saax le den a raadnite fuux le no yaayaq oxe fo fuux ɗomu le ten.

Heseki’el 34:5

A pasarooxa took o ñak o kaynaak, a ndefat muud no ƥaaɓaan ke na koƥ ale, a pictoor.