Yeremi 11:4 - NQAARIIT NE ROOG

⁴ Dalnanaam a den daan nuun a koom alaa suttuuma a den no saax laa Misira, a kaleera cawir celem ale, lay ee: Nan-gilooxyo o ñuxur es too mbi fop ke dalnanuuma a nuun, yaaga xan nu ndef xeet es, soo um ref Roog nuun.

Yeremi 11:4 Referans Kwoze

A cangatin ale 4:20

Nuun o mat, o Yaal oxe kaa dam a nuun o ɓay, a sutit a nuun Misira, o saasnand njelem oleene, ndax nu ndef xeet faa ta jegoodna, ne nu ndeftuuna xaye.

A paɗax ale 26:12

Xam ñaaƴaa a ndeer nuun, ref Roog nuun, soo nu ndef xeet es.

2 Korint 6:16

Ndi nam ngenand ne Roog a waagu o yoonit fo pangool ke? Yaam in o mat ndefu ngenand Roog fa ñoow jok fee, ne Roog fa xoox um a laytuuna: «Xam gen fa den, i ñaaƴandoor. Mi na refkaa Roog den, da ndef xeet es.»

Sakari 8:8

Xam nomtiid a den, too xan a ngen kam Yeerusaleem. Xan a ndef xeet es, soo um ref Roog den, no ngor fo no cofel. Mi o Yaal oxe Hupna fop layun.»

Yeremi 24:7

Xam ci a den yiif laa da anditna yee mi refu o Yaal oxe. Xan a ndef xeet es, soo um ref Roog den, yaam xan a nomtooxiid me mi fo a qeeñ den fop.

1 Maad we 8:51

Yaam o mat, den ndefu xeet of fo lam of, den we suttoona Misira ndeer o saasnand njelem ole.

Sakari 13:9

Aleene seek koy, xam ɓekin na fiɗel, jawtin ne xaaliis a jawteel, xoolandin ne wurus a xoolandteel. A koom, xan a ƈufginoor gon es, um jaaɓ a den, lay a den ee: ‹Nuun ndefu xeet es!› Xan a ndoonaam ee: ‹Wo o Yaal oxe, wo refu Roog in.› »

Heseki’el 37:23

Ndoɗgandkatee a qoox den tee kaa mbaɗooxaa nitaal roog cakalaaru, a mbi’aa a pi a cednooxu fo pakaad kuu ndefna. Xam mucil a den no fo mbiñ ne da ngen’ina fop too a mbakaadit’u teen. Xam xooland a den da ndefat xeet es soo um ref Roog den.

Heseki’el 36:28

Xan nu ngen no saax le ci’uuma daan nuun. Xan nu ndef xeet es, soo um ref Roog nuun.

Heseki’el 14:11

Neene, mbind Isra’el mo’ikkatee maa goƭaxama, too nqoolaƭaranditkatee a den tooñ. Maaga, xan da ndef xeet es soo um ref Roog den. Mi o Yaal oxe na refkaa boo faw layun.»

Heseki’el 11:20

ndax da ndeef kebil es, a ngay bargal es soo a mbadin a den. Xan a ndef xeet es soo um ref Roog den.›

Yeremi 30:22

Xan nu ndef xeet es, soo um ref Roog nuun.»

Yeremi 26:13

Ndiiki koy, supityo a pesoorooƭ nuun fo a pi nuun, nan-giloox o ñuxur no Yaal oxe Roog nuun. Yaaga xan o Yaal oxe a ricoox paaxeer ke ta waajan’ina a nuun.

A cangatin ale 11:27

Xan nu mbarke’el, yaa nu ndeefna kebil ke no Yaal oxe Roog nuun, um cooxaa a nuun xaye.

A paɗax ale 26:3

«Nu ndeefangaa bargal es, ngay kebil es soo mbadin a den,

Mberaand 17:8

Xam ci’ong, wo fo xa taan of, saax lene refiidoona o gataakoon, saax le Kanaan fop, too xam ref Roog den.»

Hebre 5:9

Neene a ñaktu sik, boo a refat a cur a muc a pagkeer ale no we nananuuna fop.

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

Sakari 6:15

Xan wiin a inoor koƭu soo a njal no maq ne no Mbind ne mi. Maaga, xan nu and ee o Yaal oxe Hupna fop lulaxam me nuun. Keene xan a jeg, nu nan-gilooxangaa no ndigil o ñuxur no Yaal oxe Roog nuun.

Heseki’el 37:27

Xam gen fa den, ref Roog den soo da ndef xeet es.

Yeremi 32:28

Ten taxu, mi o Yaal oxe, mexe layang ee: Xam ɓoxot teeru fene na xa ƥay no Kaakalde we fo na xa ƥay Nebukadnesaar fee o maad oxe Babilon, too xan a jaɓin.

Esayi 48:10

Xoolandaam a nuun. Refee koy na fiɗel fee xaaliis a xoolandteel, ndaa kaam ɗeetloox a nuun kam taamaala.

1 Sami’el 15:22

Sami’el a layaan ee: «Ndax sadax toxel ke fo sadax lakas ke o Yaal oxe a moƴu o bug ee o nanan fa lay um? Nanan ne moƴanun sadax ke, njaɓan ne a moƴanin neebam fee na suk paal ake.

A sutax ale 20:6

Kaa koy, naagaam o yirmaa boo no wiin cuni-cuni we mbexaxama, a ngayaa kebil es.

Esayi 30:6

«Ke na dalkaa muumeen ke na koƥ-a-ƥor ale no ɓemb-roog o ñamaak: Kaa da nqaañaa saax le no coono ke fo naqad ke, me cogoy tew fo koor a ñoowaa fo a sax fa Niŋki-naŋka fee na yetaa, a suf na xa paam kalal den, soo paax ke da njegna, da sufin no keeleemb, a ƥisin xeet faa jeganeerna a den o njiriiñ o leng.

Yeremi 11:7

Yaam kaam maƭooxoogu daan nuun no kaa xotitna a koom alaa suttuuma a den no saax laa Misira, a gar fa xaye. Kaam maƭooxoogu a den roog fuu feedna yee: Nan-gilooxyo o ñuxur es!

Yeremi 38:20

Yeremi a doonaan ee: «Ɓoxotkaandee. Nan-gilooxi o ñuxur no Yaal oxe ne laytoonga o ten, yaaga xan a malong, too xan o mucil o ñis of.

Dañel 3:26

Cinj kaaga, Nebukadnesaar a matiida begax ne na fuur fee na kaƥaa jir-jir, soo a falaloox ee: «Sadrak fa Mesak fa Abed-Nego, nuun dag we Roog fee Took-ee-took, sutooxiidyo too ngar!» Maaga, Sadrak fa Mesak fa Abed-Nego a sutooxiida fiɗel le.

A cangatin ale 5:6

‹Mi refu o Yaal oxe Roog of, suttoonga no saax le Misira, me reeƭoona o paɗ.

2 Maad we 18:6

A damooxa no Yaal oxe, a fañ o waas, soo a gayaa kebil ke o Yaal oxe a coox’ina a Moyiis.