Yeremi 10:4 - NQAARIIT NE ROOG

⁴ ta laartel xaaliis fa wurus, soo a daaƴtel xa teng fo xa cibamb, ndax yo’nooxkee.

Yeremi 10:4 Referans Kwoze

Esayi 46:7

Cinj kaaga, da nqotin, a ngadooxin soo a ndiƈin na seek um. Maaga roog fee a yoqaa, riƈatooxkee sen. A xoyange sax oo, jaaɓkee too mucilkee o leng na naqad.

Esayi 44:12

O tafax oxe kaa lakaa ɓaax, a jalaa fo a kaagaañ a sumu jip, a xawtaa nitaal ne o jibam, too doole um fop a fi’tan. Kaa xeexeel sax boo jegkatee o ndoole, a hoɗomeel soo a xij boo laƈ.

A kim a tedu ke 135:15

Pangool ke no qeet ke kaa ndef nitaal xaaliis mbaat wurus kaa o ɓay no kiin a jalna.

A kim a tedu ke 115:4

Den o mat, pangool den ndefu nitaal xaaliis fa wurus ke o ɓay no kiin a jalna.

Esayi 46:6

A jega waa na mbaltaa nafa den, a eedaa xaaliis fee fa wurus fee, a ndabid o qaaxaw ndax ta xawan a den a roog faa da mbugko mbaɗooxaa, a ngungaa mbaambir um.

Hoose 13:2

Ndiiki koy, owe maad o mbakaadaa. A njalna o daaƴ o jawne fa xaaliis fee den, pangool kaa da nqalaatanna a qoox den. Fop kaa ndef kaa o kiin o baane’u a jalna. A laye kaa jofna na Efrayim ee: «Kaa da sadaxtaa wiin, a mboonaa fo nqeel!»

Habakuk 2:19

Sabab took no xe na layaa a teex ale yee: ‹Inooxi!› a lay ɓil yo’nukeer le yee: ‹Yokooxi!› Ndax a mbaaga o mbeeñil tig? Kaa soorel wurus fa xaaliis, ndaa o ñoow refee na den muk.