Yeremi 11:17 - NQAARIIT NE ROOG

¹⁷ O Yaal oxe Hupna fop jimb’oonga, a fosooxanaang taamaala yaam paaxeer ke wiin we Isra’el fo we Yudaa a mbi’na a qoox den. A mbuuxnooraan, ye da ndoxanna a Baal cuuraay.

Yeremi 11:17 Referans Kwoze

Esayi 5:2

A jiqta lanq ke maaga, a watin a kac ake soo a jimb teen taxar biiñ pelu. A maxa a ndeer ee ndeer ale o yetooxand soo a waq kam faa o nirir. Kaa yaakaaroogu yee a ƭing ale xan a rim xa tim biiñ xa safu, ndaa koy, ke ta rimna jaɓee no don.

Yeremi 12:2

Jimbaa a den, da sax a paƴ sax, a maakaa soo a ndimaa. Gon of oxey na xa ton den kili, ndaa a qeeñ den a ngoƭaang lool.

Yeremi 2:21

Yaag oo toox de kaam jimb’ong nen ndaxar biiñ safu, naa o ax ole a faaxna. Nam suptooro ndaxar biiñ malu, naa hatna a ngenareem?

Yeremi 19:15

«Keeke o Yaal oxe Roog fee Isra’el Hupna fop a layu: ‹Xam atiid took teeru fene fo took teeru ke ta waxooxna fop taamaala ke regdinooxanuuma fop, yaam we ngenna teen kaa saƭik a qoox, a mbañ o nan-giloox fa lay es.› »

Heseki’el 17:5

A xotta njimb no saax le Isra’el, a jimbin no lanq ciqte, paam poofi mayu nen nqawul.

Yeremi 45:4

Keeke o Yaal oxe a simaxam um layong: Ga’angi, mexe yaqaa ke max’uuma, fuuraa ke jimb’uuma, refna ref saax lene fop.

Yeremi 42:10

‹Nu saxangaa tigi no saax lene, xam maxatin a nuun nu ndefat xeet too yaqkatiim a nuun, xam jimb a nuun too fuurkatiim a nuun. Maaga, xam ricoox paaxeer ke fi’uuma a nuun.

Yeremi 40:2

O aa-adax oxe no yeeyetax we no maad oxe a xotnika a Yeremi, a layin ee: «O Yaal oxe Roog of a yegnit’a took saax lene taamaala fene.

Yeremi 36:7

Xeƈa xan a tax da nqeɗoox o Yaal oxe, oxuu refna a fes a cinj a ƭat a paaxeer um, yaam fuux le fo say ole o Yaal oxe a regdinooxna xeet fene a magna.»

Yeremi 35:17

Ten taxu, keeke layum, mi o Yaal oxe Roog fee Hupna fop, Roog fee Isra’el: Xam hebliid took xeet fee Yudaa fo took we ngenna Yeerusaleem fop taamaala fee regdinooxuuma a den fop, yaam kaam lay fa den, too nan-gilooxiraam, um xoy a den, da mbañaam o njaaɓ.»

Yeremi 26:19

Ndax Hiskiya fee o maad Yudaa fo we Yudaa fop a mbarnoor’aan? Ndax Hiskiya saɗar’ee o Yaal oxe? Ndax ƴufginoox’ee o Yaal oxe? Maaga, o Yaal oxe a ricooxa paaxeer ke ta waajan’ina a den. In o mat, i mbug o ngadin a qoox in paaxeer magnitu neene!»

Yeremi 26:13

Ndiiki koy, supityo a pesoorooƭ nuun fo a pi nuun, nan-giloox o ñuxur no Yaal oxe Roog nuun. Yaaga xan o Yaal oxe a ricoox paaxeer ke ta waajan’ina a nuun.

Yeremi 24:6

Xan a kid es a ngaan took den, too xam nomtiid a den no saax lene. Xam sinjatin a den too taskatiim a den, xam jimbatin a den too fuurkatiim a den.

Yeremi 18:8

Kaa koy, boo xeet feene a fesna a cinj ke taxna um fuuxanin, xam ricoox paaxeer ke yuuɓan’anuuma.

Yeremi 11:11

Ten taxu keeke o Yaal oxe a layu: «Mexey ɓisiidaa took den taamaala faa da mbaagkeerna o ndaɗ. Xan a ƈufginooxaam, ndaa nan-gilooxkiim a den.

Yeremi 7:9

Mee ndax kaa nu nguuɗaa, mbaraa, seeqaa, ndaaɓooxaa na xa maaƥ, ndoxanaa a Baal cuuraay, ngiɓoor fo roog can kaa nu andeerna ñaal o yeng a jalan.

