Yeremi 10:19 - NQAARIIT NE ROOG

¹⁹ Yeerusaleem a falalooxa yee: «Sabab took es, yaam yaqooxaam pic! Uut le mi waagee o wod, mi fee layoogna yee: Keene soom a reeƭangaa coono es, hatilkoogaanum.

Yeremi 10:19 Referans Kwoze

Mise 7:9

Feek kaa i mbakaad no Yaal oxe, xan i ngadoox fuux le ten, boo yaa ta layoorankaa a in soo a ɓoxot a in ɓur. Xan a ɓek a in na qoolaand ale, too xan i nga ee xan a mucil a in.

Yeremi 14:17

Wo Yeremi fat o lay a den kene: A kid es kaa ngen no nqaaraa fo xa kooniit ñaal fo o yeng, yaam o njakad o maak onqe dalna o njaaƈ o ndoog onqe refna xeet es, ngaañax naa ɗomna tigi.

Yeremi 4:31

Yaam kaam nanaa xa buuq nen axe no tew oxaa na gaajooxaa, xa buuq o ƭomel nen axe no tew oxaa na ñootaa taaw um. O ñuxur ole Siyoŋ oo. Kaa iinaa, a dek xa ƥay ee: «Sabab took es! Kaam xonaa yaam a qaw ale no waawar we!»

A kim a tedu ke 39:9

Wataam no pakaad es fop, too ba o xaƴ yoqit ke a njalaxam.

A ƭomatax ake 3:48

A kid es kaa nqaarnaa a ƈufnand xa kooniit yaam o njakad onqe dalna xeet es, o ndoog onqe.

A ƭomatax ake 1:2

Kaa loolaa o yeng ole fop, xa ƭek um a nqaaraa fo xa kooniit. No we mbex’uuna fop, jegee oxaa yaaluuna, qaariit ke ten fop a ngodaan, a ndefat fañ um.

Yeremi 17:13

O Yaal oxe, wo refu yaakaar Isra’el! Fop we na mbaasang xan a sed, we mbesoonga a cinj xan a sooƴ nen a kon akaa mbindeena a lanq, yaam kaa mbaasong, wo o Yaal oxe, a cur foofi fo ñoow ole.

Yeremi 9:1

Ndi an na ci’kaxam na koƥ-a-ƥor alaa o daland no ñaañaaƴ? Yaaga xaƴkoogaam xeet es soo goƭ a den, mi o Yaal oxe, yaam den fop seeseeq a ndefu, a yaj no hoohod.

Yeremi 8:21

O njakad onqe dalna xeet es kaa gefɗandaam, um yogorloox, naqad a damaam.

Yeremi 4:19

Cey, o fud es, o fud es! Kaam lañtooxaa yaam o ɗomeel, xeeñ es a jaq! Waagiim o tiim muk, yaam nanoodaam a luuƥ, nan xa buuq xire.

Esayi 8:17

Kaam cungaa o Yaal oxe na ɗasnaa mbind Yakoob mukit um. No ten doonum a koolax es.

A kim a tedu ke 77:10

Ndax Roog kaa weecit o yirim a in? Ndax kaa hiɓan a in a tagid kam fuux um? A maaf

Yeremi 14:7

Ke tooñ ke in a njambaa a in fop oo, fi’i tig yaam gon of, wo o Yaal oxe yaam ngore’aƭar ne in a maya lool, i mbakaada na wo.