Yeremi 10:6 - NQAARIIT NE ROOG

⁶ O Yaal oxe, dara nandee fa wo. Kaa o magin, too gon of kaa magin, a may katil.

Yeremi 10:6 Referans Kwoze

A sutax ale 15:11

O Yaal oxe, an nandu fa wo ndeer roog ke! Kaam ee an fodu fa wo o tedel, wo fee saɗarnooxna, jarel o tagas, fi’aa comlaand!

A kim a tedu ke 96:4

yaam o Yaal oxe a magna too a simat jombiran. Ten moƴu o saɗarnoox roog lakas ke fop,

A kim a tedu ke 48:1

A kim oo. A kim a tedu laa fogna na ke no Kookoora we yoo.

A cangatin ale 33:26

«Wo fee o Yaal oxe a fexna, o leng nandee fa Roog of. Kaa sangaaloox a asamaan, a ƴufgiidang, a ŋaay a eel ake, a yoon fo o magnel katil um.

Esayi 12:6

Nuun we ngenna Siyoŋ, njibinyo xa ƈeel too mbelakinoox, yaam o Tedu xe Isra’el refna a ndeer nuun kaa magin.

A kim a tedu ke 145:3

O Yaal oxe a magna too jombee o simatel. O magnel um waagaand o and.

Dañel 4:3

Maaga, heblitaam o xoyaniidel yaal-o-and we kam Babilon fop, ndax da tektaam o ƭaaɗ oleene.

A kim a tedu ke 147:5

O Yaal in a magna, doole um, o leng andee ne ta fodna, o and um jegee hap.

2 Sami’el 7:22

O Yaal oxe Roog es, kaam ee wo magnu! Ke i nanoodna a lalta yee o leng nandee fa wo, too roog fa lakas jegee, a refangee wo.

Yeremi 32:18

Kaa o yirmaa wiin cuni-cuni, ndaa kaa o rabdinooxaa njofaƭar ne no paap ke took xa ƥiy den. Wo refu Roog fa magnu fee, o Yaal katil oxe, gon um a refna o Yaal oxe Hupna fop.

Esayi 40:25

O Tedu xe kaa tee: «An nu nandanditkaxam boog? Ndi an fodu fa mi?

A sutax ale 8:10

A mbokate a cuum a cuum, too saax laa fop kaa xooñoogu.

Malaki 1:11

Ke xotitna no batand boo no mudand gon es kaa siw kam qeet ke fop, too o mbiñ onquu refna cuuraay kaa doxeel no gon es, soo um ɓoxoteel sadax qoolu, yaam gon es kaa siw kam qeet ke fop. Keene o Yaal oxe Hupna fop a layu.

Dañel 4:34

Ndiiki koy, mi Nebukadnesaar, kaam simataa, tagasaa soo ɓoxotaa o ndam o Maad oxe na asamaan. Ke ta fi’aa fop kaa xot a ƭat, a pi um a njof, too a waaga neewand we na ñoowaa na magnandax.»

Esayi 46:9

Mbetandooxyo cosaan fee nuun no miñu kaa. Mi refu Roog, jegee fa lakas. Mi refu Roog, too jegee faa nandna fa mi.

Esayi 46:5

«An nu nandanditkaxam soo ndendandtaam o ten? An nu mbodranditkaxam ndax i nand?

Esayi 40:18

An nu mbugu o nandandit a Roog? Nitaal num nu mbugun o ndendandit?

A kim a tedu ke 35:10

Ngiin es fop xan a lay ee: «O Yaal oxe, ndi an nandu fa wo? Kaa o muclaa o ndool onqe no xe hupuuna doole, o ñaatu xe, o muclin no we na ngal’andan.»

Nehemi 9:32

Ndiiki koy, wo Roog in, Roog fa maak fee mayna katil too a saɗarnoox, wo fee na gayaa ngor ne fo ngiɓoor ne, ba o ɗeet nen tig pooreer naqad ke i ngomna fop, in fo maad in, kelfa in fo saasadax in, duleer in fo daan in fa xeet of fop, no kaa xotitna na jamaane faa maad we Asuur a maadooxoogna boo no ñaal nene.

Nehemi 4:14

Mbokatooriidyo me in, no mbiñ onqe nu nanitkaa a luuƥ ale. Xan Roog in a ñoxoran a in.»

A cangatin ale 32:31

Fañ we in sax a anda yee roog den nandee fa fee in, refna ɓil jegu doole.

A sutax ale 9:14

yaam no jaf leeke, nuu taamaala a nandna, xan a dalong, wo fo dag of fa xeet of, ndax o and ee took lanq ke fop o leng fodee fa mi.

1 Korint 8:6

Kaa koy, nuu ta saxitna yoo, na in Roog fa leng soom jegu, ta ref Faap fee sakna fop, a jeg a in. Na in o Yaal o leng kut jegu itam, ta ref o Yaal oxe Yeesu Kiristaa. Ke sakeena fop koy, no ten a reefne, i saktel no ten itam.

Yeremi 10:16

Roog fee Yakoob koy nandee fa den, yaam o ten saku fop, too Isra’el refu xeet fee ta jegoodna. Gon um refu: «O Yaal oxe Hupna fop.»

1 Caloori ke 16:25

yaam o Yaal oxe a magna too a simat jombiran. Ten moƴu o saɗarnoox roog lakas ke fop,