Yeremi 10:22 - NQAARIIT NE ROOG

²² Nan-gilooxangyo fangax combol le na matiidaa. Yo’in maak ley a inoortiidaa no saax le no ɓemb-roog o janoon. Teeru ke Yudaa xan a suptel a koƥ-a-ƥor, a ndefat ngenand xa ƥox-a-koƥ axe.

Yeremi 10:22 Referans Kwoze

Yeremi 9:11

Oxum o kiin jegu yiif, ndax ta and kene? O Yaal oxe a feeñlangaan o ten, fat a tekit ke taxna saax le a fes a pec, a doxel nen a koƥ-a-ƥor, maa o leng a reefateerna?

Malaki 1:3

soo fañ a Esawu. Kaam fiitin xa coong axe Esawu, ɓoxot lanq ke ta lam’ina xa ƥox-a-koƥ axe.»

Yeremi 6:22

Keeke o Yaal oxe a layu: «Xeet fey a inoortiidaa no saax laa no ɓemb-roog o janoon, saax maak a ɗistiidaa no cat adna.

Yeremi 6:1

O Yaal oxe kaa tee: «Nuun Beebensame we, ƈufyo, sutoox a Yeerusaleem! Njibinyo a luuƥ kam Tekowa, yoɗ o anddiloor took Bet-Hakerem, yaam taamaala a feeñta no ɓemb-roog o janoon, o njakad o maak.

Yeremi 5:15

Nuun xeet fee Isra’el, xam ɓisiid took nuun xeet faa inoortiidna koƭu. Xeet faa waagaandeena tig oo, a reeƭu yaa fa yaaga, too nu nanee lak den, nu andee ke da layaa. Mi o Yaal oxe layun.

Yeremi 4:6

Sipyo a laay a anddiloor farna fa Siyoŋ, ƈufyo, ba nu ngeenoox, yaam o Yaal oxe xe heblitiidaa taamaala no ɓemb-roog o janoon fo o njakad o maak.

Yeremi 1:15

Yaam mexe layan ee xam xoy qeet ke no maat ke no ɓemb-roog o janoon fop. Maaga, xan a ngar, a sip a kamb no maad ake den mbaambir tokand ke Yeerusaleem. Xan a mbid saŋe ke ten o kurul-keƥ, fo ke no teeru ke Yudaa fop.

Esayi 34:13

Kol ke xan a maakaa kam pind no maad ke ten, poɗaafoɗ ke fo takar-ñiig ke a saxaa no pind mosu ke ten. Xan a ref ngenand xa ƥox-a-koƥ fo yongand a ba.

Yeremi 1:14

Maaga, o Yaal oxe a layaxam ee: «No ɓemb-roog o janoon o mat taamaala fee a biltoorkaa took no we ngenna no saax lene fop.

Yeremi 4:15

O nan a inoortiida Dan, a yegnitaa taamaala no kaa xotitna no joong olaa Efrayim.

Yeremi 25:9

xam lulit o xoyankel qeet ke no ɓemb-roog o janoon fop fa Nebukadnesaar fee o maad oxe Babilon, refna o tag es. Mi o Yaal oxe layun. Xam ɓisiid a den took saax lene fo we ngenna teen fo took qeet ke mbiduuna fop, ndax um saŋik a den, tas a den soo fi a den buuƴel, gef a den tuƈ boo faw.

Yeremi 49:33

Hasoor xan a refat ngenand xa ƥox-a-koƥ, a fes a pec boo cay. O leng genkatee teen, o mbindeef o leng dalkatee teen.»

A ƭomatax ake 1:4

A ƭat ake Siyoŋ owey no ñaawax, yaam toofeen ke ngarataand. Tokand ke ten fop kaa mbootat, saasadax we ten a iinaa. Mboƥ ndoog ne ten kaa naqadiloox, soo kam um a fag tak.

Heseki’el 12:19

Fat o lay we ngenna no saax le yee: Keeke o Yaal oxe na refkaa boo faw a layu we ngenna Yeerusaleem kam lanq ke Isra’el: ‹Xan da ñaamaa fa naqad soo a yeraa foofi fo caƭar. Xan saax le den a raad, a ñak fop yaam ngiin fo’oy ne no we ngenna teen.

Yeremi 2:15

Fo njogoy fo njanglax kaa ŋuuranan, a mbumbaa, a ngef saax le ten tuƈ, soo teeru ke ten a ndaaɓel, o leng genatee teen.