Esayi 61:3

Kaa ñaawooxaa a Siyoŋ, ndaa o jaf es refu um supit naqad den o ɗaay o jegee hap, ndaw ke na qoox den, um suptin tañalax mosu, ñaawax den, um suptin diwliin o mbelakinax, soo yiif naqadilooxu le den, um suptin ndoki simatir. Maaga, xan a nqoyeel pudaay ke no cofel ole fo a ƭing ale no Yaal oxe na feeñlaa o ndam um.

A kim a tedu ke 80:15

Roog fee Hupna fop, nomtooxiidi. Me fodoona took asamaan, ɗeetangi ga. Topatooxiidi ndaxar biiñ neeke,

A kim a tedu ke 80:8

Wo Roog fee Hupna fop, nomti a in ne i ndeeƭna, lal a in a tagid of, too yaaga xan i muc.

A kim a tedu ke 44:2

Wo Roog, i nanooda fo nof in, paap ke in a mbetandooxa a in ke fi’oona na jamaane den, na pe akaa yaaga.

2 Sami’el 7:10

Xam ci a Isra’el fee xeet es o mbiñ onqaa um dalinkan, ndax ta genaa maaga. Yo’inkataand, too fiifi paaxeer we toroxandkatiran ne da mbi’tooguuna yaaga,

Yeremi 1:14

Maaga, o Yaal oxe a layaxam ee: «No ɓemb-roog o janoon o mat taamaala fee a biltoorkaa took no we ngenna no saax lene fop.

Yeremi 7:18

Xa teɓandoong axe kaa ndaxanaa, paap ke a ngeƥandaa fiɗel le, soo rew we a nqiiwaa, ndax da mbi’an a Lingeer fee na asamaan xa kaf. Kaa njuuranaa roog can ke biiñ, ndax da mbuuxnooraam.

Yeremi 11:13

Yaam wo Yudaa, jegaa roog kaa mayitna nen teeru ke wo. Wo Yeerusaleem, xa sadaxand gaci xe sipoona kaa mayit nen ped ke wo, xa sadaxand axaa Baal a doxanteel cuuraay.

Yeremi 32:29

Kaakalde we na songaa teeru fene xan a ndok teen, a ngeƥandin. Xan a ndoxin riw, ten fo pind ke Baal a doxantoogeena cuuraay na xa tung-took axe den, soo roog lakas ke a njuuranteel teen, ndax um fuuxnoorel.

Yeremi 32:30

Yaam Ii-isra’el we fo Yuuyudaa we paaxeer doŋ a mbi’u na kid es no kaa xotitna no mberaandoong naa na cosaan den. Ii-isra’el we mbi’ee dara a refangeerna a mbuuxnoortaam jale den. Mi o Yaal oxe layun.

Yeremi 44:8

A pi nuun kaa mbuuxnooraam! Kaa nu ndoxanaa cuuraay roog can ke no saax le Misira, me nu laqooxiidna, ndax nu mbañooxaa, ndef saloor fo niwaƭarel a ndeer qeet ke no lanq ke fop.

2 Caloori ke 28:25

A fi’na a ñaang a sadaxand kam teeru ke Yudaa fop ndax ta doxanaa roog lakas ke cuuraay. Neene, a fuuxnoora o Yaal oxe Roog fee no daan um.

Yeremi 18:15

Yaag oo toox de xeet es a mbeecaxam. Kaa da ndoxanaa cuuraay pangool kaa na tolofnooraa a den na ƭat den, na qal cosaan den, ndax da nqot fo ƭat fo a ƭat akaa mbiisaandeena.

Yeremi 40:3

Ndiiki koy, o Yaal oxe a hebliida, a fadin ke ta yegnit’ina. Ne nu tooñna o Yaal oxe too nu nan-gilooxee o ñuxur um, taxu keene a dal a nuun.

Yeremi 44:5

Kaa koy, nu nan-gilooxee, nu ndungee nof nuun, ndax nu mbaas paaxeer ke nuun, mbañ o ndoxan cuuraay roog can ke.

Hoose 10:1

Isra’el kaa reeƭu ndaxar biiñ ndiirim, naa watoogna xa tim xa mayu. Nuu xa tim axe ten a moƴ’ina o mayit, ta moƴ o mayƭandaa xa sadaxand axe. Nuu saax le ten a moƴ’ina o neqit, ta moƴ o sipaa a ƥil akaa na mbaɗooxeel.