Yeremi 10:20 - NQAARIIT NE ROOG

²⁰ Kaa koy, ƭiif es kaa baytel, xa ƥaak axe ten fop a ƭegel. Xa ƥees kaa nqaƴaam, o leng na den refatee meen. Jegiim o leng oxaa sipatinanaxama ƭiif es, a peŋnanaam piis ke no laqooxand es.»

Yeremi 10:20 Referans Kwoze

Yeremi 4:20

O njakad took o njakad na yegniteel, yaam saax le fop a fiitne. Ndak fo ndak, ƭiif ke mi a mbayte, o laqooxand ole mi a gaakel ndeer ñaf fo ƭeet.

Yeremi 31:15

Keeke o Yaal oxe a layu: «O wuuq a nane na saate faa Rama, ƭomatax fo xa lool xa ƭomu, Rakel na loolaa xa ƥeem too bugee o yaalel yaam maadatee.»

Esayi 54:2

«Ɗaayi ƭiif ne wo, ɓaat coor ke no ngenand ne wo, fañ o hend dara. Joki xa ƥaak axe no ƭiif ne wo, saƭkand xa teng axe,

A ƭomatax ake 1:5

Fañ we ten a njega ne mbugna, ñaañagadil we ten a ndef na jam, yaam ne o Yaal oxe a fi’uuna ƭomu, o ngar fo pakaad pagkatar ke ten. We nqawuuna a tañtañna mboƥ ne ten, da ndet no mbaƭ naa.

Esayi 51:16

Ɓekaam fa lay es no don of soo laqong no yook ne no ɓay es, ndax um fiisatin asamaan fee, sakatin lanq ke soo lay a Siyoŋ ee: ‹Wo refu xeet es.› »

Xa peƭit axe 12:7

Soxodu we a njiƭtange, dara yoqkatee na den, mbind ne no jofu we mat a geenooxaa naŋ.

Ke bindeena no xe ne’eena YOB 7:8

A ngid of ale na ɗeetaxam, ga’katiraam. Xan a kid of a mbaaƭaam, ndaa refkatiim meen.

Esayi 51:18

Ndeer xa ƥiy axe rimoona fop o leng na den ɗoxirang. Ndeer xa teɓandoong axe yaroona fop o leng na den damirang o ɓay.

Mise 2:9

Kaa nu ndaxtaa rew we na xeet es no pind ke da mbexna, suqtaa na xa caaƈ axe den ke barke’tuuma a den.

Yeremi 30:17

yaam xam nomtong no wod-fo-ɓaal, wodand a uut ake wo, wo Siyoŋ, wo fee na xoyeel ‹o tew o buuse xe›, a ƭat no leng a yongeerna. Mi o Yaal oxe layun.»