Yeremi 11:6 - NQAARIIT NE ROOG

⁶ O Yaal oxe a layaxam ee: «Lambni fa lay fene fop kam teeru ke Yudaa fo no ped ke Yeerusaleem ee: Nan-gilooxyo ndegoor ne no ngiɓoor nene too ndeefin!

Yeremi 11:6 Referans Kwoze

Saak 1:22

Ba nu nan-gilooxaa fa lay fee soom, mbañin o ndeef, yaam no kaaga, kaa nu naxaa a qoox nuun.

O leetar ole Pool a bindna GIMU WE NGENNA ROM 2:13

Refee yee we na nan-gilooxaa kebil ke Roog na ƭeetkeel nen jofu mbaambir um, ndaa we na ndeefaa kebil ke na njofandkeel.

YEGIL MBAAX NE YEESU ne Saŋ a bindtuuna 13:17

Nu andangaa keene, soo mbi’an koy, nu ƭaaya!

Yeremi 19:2

Sutoorti no ndokand ne no maxand ole, jagin na yulanq alaa Ben-Hinom. Fat o yegnit maaga fa lay fee um daawinkang.

Yeremi 7:2

«Geenooki na carind ale no Mbind ne no Yaal oxe soo falaloox maaga yee: ‹Nuun Yuuyudaa we fop na ndoktaa na carind akene, ndax nu mbaɗoox o Yaal oxe, nan-gilooxyo ke o Yaal oxe a layna!

Yeremi 3:12

Reti falaloox farna fo ɓemb-roog o janoon ee: ‹Nomtooxiidi, wo Isra’el fa ngore’aƭaru fee! Fuuxankiroong, yaam kaam may yirmande. Naagiim o geekaa fuux es boo cay. Mi o Yaal oxe layun.

Sakari 7:7

Ndax keene refee fa lay fee o Yaal oxe a layna a reefandin no duleer we yaaga, ye Yeerusaleem a geneena too a ref no yaadax, ten fo teeru ke mbiduuna, soo o jegel ole no ɓemb-roog o ñamaak fo ole na yulanq ake a ngenel itam?

Esayi 58:1

O Yaal oxe kaa tee: «Falalooxi a maak, fañ o waas. Fat o ñuxur of a nannoox koƭu nen fangax a luuƥ. Yegni xeet es njofaƭar den, andnoor we no mbind Yakoob pakaad den.

A kim a tedu ke 15:5

Ɓanditkee xaaliis ndax ta rimandin too jaɓkee gerel ndax ta seede’an o cofu xe cegeer. Oxuu na fesooraa neene, tolofkee muk.

Yeremi 2:2

«Reti o yegin a Yeerusaleem kene: O Yaal oxe kaa tee: Kaam wetandooxaa ne gore’it’oona na mi, ye o refaa o ndeɓandoong, ne bugit’axamoona ye o refaa o toog es, ne reeftoogaxamoona na koƥ-a-ƥor alaa, no jegel olaa dara a saxkeerna.

A cangatin ale 4:1

«Ndiiki koy, nuun Ii-isra’el we, nan-gilooxyo ndax nu ngay bargal ke fo kebil ke um jangnaa a nuun. Neene, xan nu ñoowaa soo njang saax le o Yaal oxe Roog fee no daan nuun a ci’na a nuun, nu njegkin.

A cangatin ale 4:5

Nga’angyo, mexe jangnaa a nuun bargal fo kebil, ne o Yaal oxe Roog es a heblitaxama o ten, ndax nu ndeef a den a paax kam saax le nu ndokkaa, njegkin.