Yeremi 11:23 - NQAARIIT NE ROOG

²³ Yoqkee o leng no wiin we Anatot, yaa um ɓisiidkaa taamaala fee took den, no hiid ole um ɓekkaa a den o ɓay.»

Yeremi 11:23 Referans Kwoze

Yeremi 23:12

Ten taxu xan a ƭat den a ɓodax ruy, soo a niɓaan tit. Xan a mbaɓir teen, a yen, yaa um garitkaa took den taamaala, no hiid ole da ngadooxkaa a pi den. Mi o Yaal oxe layun.»

YEGIL MBAAX NE YEESU ne Lik a bindtuuna 19:44

Xan a ngefong tuƈ, a saŋik we ngenna me wo, too nqaƴkee na wo muul leng took gend um, yaam andiro waxtu fee xalatooxiidee’oona.»

Mise 7:4

Oxe moƴna faax na den kaa nand nen nqooc, oxe da mbi’na o cofu a moƴ o weel ngiƈ ngol. Ñaal ne na qaw ale nuun, yeeyetax we duleer we nuun a yegnitna, a fadiida, too me ta refna, nuun wey no jaq.

Hoose 9:7

Ñaal ke na qaw ale a mbaambnooxa, kaam ee ñaal ke no ndabid ne owe ngaraa. Fat Isra’el a andin! Kaa nu layaa yee: ‹O tuleer Roog oxe kaa ɗofat, o kiin oxe feeñooxeena a gulmaa.› O magnel ole no tooñ nuun fo ne nu sibaxama taxu nu layan.

Yeremi 50:27

Mbaryo wiin maak we ten fop, ƥis a den no warand olaa! Sabab took den, yaam bes den a fadiida, waxtu fee da ngadooxkaa a pi den.

Yeremi 48:44

Oxe na ƴufaa diid le xan a yen no gamb le, too oxe na sutooraa no gamb le xan a damtel mbaal ne, yaam o hiid ole um xawkaa a Mowaab oxey a garaa. Mi o Yaal oxe layun.

Yeremi 46:21

Xiixire saadlaand we ta waaƭanna a xoox um kaa nand nen xa qeel axaa ngudeena. Kaa koy, den itam a nqurulooxa, a ƈuf den fop. Mbaagee o nqox, yaam ñaal ne na saŋik ale a fada na den, waxtu fee da nqaweena.

Yeremi 44:27

Nga’angyo, xam fexeyan a nuun, ndax um doon a nuun taamaala ee baneex. Yuuyudaa we fop ndefna no saax le Misira, xan laƥ fo biim a saŋik a den boo da mooc.

Yeremi 11:19

Mi, kaam nand’u nen o mbaal o yooɓu nqaa na ɓiseel no warand. And’iim muk ee mi a ngiɓanu o ngir, a layraa a ndeer den ee: «Fat i maaf ndaxar nquƥu sap ne, mbatnin no lanq ke no ñoow we, ndax gon um wetandooxkataand muk!»

Yeremi 8:12

Ndax a njega o ndicax no cednooxu ke da mbi’na? Sedee teen dara too andee gaci. Ten taxu xan a mbog no we ñakna xa ñis den, a mbagiɗ tak, yaa um dalkaa took den.» O Yaal oxe layun.

Yeremi 6:9

Keeke o Yaal oxe Hupna fop a layu: «Gisaatooxi yoqatin we Isra’el boo ta xet ne ndaxar biiñ ƥoore a gisaatooreel. Saaki na xa par axe, ne o niinir a fi’tan.»

Yeremi 5:29

Ndax xawkiim wiin weene soo rabdinoox took xeet fa nandu neene? Mi o Yaal oxe layun.

Yeremi 5:9

Ndax xawkiim wiin weene soo rabdinoox took xeet fa nandu neene? Mi o Yaal oxe layun.

Abjaas 1:18

Xa taan axe Yakoob xan a ndef nen fiɗel, axe Yoseef a ndef nen ƈulfaan, soo axe Esawu mat a ndef nen daaƭ laa da ndaaɓkaa, a sooynin, too jegkee oxaa filna na den. Mi o Yaal oxe layun.»