Yeremi 10:7 - NQAARIIT NE ROOG

⁷ Ndi an saɗarkeerong, wo o maad oxe no qeet ke? Wo o mat jare o saɗar, yaam a ndeer no yaal-o-and we fop no qeet ke fo no maat den fop o leng nandee fa wo.

Yeremi 10:7 Referans Kwoze

Mbeeñil 15:4

O Yaal oxe, an saɗarkeerong boog? Ndi an na fañkang o ɓoxot o ndam? Wo soom tedu. Qeet ke fop xan a mbaɗooxiidong, yaam a pi a cofu ke wo a mbeeñle a qool qac.»

A kim a tedu ke 22:28

A qalaat no qeet ke moƴna o liitoox sax xan a nqox no Yaal oxe, soo da nomtooxiid me ten. A qaw ake na saax ake fop xan a ngung mbaambir um,

Yeremi 10:6

O Yaal oxe, dara nandee fa wo. Kaa o magin, too gon of kaa magin, a may katil.

Yeremi 5:22

Ndax kaa nu saɗarkiraam? Mi o Yaal oxe layun. Ndax nu sendkee mbaambir es? Mi fiisanu o maag ole me ta warna o day, o hakand olaa ta jolkeerna boo muk! A yag-ee-yag ake ten kaa njiqtooxaa, ndaa mbaagiran o ƈaktoox, a ndititaa, ndaa mbaagiran o njol.

A kim a tedu ke 89:6

O Yaal oxe, asamaan kaa simatang no comlaand ke o fi’aa, mbokatax ne no tedu we a simataa ngor of.

YEGIL MBAAX NE YEESU ne Lik a bindtuuna 12:5

Xam lay a nuun oxe jarna o fitel. Mbityo a Roog fee waagna o war, soo a jeg sañ-sañ faa ta ɓekitna kam fiɗel laa ñufkeerna. Iyo, mexe layan a nuun, oxeene o mat refu oxe nu mbarna o mbit.

Sakari 2:11

Nuun Siisiyoŋ we, ñofyo ƥostoox, sutoox teeru fee Babilon.»

Esayi 2:4

Xan a ref o ƭeeɗeg hate ndeer a saax ake, a ref o qaaxaf no qeet mayu. Xan a nqawin no laƥ ke den xa koŋko soo na salma ke den, da njalin teen xa taaba. Saax leng inooxankatee saax gend um, too xire aqatooxkataand.

A kim a tedu ke 86:9

Wo o Yaal oxe, wo saku qeet ke fop. Xan a ngar, a ngung na caf of soo a ƥoxot gon of o ndam.

A kim a tedu ke 76:7

Wo Roog fee Yakoob, ye ŋaloona a den, ŋaaŋaay fo pis den fop a nqona.

A kim a tedu ke 72:11

Maad we fop xan a ngung mbaambir um, qeet ke fop a ndagooxin.

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

1 Korint 8:6

Kaa koy, nuu ta saxitna yoo, na in Roog fa leng soom jegu, ta ref Faap fee sakna fop, a jeg a in. Na in o Yaal o leng kut jegu itam, ta ref o Yaal oxe Yeesu Kiristaa. Ke sakeena fop koy, no ten a reefne, i saktel no ten itam.

A sutax ale 8:10

A mbokate a cuum a cuum, too saax laa fop kaa xooñoogu.

A sutax ale 9:14

yaam no jaf leeke, nuu taamaala a nandna, xan a dalong, wo fo dag of fa xeet of, ndax o and ee took lanq ke fop o leng fodee fa mi.

Yosuwe 4:24

Kaa fi’in, ndax qeet ke no lanq ke fop a and ne doole fee no Yaal oxe a magnitna fo itam ndax nu saɗar o Yaal oxe Roog nuun boo kili.»

Esteer 1:13

O maad oxe a dalfooxa o ga’ir fo yaal-o-and we, yaam tig no maad kaa ɓaaloogel kili a ndeer um fo we andna kebil ke fo a ƭat.

Dañel 2:27

Dañel a doona o maad oxe yee: «Daali maad, kunpa fee o laamtaa, yaal-o-and we mbaat ɗeet we mbaat ñaañango we mbaat saltiki ke mbaagirang o mbeedin o ten.

Dañel 2:28

Kaa koy, a jega na asamaan Roog faa na feeñlaa kunpa ke. Ten na andnooriidang, wo o maad Nebukadnesaar, ke na xewkaa taa mbaambir. Keeke refu ke ɗaaɗoona ye ɗaanoona:

Habakuk 3:2

O Yaal oxe, nanaam gon of a layteel. O Yaal oxe, kaam jeg caƭar mbaambir a pi of. Fadni a den no ñoow in, ga’noor a in a den na xa kiid in! Kaa rek kam fuux le wo, wetandooxi o paaxel of.

Malaki 1:11

Ke xotitna no batand boo no mudand gon es kaa siw kam qeet ke fop, too o mbiñ onquu refna cuuraay kaa doxeel no gon es, soo um ɓoxoteel sadax qoolu, yaam gon es kaa siw kam qeet ke fop. Keene o Yaal oxe Hupna fop a layu.

2 Maad we 17:39

Mi o Yaal oxe Roog nuun doŋ nu mbaru mbaɗoox, yaaga xam mucil a nuun na xa ƥay no fañ nuun fop.»

1 Caloori ke 16:25

yaam o Yaal oxe a magna too a simat jombiran. Ten moƴu o saɗarnoox roog lakas ke fop,

A kim a tedu ke 47:3

yaam o Yaal oxe Took-ee-took a deye o saɗar. Ten refu o maad o maak oxe no lanq ke fop.

A kim a tedu ke 86:8

O Yaal oxe, o leng nandee fa wo a ndeer roog ke, too dara fodee fo a pi of.

A kim a tedu ke 147:5

O Yaal in a magna, doole um, o leng andee ne ta fodna, o and um jegee hap.