Yeremi 10:16 - NQAARIIT NE ROOG

¹⁶ Roog fee Yakoob koy nandee fa den, yaam o ten saku fop, too Isra’el refu xeet fee ta jegoodna. Gon um refu: «O Yaal oxe Hupna fop.»

Yeremi 10:16 Referans Kwoze

A cangatin ale 32:9

A las ale no Yaal oxe mat refu Isra’el fee xeet um, xa taan axe Yakoob a ndef o jeg um.

Yeremi 32:18

Kaa o yirmaa wiin cuni-cuni, ndaa kaa o rabdinooxaa njofaƭar ne no paap ke took xa ƥiy den. Wo refu Roog fa magnu fee, o Yaal katil oxe, gon um a refna o Yaal oxe Hupna fop.

Yeremi 31:35

Keeke o Yaal oxe a layu, ten oxe na ci’taa njeeƈ ne, ndax ta xoolandaa ñaal ne, a heblaa o nqool onqe fo xa qoor axe, ndax da nqoolandaa o yeng ole, a jumbandaa o maag ole boo a yag-ee-yag ake a ndititaa, ten oxe gon um a refna o Yaal oxe Hupna fop:

Yeremi 51:19

Roog fee Yakoob koy nandee fa den, yaam o ten saku fop, moƴtaa sax xeet fee ta jegoodna. Gon um refu o Yaal oxe Hupna fop.

Yeremi 10:12

O Yaal oxe a sakta lanq ke katil um, a sinjit adna fee o and um soo a letnit asamaan fee o jeg-yiif um.

A kim a tedu ke 119:57

O Yaal oxe, kaam ee a las es refu um gayaa ke hatna no don of.

A kim a tedu ke 74:2

Wetandooxi xeet of fee jegoona no miñu kaa, a carind akeene watoona, ndax o jeg a den. Wetandooxi o joong ole Siyoŋ, me sip’oona Ngenand of.

A ƭomatax ake 3:24

O laaw es kaa tee: «O Yaal oxe refu a las es. Ten taxu um yaakaarin.»

A kim a tedu ke 135:4

O Yaal oxe kaa jilan a xoox um a Yakoob, a fi a Isra’el o jeg um.

Yeremi 50:34

Kaa koy, mi o baawat den, jegaam katil, mi fee gon es a refna o Yaal oxe Hupna fop. Xam farit a den, ndax um ci saax le o yaadax, soo jaaxland we ngenna Babilon.»

Esayi 45:7

Mi na fi’aa a qoolaand soo sak o niɓaan. Mi na ɓisiidaa baneex soo oraa naqad. Mi o Yaal oxe, mi na fi’aa keene fop.

A kim a tedu ke 73:26

Cer es fo xeeñ es a ngeesangaa sax oo, Roog xan a ref ndamlooxand es fo a las es boo kili.

A sutax ale 19:5

Ndiiki koy, boo nu nan-gilooxna o ñuxur es, ngay ngiɓoor es fa nuun, halal es tigi nu ndefkaa a ndeer qeet ke fop, ke jeguuma lanq ke fop oo.

Esayi 54:5

Oxe sakoonga refu o kor of, oxe gon um a refna o Yaal oxe Hupna fop. O Tedu xe Isra’el refu o baawat of, ten fee na xoyeel Roog fee no lanq ke fop.

Esayi 51:15

Mi refu o Yaal oxe Roog of na jumbandaa o maag ole boo a yag-ee-yag ake ten a ndititaa. Gon es refu o Yaal oxe Hupna fop.

Esayi 47:6

Kaam fuuxan’u xeet es, fudin we jeg’uuma soo ɓoxotong a den. Wo o mat, yirmiro a den, gadnaa o nogoy oxe sax kadoor meɗu ke wo.

Esayi 47:4

O baawat in ne’e o Yaal oxe Hupna fop, o Tedu xe Isra’el.

Xa peƭit axe 16:4

Kuu o Yaal oxe a fi’na tig taxun, boo no soxodu xe sax jagandaneena ñaal taamaala ne.

A kim a tedu ke 142:5

Ɗeetangi na ñamaak es boo ga! Jegee o leng oxaa yegaxama. Jegatiim maa laqooxuuma, a ƭat no leng yongee na mi.

Yeremi 10:6

O Yaal oxe, dara nandee fa wo. Kaa o magin, too gon of kaa magin, a may katil.

Yeremi 33:2

«Keeke o Yaal oxe a layu, ten oxe sakna lanq ke, a mool a den soo a sip a den, ten oxe gon um a refna o Yaal oxe:

Amos 4:13

yaam oxe sakna xa coong axe fo nqeñ ne too a feeñlaa o kiin a qalaat um, kaam ee, oxe na suptaa mbeet ne, a fi’in o niɓaan, too a ñaaƴaa took xa coong axe, gon um refu o Yaal oxe Roog fee Hupna fop.»

Sakari 2:12

O Yaal oxe Hupna fop lul’axama fa sañ-sañ me no qeet ke njangal’ina a nuun kaa tee: «Oxuu duqna a nuun, a duqa jooƴ a ngid es.»

A sutax ale 34:9

«O Yaal oxe, a soƥangaa yee ci’axamo yirmande of, mexe xeɗang o ñaaƴaa fa in. Andaam ee xeet feeke wiin saƭku a qoox a ndefu, ndaa waasani a in njofaƭar in fo pakaad in soo fi a in, i ndef o jeg of.»

A kim a tedu ke 33:6

Na pexey fa lay o Yaal oxe a saktu asamaan, soo ke refna teen fop, ta saktin haaƭ le no don um.

Esayi 19:25

O Yaal oxe Hupna fop xan a barke a den na xa ƭelem axene: «Misira fee xeet es fa Asuur fee saktuuma xa ƥay es fa Isra’el fee refna o jeg es a ngela o mbarke’el.»

Yeremi 46:18

Ne ta wooritna yee mexe ñoowaa, mi o Maad oxe, gon es a refna o Yaal oxe Hupna fop, kaam ee: o pañ oxe xan a gar, ne ta wooritna yee Taboor o joong oo, ne o joong ole Karmel a gartitna o maag ole took.