Yeremi 10:5 - NQAARIIT NE ROOG

⁵ Kaa nand nen mbooƴ sipe no qol xa peeƭ. Naangee o layaa, too kaa meeɓeel, yaam mbaagee o ndupit o jaf. Ba nu saɗar a den, yaam mbaagee o mbi paaxeer, ne da mbaageerna o mbi’it paax.»

Yeremi 10:5 Referans Kwoze

Esayi 46:7

Cinj kaaga, da nqotin, a ngadooxin soo a ndiƈin na seek um. Maaga roog fee a yoqaa, riƈatooxkee sen. A xoyange sax oo, jaaɓkee too mucilkee o leng na naqad.

1 Korint 12:2

Nu anda yee, ye nu ndefaa yeefar, kaa nu ndeɓoox’u no pangool ke, mbaɗooxaa a den, den we mbaageerna fa lay.

1 Korint 8:4

Um nomtooxiid koy no ke sadaxeena pangool: I anda yee fangool tigi jegee, kaa foogeena rek oo, Roog fa leng kut jegu.

Habakuk 2:19

Sabab took no xe na layaa a teex ale yee: ‹Inooxi!› a lay ɓil yo’nukeer le yee: ‹Yokooxi!› Ndax a mbaaga o mbeeñil tig? Kaa soorel wurus fa xaaliis, ndaa o ñoow refee na den muk.

Esayi 46:1

Bel a gooknooxa, Nebo a lomoƴoox. Xa taaƴ den a sufe took cegel, took cegel meɗe dis. Ke nu yoɗoogna took kaa refat a toq a meɗu no cegel keene nqijna laƈ.

Esayi 45:20

«Mbokatooryo too ngar. Matiidyo nuun fop, nuun we ƥostooxna ndeer a saax ake. Dara refee na qoox no we na ƥislooxaa pangool kaa ndefna a teex, a ƈufginooxaa a roog faa waageerna o mucil.

1 Maad we 18:26

A njanga nqoox ne da cooxeena, a nqendandin, cinj kaaga da ndef no ƈufginooxaa a Baal no kaa xotitna no nqes naa boo na waxtu njeeƈ ndeer xoox, a layaa yee: «Baal, jaaɓi a in!» Kaa koy, njeg’ee o jaaɓ o leng ke da mbecoogna me widna o sadaxand ole da max’ina fop oo.

Yeremi 10:14

No keene, o kiin oo kiin oxe ŋam yaam a ñak o and, o paal wurus oxuu refna a naag ɓot yaam pangool ke ten, yaam ke ta muulna xa koɓong xa ƥor oo, too jegee na den o ñoow.

A cangatin ale 4:28

Xan nu mbaɗooxaa maaga roog kaa o ɓay no kiin a jalna, ta ref a teex mbaat a ƥil, andoona yee mbaagee o nga mbaat da nan mbaat da ñaam, ne’katiim tig a duñ a den.

2 Caloori ke 25:15

Maaga, fuux le no Yaal oxe a biltooxana a Amatsiya soo ta heblaniidin o tuleer ta layin ee: «Xar taxu o geleeroox farna fo roog ke na xeet fene mbaageerna o mbat xeet den na xa ƥay of?»

Esayi 16:12

Mowaab oxe kuskusnaa, a ŋaayaa na ñaang a sadaxand ake, a garaa no mbiñ o tedu nqe ndax ta xeɗ, ndaa daawkee dara.