Yeremi 11:8 - NQAARIIT NE ROOG

⁸ Kaa koy, nan-gilooxee, ndungee nof den. Kaa nqox no saƭik xoox o faaxeer ole den. Maaga, fadnaam took den a maƭax es fop, yaam ndeefee bargal ke no ngiɓoor neene hebil’uuma a den.»

Yeremi 11:8 Referans Kwoze

Yeremi 7:24

Kaa koy, nan-gilooxee, ndungee nof den, ndaa kaa ndeefaa a qalaat a qoox den soo a nqox no saƭik xoox o faaxeer ole den. Ƭeetiraam, ndaa kaa mbesaam ndiiñ.

Yeremi 7:26

Kaa koy, nu nan-gilooxiraam, nu ndungee nof nuun. Kaa nu saƭik a qoox, moƴ o yedin daan nuun.

Heseki’el 20:8

A siiknoora fa mi, a mbañ o nan-gilooxaam. O leng na den deɓee cakalaaru ke yul’ina a ngid um, too mbaasee pangool ke Misira. Maaga, xalaataam o sayan a den, fagiɗ fuux es tak took den a ndeer saax le Misira.

Yeremi 35:15

Lultiidaam a nuun duleer we dag es fop, roog fuu feedna um luliid a den, ndax da lay a nuun ee: ‹Mbesyo a cinj a ƭat a paaxeer ale nuun, supit a pesoorooƭ nuun too ba nu ndeef roog lakas ke, ndax nu mbaɗoox a den.› Yaaga, xan nu ngen no saax le ci’uuma a nuun, nuun fo daan nuun. Kaa koy, nu ndungee nof nuun, nu nan-gilooxiraam.

Yeremi 3:17

Maaga, Yeerusaleem xan a xoyateel ‹uum-maamaad le no Yaal oxe›. Qeet ke fop xan a mbokatoor Yeerusaleem, ndax da mbaɗoox o Yaal oxe, too xan a mbaas o nqox no saƭik xoox ole den.

Sakari 7:11

Kaa koy, a mbaña o nan-giloox, a nquun soo a sux nof den, ndax nankee.

Yeremi 44:17

Ndaa kañ, kaa i mbug o mbadin ke i ndegitna: Xan i ndoxan a Astarte, Lingeer fee na asamaan, cuuraay soo njuuranin, ne i mbi’tuuna, in fo daan in, maad in fo kelfa in, kam teeru ke Yudaa fo no ped ke Yeerusaleem. Maaga, i njeg’a ñaamel boo ta dey, ƭaay boo wee xa kene too i and’ee taamaala.

Nehemi 9:29

Maƭooxaa a den, ndax da nomtooxiid no kebil of, ndaa den o mat, a magnandooxooga, a mbañ o ndeef kebil of. A ƭapa bargal ke wo o kiin oxe warna o fadin, ndax ta ñoow. Kaa nquun yaam nanaƭar, a saƭik a qoox, a mbañ o nan-giloox.

Nehemi 9:26

Yaqanee koy, da inooxanong, a siiknoor fa wo, a mbes kebil of a cinj, a mbar duleer we wo maƭooxoogna a den, ndax da nomtooxiid me wo. A tooñaang tooñ maak.

Yeremi 13:10

Xeet fa soxodu feene kaa mbañ o nan-giloox fa lay es. Kaa nqox no saƭik xoox ole den, a ngiɓoor fo roog lakas, ndax da mbaɗoox a den soo a ngungaa mbaambir den. Xan a nand nen o kumnoor olene jiriiñateerna tus.

Yeremi 31:32

Nandkee koy fo ngiɓoor ne dalin’uuma fo daan den, ye pokuuma a den no ɓay, sut a den no saax laa Misira, ngiɓoor es ne da ƭegna, ke refuuma o Yaal den fop oo. Mi o Yaal oxe layun.

Yeremi 32:23

A ndoka teen, a njangin, ndaa nan-gilooxee o ñuxur of, ndeefee kebil of, mbi’ee dara no ke hebil’oona a den da mbi. Ten taxu, o sag a den taamaala feeke fop.

Yeremi 38:20

Yeremi a doonaan ee: «Ɓoxotkaandee. Nan-gilooxi o ñuxur no Yaal oxe ne laytoonga o ten, yaaga xan a malong, too xan o mucil o ñis of.

Yeremi 44:5

Kaa koy, nu nan-gilooxee, nu ndungee nof nuun, ndax nu mbaas paaxeer ke nuun, mbañ o ndoxan cuuraay roog can ke.

Yeremi 44:16

«Ke o layaa fa in no gon no Yaal oxe fop oo, i nan-gilooxkirang.

Sakari 1:4

Ba nu nand fo daan nuun we duleer eetaand we a layoogna yee: Keeke o Yaal oxe Hupna fop a layu: Mbesyo a cinj a ƭat a paaxeer ake nuun, mbaas a pesoorooƭ nuun a paaxeer! Kaa koy, nan-gilooxee, too a ƭat den yongee na mi. Mi o Yaal oxe layun.›

Yeremi 7:13

Ndiiki koy, mi o Yaal oxe, mexe layaa a nuun ee nu mbi’a a pi akeene fop. Roog fuu feedna um lay fa nuun, too nu nan-gilooxee, um xoy a nuun boo naag cat, too nu njaaɓee.

Yeremi 34:14

‹No hiid ɓetuu ɗikandeer oluu refna, fat oxuu refna na nuun a xaƴ o pog um o Hebre xe jikoox’uuna a xoox um, a faɗooxan boo xa kiid ɓetaa fo leng. Fat a sutin mbind um, a xaƴin ta jeg a xoox um.› Kaa koy, daan nuun nan-gilooxiraam, ndungee nof den no ke layuuma a den.

Yeremi 35:17

Ten taxu, keeke layum, mi o Yaal oxe Roog fee Hupna fop, Roog fee Isra’el: Xam hebliid took xeet fee Yudaa fo took we ngenna Yeerusaleem fop taamaala fee regdinooxuuma a den fop, yaam kaam lay fa den, too nan-gilooxiraam, um xoy a den, da mbañaam o njaaɓ.»