22 Kaa koy keeke layum, mi o Yaal oxe Hupna fop: Nga’angyo, xam dal took den! Xan laƥ a ñaam mbes ke den, biim a war xa ƥiy xa koor axe fo xa tew axe den.
Ten taxu, ɓoxoti xa ƥiy den biim le, joor a den no weel le no laƥ ne. Yaasam rew we den a nqatat, a ndefat ñaaw. Yaasam piste a ñaam goor we den, laƥ a saŋik mbes ke den na xire fee.
Maaga, o Yaal oxe a inaniida a den o maad oxe no Kaakalde we, ta gar a warit mbes ke laƥ kam mbind tedu ne. O Yaal oxe yirim’ee o fes mbaat o toog mbaat o maak mbaat oxaa fuumna, ndaa a ɓoxota fop na xa ƥay um.
Xa caaƈ axe fo nogoy we we luuñaa a lanq no ped ke. Laƥ ne a luƈta fo njaaƈ fo ndoog ne mi fo mbes ke mi. A koom ale fo fuux le wo, waraa, xiris too yirmiro dara.
O Yaal oxe kaa tee: «Wo Yeremi, yegnitahini fa lay feeke: Xa tal axe no wiin we xan a luuñaa nen suqi faa picteena na xa qol axe, nen xa yaƥ axaa o saasaxad a xaƴna a cinj um, too o leng gisee a den.»
Xam xaw a nuun, reefandin no ke a pi nuun a njagitna. Xam heƥand fiɗel kam suungaan a toodook qool ake nuun, ta raaɓ ke widna a nuun fop. Mi o yaal oxe layun.»
Yoɗaam piste, pictin a ndeer nuun, ne fi’it’anuuma no saax laa Misira, warnoor mbes ke nuun na xire, pis nuun a njaɓel, xa tal no yoon nuun a mbat a nuun xus nen ƈaq, ndaa dara teen taxee nu naang cook nomtooxiid me mi. Mi o Yaal oxe layun.