Yeremi 11:13 - NQAARIIT NE ROOG

¹³ Yaam wo Yudaa, jegaa roog kaa mayitna nen teeru ke wo. Wo Yeerusaleem, xa sadaxand gaci xe sipoona kaa mayit nen ped ke wo, xa sadaxand axaa Baal a doxanteel cuuraay.

Yeremi 11:13 Referans Kwoze

Yeremi 2:28

Taa roog ke jaloodoona boog? Fat da inoox, a mbaagangaang o mucil yaa fa taamaala of! Yaam wo Yudaa, jegaa roog kaa mayitna nen teeru ke wo.

2 Maad we 23:13

O maad oxe a maasanda a ñaang a sadaxand ake njasnoor’ina fa Yeerusaleem, a ngarit o joong ole na Yaq fee no ɓemb-roog o ñamaak, too Salomo fee reeƭna o maad Isra’el a maxan’un a Astarte, roog fa njakalaaru fee no Siisidoŋ we fa Kemos, roog fa njakalaaru fee no Moomowaab we fa Milkom, roog fa sednooxu fee no Aa-amon we.

Hoose 12:11

Daawnaam duleer we fa lay es, mayƭand peeñax es fa den. Na pexey duleer we, maƭoortaam a nuun a naxax.»

Yeremi 32:35

A maxana a Baal a ñaang a sadaxand na yulanq alaa Ben-Hinom, ndax da ndoxan a Molok xa ƥiy xa koor axe fo xa tew axe den. Hebliim a den keene too mosinum o xalaat sax. Ye da mbi’na cednooxu nandu neene, a mbakaadnoora xeet fee Yudaa.

Yeremi 19:5

A maxana a Baal a ñaang a sadaxand, ndax da ndoxanin teen xa ƥiy den xa koor nen sadax toxel, ta ref kaa heblit’eeruuma, layit’inum too mos’inum o xalaat sax.

Yeremi 7:9

Mee ndax kaa nu nguuɗaa, mbaraa, seeqaa, ndaaɓooxaa na xa maaƥ, ndoxanaa a Baal cuuraay, ngiɓoor fo roog can kaa nu andeerna ñaal o yeng a jalan.

Yeremi 3:24

No ke xotitna no ndeƥandoong in, a paɗax a sednooxu le Baal a ruudna ke daan in a onj’ina: cegel teɓ ke fo maak ke den, xa ƥiy xa koor axe fo xa tew axe den.

Esayi 2:8

Kaa mayƭand saax den fo pangool, a ngungaa mbaambir ke xa ƥay den a njalna, a mbaɗooxaa ke qol den a mbi’na.

Yeremi 11:17

O Yaal oxe Hupna fop jimb’oonga, a fosooxanaang taamaala yaam paaxeer ke wiin we Isra’el fo we Yudaa a mbi’na a qoox den. A mbuuxnooraan, ye da ndoxanna a Baal cuuraay.

Yeremi 19:4

Yaam we Yudaa a mbaasaxam. A maasanda o mbiñ onqene, a ƥoxot teen cuuraay roog can kaa andoona yee den fa qoox den, daan den fo maad we Yudaa and’ee a den, too a mayƭandta o mbiñ onqene fo’oy no caambuur.

Yeremi 44:21

«Cuuraay fee nu ndoxna kam teeru ke Yudaa fo no ped ke Yeerusaleem, nuun fo daan nuun, maad nuun, kelfa nuun fa xeet fee fop, ndax o Yaal oxe wetandooxiran, ndax damiran no xeeñ um?

Yeremi 48:35

O Yaal oxe kaa tee: «Xam moocand kam Mowaab we na ñaaƴaa took a ñaang a sadaxand ake, ndax da ƥoxot a roog den sadax toxel kaa yoonandteena cuuraay.

Heseki’el 16:24

Maxanaa a xoox of mbind njaga’ir, fi’ood taalaand no paayo ke fop.

Hoose 9:10

O Yaal oxe kaa tee: «Ga’aam a Isra’el nen xa biiñ kam a koƥ-a-ƥor, ga daan we nuun nen xa tun xa peraand. Kaa koy, ye da mbadiidna Baal-Pe’oor rek, a soobooxa no mbaɗooxaa a Baal fa sednooxu feene, soo a ndefat cednooxu den fa qoox den nen o fes den oleene.

2 Caloori ke 28:25

A fi’na a ñaang a sadaxand kam teeru ke Yudaa fop ndax ta doxanaa roog lakas ke cuuraay. Neene, a fuuxnoora o Yaal oxe Roog fee no daan um.

Yeremi 3:25

Fat i mbondoor gaci in, o niwaƭarel a hul a in, yaam kaa i tooñ o Yaal oxe Roog in, in fo daan in, no kaa xotitna no ndeƥandoong in boo no ñaal nene. I nan-giloox’ee o ñuxur no Yaal oxe Roog in!»

Yeremi 17:1

O Yaal oxe kaa tee: «Bakaad fee no we ngenna Yudaa kaa bindtel pindir njelem, a tufir jamaa. Kaa miimel na patax ale na qeeñ den fo took xa can axe na xa sadaxand axe den.

Yeremi 18:15

Yaag oo toox de xeet es a mbeecaxam. Kaa da ndoxanaa cuuraay pangool kaa na tolofnooraa a den na ƭat den, na qal cosaan den, ndax da nqot fo ƭat fo a ƭat akaa mbiisaandeena.

Yeremi 44:5

Kaa koy, nu nan-gilooxee, nu ndungee nof nuun, ndax nu mbaas paaxeer ke nuun, mbañ o ndoxan cuuraay roog can ke.

Hoose 10:1

Isra’el kaa reeƭu ndaxar biiñ ndiirim, naa watoogna xa tim xa mayu. Nuu xa tim axe ten a moƴ’ina o mayit, ta moƴ o mayƭandaa xa sadaxand axe. Nuu saax le ten a moƴ’ina o neqit, ta moƴ o sipaa a ƥil akaa na mbaɗooxeel.