Yeremi 10:8 - NQAARIIT NE ROOG

⁸ Den fop kaa tapoor a mbanxoy soo a yoqit, a cangin ale den refee tus. Roog ke den a teex rek a ndefu!

Yeremi 10:8 Referans Kwoze

Sakari 10:2

Mayu kaa ndiisaa soxla den pangool fo fan, weene a maaɓaa a den, a ndegaa a den cegeer, lakas we a yaakaar xa ƭaaɗ, too yaaloor o ƭaaɗ a ref o huloox o quusi. Keene mat taxu da njoqooyooxaa, a ngalakoox nen ged laa jegeerna o kaynaak.

Yeremi 10:14

No keene, o kiin oo kiin oxe ŋam yaam a ñak o and, o paal wurus oxuu refna a naag ɓot yaam pangool ke ten, yaam ke ta muulna xa koɓong xa ƥor oo, too jegee na den o ñoow.

Habakuk 2:18

Xar nitaal roog sexe a ɗaxu? O seesex doŋ sexun. Xar nitaal njawne a ɗaxu? Xa toonanqol um xa maaƥ oo. Nam o seesex a waagu boog o gaɗit a xoox um no ke ta sexna, na roog faa ta fi’oodna, too waagee fa lay?

Esayi 44:19

O leng na den jegee xalaat, o leng na den jegee o and mbaat yiif laa ta layitna yee: «Doxaam genwal fee na ting akeene, juɗit na kaagaañ ake mbuuru es, soo juɗit teen a tegeƴ ake um ñaamaa. Ke um fi’aa na genwal fa lakas fee cednooxu yoo. Mbaambir cat a teex soom um gungaa.»

Esayi 41:29

No ndigil, den fop ndefee tus, too a pi den xa koɓong oo. Xa taaƴ axe den nqeñ ƥor fo xa koɓong a ndefu.»

A kim a tedu ke 135:18

We njalna a den fa den a nandu, boo no we ƭagna yaakaar den no nitaal keene.

A kim a tedu ke 115:8

We njalna a den fa den a nandu, boo no we ƭagna yaakaar den no nitaal keene.

Yeremi 4:22

O Yaal oxe kaa tee: «Xeet es kaa ƥodax, andiraam. Xa ƥiy xa ƭof a ndefu, axaa njegeerna yiif. Kaa mbaane no fi paaxeer, ndaa mbaagee o mbi paax.»

Yeremi 2:27

Kaa layaa a teex ale yee: ‹Wo refu faap es›, soo ɓil le da layin ee: ‹Wo rimaxam na adna fee!› Kaa mbesaam ndiiñ, a mbañ o ƭeetaam, mi o Yaal oxe. Kaa koy, taamaala a sagooxangaa a den, da ndamtaam ee: ‹Inooxi mucil a in!›

Hoose 4:12

Xeet es kaa nga’raa fo xa taaƴ den, too o loq den na feeñlaa a den ke da mbarna o mbi. Yiif njaga kaa mo’andaa a den, da nqaƴaam, a mbaɗooxaa roog lakas, nen o tew oxaa soobooxna no njaga.

Esayi 44:18

Wiin nandu neene, dara refee na qoox den, andee dara. A kid den kaa muurel boo mbaagee a ka, soo da ndaƥ a yiif boo mbaagee o ndam tig.

Yeremi 3:9

Na pexey a pi a qoƈu ke ten Isra’el a xoolaƭaranda saax le, a faɗooxaa roog a ƥil ke fo ke na teex ake, a gore’aƭar na mi.

Yeremi 5:4

Maaga, layaam ee: «Wiin heesu soom a ndefu, a mbi’aa ƥooɓodaxir, yaam andee a ƭat ale no Yaal oxe, ke Roog den a simitna.

Yoona 2:8

O Yaal oxe, ye yoqɗooruuma fa nqon, wetandooxaaxoong, too ke xeɗoonga, a fadiida boo me wo, no Mbind tedu of.