Yeremi 10:12 - NQAARIIT NE ROOG

¹² O Yaal oxe a sakta lanq ke katil um, a sinjit adna fee o and um soo a letnit asamaan fee o jeg-yiif um.

Yeremi 10:12 Referans Kwoze

Ke bindeena no xe ne’eena YOB 9:8

Ten soom letnu asamaan fee, a hame a yag-ee-yag ake na juwaam fee.

Mberaand 1:1

No mberaand naa Roog a saka asamaan fo lanq.

Xa peƭit axe 3:19

O jeg-yiif o Yaal oxe a siptu lanq ke, a saƭkandit asamaan fee o ƴiƴ.

Esayi 40:22

Uum-maamaad le no Yaal oxe oxey took-ee-took, a yooroox lanq ke, too we ngenna a lanq kaa ndef no ten nen soƈ. Kaa letin asamaan fee nen sooy yelefu, a letnin nen ƭiif, ndax ta genel.

Kolos 1:16

No ten ke sakeena fop a reefande, ta ref ke lanq mbaat ke took, ke waageena o ga fo ke waagaandeena o ga, ta jof no maat fo ngelfa fo a adax fa sañ-sañ. No ten Roog a saktu fop, a sakanin o ten.

YEGIL MBAAX NE YEESU ne Saŋ a bindtuuna 1:3

Roog a saktin fop. Dara kaa sakeena too reefandaand no ten jegee meen.

A kim a tedu ke 24:2

yaam o ten sinjun took xa maag axe, a geennin took xa quluɓ axe.

Sakari 12:1

Ke o Yaal oxe a layna took Isra’el. O Yaal oxe letinna a asamaan, a fiis lanq ke, a ci o kiin oxe o ñoow kaa tee:

Yeremi 32:17

‹Ey, o Yaal oxe na refkaa boo faw, wo saktu asamaan fo lanq katil magnu of fo o ɓay o jegu doole le wo. Dara xoxirang.

Yeremi 10:13

A heblitangaa, poofi ke a ngitatir na asamaan. Kaa yoɗtaa a eel a maak ake no cat ke no lanq ke, a ƥalañnaa xa kiiñaand axe kam a teƥ ale soo a suqtitaa qeñ ke no keegand ke ten.

Esayi 49:8

O Yaal oxe kaa tee: «Na jamaane fa mbaax fee nan-gilooxaaxoong, na bes fee na muc ale um ƴufgong. Kaam jagandong soo dalnong, ndax o ref ngiɓoor ne mi fo qeet ke, inatin lanq ke, lasit lam ke yaakaar’ataandeena,

Esayi 48:13

O ɓay es saktum lanq ke, too a ñamaak es fiistum asamaan fee. Mexaay xoyaa a den, da ngakaam ndak fo ndak.

Esayi 45:18

O Yaal oxe saku asamaan fee, ten refu Roog fa leng kut fee fiisna lanq ke, a sip a den soo a saƭkand a den koŋ. Sakee a den koy, ndax da yoq o ƥor, ndaa ndax da ngenel. Ndiiki keeke a layu: «Mi refu o Yaal oxe. Jegee roog fa lakas.

Esayi 45:12

Yaag oo toox de, mi fiisu lanq ke soo sak pindeef ke ngenna teen. Mi letnu asamaan fee soo kelfa a yaj ake ten fop.

Esayi 44:24

Keeke o Yaal oxe refna o baawat of, a moolong no fud ya of, a layu: «Mi saku ke jegna fop. Mi letnu asamaan fee, mi soom, letin lanq ke, too o leng dimle’iraam.

Esayi 42:5

Roog o Yaal oxe sakna a asamaan fo o yaajel um, a fiis lanq ke fo ke saxna teen fop, a coox xeet fee ngenna teen haaƭ, a ci yiif fop we na ñaaƴaa teen, kaa tee:

A kim a tedu ke 104:24

O Yaal oxe, jale of jegee hap. Kaa o fi’it a den o and, den fop. Lanq ke kaa may muut fo sake le wo.

A kim a tedu ke 33:6

Na pexey fa lay o Yaal oxe a saktu asamaan, soo ke refna teen fop, ta saktin haaƭ le no don um.

Xa peƭit axe 30:4

Ndi an ŋaayu na asamaan soo a fudoortiid teen? An mupu nqeñ ne na xa ƥay um? An fofu poofi ke no ndoki um? An dalnu cat ke no lanq ke? Nam a ne’e fo nam o ƥeem a ne’e? Layeen, a soƥangaa yee andaano.

A kim a tedu ke 119:90

Ngor of kaa ref no suk boo no suk, o sip lanq ke, da naang koŋ a saƭik.

A kim a tedu ke 78:69

A maxa teen Mbind tedu ne ten, ta goƭ took nen a asamaan, a saƭkit nen lanq ke ta sakna, da ndef boo kili.

Ke bindeena no xe ne’eena YOB 26:7

Ten letnu asamaan fee took tus, lanq ke, ta diƈ a den took dara.

A kim a tedu ke 104:2

huloox a qoolaand nen pay. Kaa o letin asamaan fee nen ƭiif,

A kim a tedu ke 93:1

O Yaal oxe refu o maad, kaa rokoox o magnel, a humnoox doole. Lanq ke kaa saƭik koŋ boog too sendkee muk.

Mberaand 2:5

o mbafid onqe moƴna o neew sax reeƭee took lanq ke, daaƭ leng sax’afulee teen, yaam o Yaal oxe Roog deɓ’afulee too o kiin o leng jeg’afulee ndax ta xoox lanq ke.

Ke bindeena no xe ne’eena YOB 37:18

ndax waagkoogaa o dimle a Roog, yaa ta xawna asamaan fee, boo ta saƭkit nen o ɗeendoor o ɓodaxne?

Esayi 37:16

«O Yaal oxe Hupna fop, wo Roog fee Isra’el, wo fee pindel yeeyetax ke a ndeegooxna uum-maamaad le wo, wo soom refu Roog fee no maat ke na adna fee fop, too wo saku asamaan fo lanq.

Yeremi 10:16

Roog fee Yakoob koy nandee fa den, yaam o ten saku fop, too Isra’el refu xeet fee ta jegoodna. Gon um refu: «O Yaal oxe Hupna fop.»

Yeremi 27:5

Katil maak ne mi fo o ɓay o jegu doole le mi saktum lanq ke, wiin we fo muumeen ke ndefna took lanq ke, too sañaam o ci a den oxuu felaxama.

1 Caloori ke 16:26

yaam roog ke no qeet ke fop roog tefee ndigil a ndefu, ndaa o Yaal oxe saku asamaan fee.

A kim a tedu ke 65:7

Wo na saƭkandaa xa coong axe fa doole of soo fapoor katil.

Yeremi 14:22

A ndeer pangool ke no qeet ke, ndax a jega na den faa na deɓaa? Ndax asamaan fee na cooxtaa a teƥ-eel ake? Ndax refee wo, o Yaal oxe Roog in? Na wo i yaakaaru, yaam wo na fi’aa keene fop.