Yeremi 10:9 - NQAARIIT NE ROOG

⁹ Xaaliis fa nqawe faa ɓistiideena Tarsis fa wurus faa ɓistiideena Ufaas a mosandte. O seesex sexu a den, o paal wurus a xaw a den. Roog keene kaa ndokeel haŋik fa nqiiyiiy fo haŋik fa yeeq. Den fop no waane no kiin doŋ a ngatu.

Yeremi 10:9 Referans Kwoze

A kim a tedu ke 115:4

Den o mat, pangool den ndefu nitaal xaaliis fa wurus ke o ɓay no kiin a jalna.

Dañel 10:5

Yoɗaam a kid es, ga o koor oxaa rokooxna ndoki njoor soo a saq no ndet um o kumnoor wurus fa nqoolu qac.

Esayi 40:19

O daaƴ oluu ga’oona o kiin o baane’u rek jawun, soo o qaaxaw a soobtin wurus, a mosandtin ceen xaaliis.

1 Maad we 10:22

O maad oxe a jeg’a no maag ole a kaal a maak a cula’ir akaa na ndetaa Tarsis, a yoon fo a kaal ake Hiiram. Jaf leng na xa kiid xa tadaq axuu ndefna, a kaal akeene a ngatoogu, a ƥisiid wurus, xaaliis, a ñiiñ fa ñiig, a koy fo a lamjaata.

Heseki’el 27:12

«Wiin we Tarsis kaa sofroogu fa wo no jeg of ole naag’ina gañ. Kaa ƥisiidoogu no luuma ke wo xaaliis fa nqoolu, njelem ƥaal, buraag fa beteex.

A kim a tedu ke 72:10

Maad we Tarsis fo we na pimb ake xan a ƥisiidin ci’it, maad we Saba fo we Seeba a ƥoxotin a bateer.

Esayi 23:6

«Nuun we ngenna paam o maag ole, ndefyo na coytax, ƈaktoox boo Tarsis.

Heseki’el 27:7

A maaw ake wo kaa ndeeƭu paƴ ke Misira, a ngemeñel soo a ndef paƴ of. Haŋik fa nqiiyiiy fo haŋik fa yeeq fee na pimb ake Elisa ndeeƭu ƭiif ke wo.

Yoona 1:3

Kaa koy, Yoona a inooxa ndax ta ƴuf Tarsis maa goƭna o Yaal oxe. A reta Yope, too a soƥa maaga a kaal alaa retoogna Tarsis. A rabda njootin ne, a rok na kaal ale, ndax ta yoon fo we ndetoogna Tarsis, maa goƭna o Yaal oxe.

Habakuk 2:19

Sabab took no xe na layaa a teex ale yee: ‹Inooxi!› a lay ɓil yo’nukeer le yee: ‹Yokooxi!› Ndax a mbaaga o mbeeñil tig? Kaa soorel wurus fa xaaliis, ndaa o ñoow refee na den muk.

2 Caloori ke 9:21

O maad oxe a jeg’a no maag ole a kaal a maak a cula’ir akaa na ndetaa Tarsis, a yoon fo maamaag we Hiiram. Jaf leng na xa kiid xa tadaq axuu ndefna, a kaal akeene a ngatoogu, a ƥisiid wurus, xaaliis, a ñiiñ fa ñiig, a koy fo a lamjaata.

Hoose 8:6

O nqeel onqe Isra’el a inooru, too refee Roog. O kiin o baane’u rek jalun. Ten taxu o nqeel onqe Samari xan a fi’el xa ƥek xa ƥek.