Yeremi 11:10 - NQAARIIT NE ROOG

¹⁰ A nomtooxa no tooñ ke no daan feraand we den mbañ’ina o nan-giloox fa lay es. Kaa ngiɓoor fo roog lakas, ndax da mbaɗoox a den. Wiin we Isra’el fo we Yudaa a ƭega ngiɓoor ne mi dalin’uuma fo daan den.»

Yeremi 11:10 Referans Kwoze

A cangatin ale 31:16

O Yaal oxe a laya a Moyiis ee: «Ndiiki, xan o dab daan of, too xan xeet feeke a inoox, a ngore’aƭar na mi, a ƭeg ngiɓoor es fa den. Xan a mbaasaam, a mbaɗooxaa roog lakas ke kam saax le da ndokkaa.

Heseki’el 16:59

Keeke o Yaal oxe na refkaa boo faw a layu: Xam fesoor fa wo ne fesoortoona, wo fee xeefna a taaƥ ale ye ɗegoona ngiɓoor ne in.

1 Sami’el 15:11

«Ricooxaam tigi ke taxna um dalin a Sawul o maad, yaam kaa fesaam a cinj too nananee kebil es.» Sami’el a jaaxɗa lool soo a ref no xeɗooxaa o Yaal oxe kam o yeng olaaga fop.

Haahate we 2:19

Kaa koy, o kaahate xe xaa xonaa rek, da moƴ o mo’atin daan den, a ngiɓoor fo roog lakas, a mbaɗooxaa a den soo a ngungaa mbaambir den, a mbañ o mbaas a leng na pi a paaxeer ake den, ne’atiim o saƭik xoox den.

Haahate we 2:17

Kaa koy, Ii-isra’el we nan-gilooxee sax haahate we den, yaam a ngore’aƭar no Yaal oxe, a ngungaa mbaambir roog lakas. A ƭapa no ñofu a ƭat ale daan we den a ndeefoogna, too nananee kebil ke no Yaal oxe nen a den.

Hebre 8:9

Nandkee koy fo ngiɓoor ne dalin’uuma fo daan den, ye pokuuma a den no ɓay, sut a den no saax laa Misira. Ne da ndamooxeerna no ngiɓoor neene, mi itam xijkiim yaam den. Keene o mat o Yaal oxe a layu.

Sofoni 1:6

we mbesaxama a cinj fo we mbaaƭeeraxama, laamtiraam, mi o Yaal oxe.»

Hoose 6:7

Nuun koy, nu ƭega ngiɓoor ne nen a Aadama, nen o ten o mat nu ngodtaxam.

Heseki’el 44:7

Nu ƥeka kam Mbind ne mi xa kataakoon axaa nqucooxeerna na qeeñ den, nqucooxee no cer den, ndax nu maasand Mbind ne mi. Ye nu ƥoxotaxam ñaamel es, neebam fee fo fo’oy le no sadax ke, nu ƭega ngiɓoor ne mi na pexey a pi a cednooxu ke nuun fop.

A kim a tedu ke 78:57

A nqaƴaan, a ndef hoohod nen daan den, taatas yaakaar nen a qali laa o ƥaak ole a yandna.

A cangatin ale 9:7

«Mbetandooxyo too ba nu mbeecit muk ne nu mbuuxnoortoogna o Yaal oxe Roog nuun kam a koƥ-a-ƥor alaa. No kaa xotitna no ñaal naa nu sutooxna saax laa Misira boo neen nu mbadiidu o mbiñ onqene kaa nu siiknooraa fo ten.

A paɗax ale 26:15

nu mbasnooxangaa bargal es ke cooxtuuma, xan nu ƭeg ngiɓoor es fa nuun.

Sakari 1:4

Ba nu nand fo daan nuun we duleer eetaand we a layoogna yee: Keeke o Yaal oxe Hupna fop a layu: Mbesyo a cinj a ƭat a paaxeer ake nuun, mbaas a pesoorooƭ nuun a paaxeer! Kaa koy, nan-gilooxee, too a ƭat den yongee na mi. Mi o Yaal oxe layun.›

Hoose 7:16

Kaa nomtooxiidaa, ndaa refee na mi fee Took-ee-took. Kaa ndef nen a qali yandu. Xan kelfa ke den a mbartel laƥ yaam fa lay fa maamagnandax den, soo da ndef calat no saax le Misira.»

Hoose 6:4

Um doon a den ee: «Wo Efrayim, ndi xar um fi’kang? Wo Yudaa itam, xar um fi’kang? O mbeq nuun kaa nand nen eel nqes, a nand fo a liim ale na yenaa no njeeƈ-tanqin.

Yeremi 31:32

Nandkee koy fo ngiɓoor ne dalin’uuma fo daan den, ye pokuuma a den no ɓay, sut a den no saax laa Misira, ngiɓoor es ne da ƭegna, ke refuuma o Yaal den fop oo. Mi o Yaal oxe layun.

Haahate we 2:11

Maaga, Ii-isra’el we a mbi’a kaa faaxeerna na kid no Yaal oxe, a mbaɗooxaa a Baaliin.

Yeremi 7:28

Maaga, fat o lay a den ee: Nuun ndefu xeet fee nan-gilooxeerna o ñuxur no Yaal oxe Roog den, soo a mbañ a maƭax um. Ngor kaa xon faq me nuun, a mo mir na xa ton nuun.»

Yeremi 9:6

Ten taxu keeke o Yaal oxe Hupna fop a layu: «Xam naayin a den nen njelem soo ɗeetloox a den, yaam xar helum o fi’an lakas a xeet es?

Yeremi 13:10

Xeet fa soxodu feene kaa mbañ o nan-giloox fa lay es. Kaa nqox no saƭik xoox ole den, a ngiɓoor fo roog lakas, ndax da mbaɗoox a den soo a ngungaa mbaambir den. Xan a nand nen o kumnoor olene jiriiñateerna tus.

Yeremi 17:23

Kaa koy, daan nuun nan-gilooxee, ndungee nof den, a saƭik a qoox, ndax nan-gilooxkiraam soo a mbañ a cangin es.»

Yeremi 44:5

Kaa koy, nu nan-gilooxee, nu ndungee nof nuun, ndax nu mbaas paaxeer ke nuun, mbañ o ndoxan cuuraay roog can ke.

Yeremi 44:16

«Ke o layaa fa in no gon no Yaal oxe fop oo, i nan-gilooxkirang.

Heseki’el 5:6

Kaa nanaƭaran kebil es fo kañaan naa hupna ne no qeet lakas ke, a ɗap bargal es kupu a saax ake mbiduuna, yaam we ngenna teen kaa nqeef kebil es too ndeefee bargal es.

Sakari 7:11

Kaa koy, a mbaña o nan-giloox, a nquun soo a sux nof den, ndax nankee.

Sakari 7:13

Feek nan-gilooxee, ye um xoyaa a den, mi itam nan-gilooxiim, ye da ƈufginooxaxama. Mi o Yaal oxe Hupna fop layun.

Esayi 24:5

We ngenna no lanq ke maasandu a den, yaam kaa niwaƭar’u kebil ke, a sufaalaa bargal ke, a ƭegaa ngiɓoor ne na refkaa boo faw.

Yeremi 22:9

Maaga, xan a ndoonel ee: ‹Yaam kaa da mbaas ngiɓoor ne no Yaal oxe Roog den, a ngungaa mbaambir roog lakas, a mbaɗooxaa a den.› »