Yeremi 10:18 - NQAARIIT NE ROOG

¹⁸ yaam keeke o Yaal oxe a layu: «Jaf leeke, xam suusaand we ngenna no saax le. Xam fiiqil a den ƭomu, ndax da naagel nuus.»

Yeremi 10:18 Referans Kwoze

1 Sami’el 25:29

Boo o kiin a inooxanoonga, a raxang, ndax ta warong, a woora yee xan o Yaal oxe Roog of a saytoox o ñoow of nen xaaliis kam nafa soo a suusaand ole no fañ of.

Sakari 1:6

Ndax fa lay fee fo bargal ke coox’uuma duleer we dag es mbadnooxee took daan we nuun? A nomtooxiida me mi too a lay ee: ‹O Yaal oxe Hupna fop a fesoorta fa in ne ta hebooxit’uuna o fi, ta jagir fo a pesoorooƭ in fo a pi in.› »

Heseki’el 6:10

Ten taxu xan da and ee mi refu o Yaal oxe too xa koɓong taxee um lay a den ee xam doon a den taamaala feene.

Yeremi 23:20

Fuux le no Yaal oxe ɓooskee, boo yaa ta fi’kaa, a fadin yuuƥ ke no xeeñ um. Xan nu andin taa mbaambir.

Yeremi 16:13

Ten taxu xam deɓ a nuun maa goƭna saax lene, no saax lakas laa nu andeerna, nuun fo daan nuun. Xan nu mbaɗooxaa maaga roog lakas, ñaal fo o yeng, yaam yirimkiim a nuun.› »

A cangatin ale 28:52

Xan a mbid teeru ke nuun fop o kurul-keƥ, boo yaa saŋe cegu doole ke nuun nu ngoolooxna kam saax le fop a njiƭtooxna. Xan a ƥiikil a nuun kam teeru ke nuun fop, muu refna no saax le o Yaal oxe Roog nuun a ci’na a nuun.

Yeremi 22:26

Cinj kaaga, xam deɓ a nuun, wo fa ya of fee rimoonga, kam saax lakas laa nu ndimaandeena, too maaga nu nqonitkaa.

Sofoni 1:17

O Yaal oxe kaa tee: «Xam ɓek wiin we na naqad, soo da ñaaƴtaa nen fuul, yaam kaa mbakaad na mi, mi o Yaal oxe. Fo’oy den xan a ɓaxtel nen fo ut, xa tal den a luuñaa nen ndoƭ.»

Esayi 22:17

O koor oxe, o Yaal oxe xan a deɓong, a niipong,