Yeremi 11:14 - NQAARIIT NE ROOG

¹⁴ Wo Yeremi koy, ba o xeɗan xeet fene. Ba o loolooxan mbaat o xeɗooxan a den, nan-gilooxkiim a den, yaa da ƈufginooxaxam yaa fa taamaala fee den.»

Yeremi 11:14 Referans Kwoze

Yeremi 7:16

«Wo Yeremi, ba o xeɗan xeet fene. Ba o loolooxan mbaat o xeɗooxan a den. Ba o ƴufginoox paam es, yaam nan-gilooxkiroong.

Yeremi 11:11

Ten taxu keeke o Yaal oxe a layu: «Mexey ɓisiidaa took den taamaala faa da mbaagkeerna o ndaɗ. Xan a ƈufginooxaam, ndaa nan-gilooxkiim a den.

1Saŋ 5:16

Boo o kiin a ga’na o pog um a fi’aa bakaad faa naageerna o ɓisaa na fa nqon, fat a xeɗanin. Neene, xan a coox o pog um oxaaga o ñoow ole. O ñoow oleene, xan we mbi’na bakaad faa naageerna o ɓisaa na fa nqon a ndaawin. A jega itam bakaad faa na ɓisaa na fa nqon. Layiim a nuun nu nqeɗan bakaad feene.

Yeremi 14:11

Cinj kaaga, o Yaal oxe a layaxam ee: «Ba o xeɗan xeet feene kaa maluuna.

A sutax ale 32:10

Ndiiki koy, xaƴaam fa den, xam fuuxan a den, xuuf xa ñis den soo sutit na wo xeet fa maak.»

A kim a tedu ke 66:18

Boo jeg’uuma no xeeñ es njofaƭar, o Yaal oxe nan-gilooxkoogiraam.

Hoose 5:6

Xan a ndet fo a ked den fo xa siir den, ndax da ƥoxot teen sadax, a mbaaƭik o Yaal oxe, ndaa nga’kiran, yaam kaa riƈatoox a den.

Yeremi 15:1

O Yaal oxe a layaxam ee: «Moyiis fa Sami’el sax a ngeenoox’angaa mbaambir es, yirimkoogiim xeet feene. Raxi a den da ngoƭaam, fat a ndet!

Sakari 7:13

Feek nan-gilooxee, ye um xoyaa a den, mi itam nan-gilooxiim, ye da ƈufginooxaxama. Mi o Yaal oxe Hupna fop layun.

Malaki 2:13

Keeke refahinu ke nu mbi’aa: Nuun taxu boo o sadaxand ole no Yaal oxe a may muut fo xa kooniit fo xa lool fo xa iin. Ten taxu yoo ta xuun sadax ke nuun too jaɓkatee dara no ke nu ƥoxotan.»

Yeremi 14:12

A ngoorangaa sax, nan-gilooxkiim a ƈufginax den. A ƥoxotangaam sadax toxel fo sadax tuufe-duufe sax, taxkee da mbelaam, yaam mi xam saŋkit a den laƥ, biim fa piste.»