Yeremi 10:10 - NQAARIIT NE ROOG

¹⁰ Kaa koy, o Yaal oxe refu Roog fa ndigil fee, a ref Roog fa ñoow jok fee, o maad oxe na refkaa boo faw. A fuuxangaa, lanq ke a yo’noox, too qeet ke ngatlee xulmbax um.

Yeremi 10:10 Referans Kwoze

A cangatin ale 32:4

Ten refu ɓil le. A pi ake ten njegee sik. A ƭat ake ten fop kaa njof. Kaa ref Roog fa ngore’u faa fi’keerna njofaƭar. Kaa jof soo a woor.

Esayi 57:15

Keeke oxe hupna fop, ngenand um a ref boo faw, too gon um a ref o Tedu xe, a layu: «Kaam gen took-ee-took fo no tedel, ndaa kaam gen itam fo we ngooyna too a njeg yiif neewandooxu, ndax um ñoowdand we neewandooxna soo ɗaaynoor we ngooyna.

A kim a tedu ke 76:7

Wo Roog fee Yakoob, ye ŋaloona a den, ŋaaŋaay fo pis den fop a nqona.

Nahum 1:6

Ndi an waagu geenoox, yaa ta fuuxna? An waagu waag o foñ fuux ɗomu le ten? Ngañak ne ten kaa biltooxaa nen fiɗel, soo a ƥil ake a qaacooxaa mbaambir um.

A kim a tedu ke 42:2

Ne njaf a duñnoortaa xur foofi, neen o laaw es a duñnoortang, wo Roog.

A kim a tedu ke 100:5

yaam o Yaal oxe a faaxa. O mbeq um xan a maadaa boo faw, too ngor um xan a ref no suk boo no suk.

Mbeeñil 20:11

Cinj kaaga, ga’aam gamb no maad maak ran fo xe moofna teen. Lanq ke fa asamaan fee a qicooxa boo a ngoƭ mukit um, nga’ataand boo xoo.

A kim a tedu ke 31:5

Wo na guutatirandaxam fo mbog ne sipaneema, yaam wo refu o saasaytax es.

A kim a tedu ke 10:16

O Yaal oxe refu o maad boo faw, we mbaɗooxeeruuna xan a moocandel no saax um.

A kim a tedu ke 18:7

Kam naqad es ƴufginoox’aam o Yaal oxe, falaloox a Roog es. A nanta o ñuxur es no mbind um, too o wuuq es a nannooxa no nof um.

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.

Hebre 10:31

Ndaw sabab yaa o kiin a yenna na xa ƥay Roog fa ñoow jok fee!

1 Timote 1:17

Roog fee mosna mos o refaa o maad, xonkee muk, too waagaand o ga. O ten soom refu Roog. Fat wiin we a ƥoxotin o niwel fo o ndam bo na moos boo moos. Amiini.

1 Tesalonik 1:9

Fop kaa laytaa ne nu ndalnit’ina a in fo ne nu mbesitna a cinj tefee Roog ke nu mbaɗooxoogna, soo ngeleeroox, ndax nu mbaɗooxaa a Roog fa ndigil fee na ñoowaa,

A pi ake 14:15

«Bara waay, fog we! Xar taxu nu mbi’aa kene? In itam, wiin i ndefu nen a nuun. Kaa i ƥisiid a nuun Yegil mbaax ne na xoyaa nuun, nu mbes a cinj xa koɓong axene nu mbi’na roog, too mbiƈaqiloox na Roog fa ñoow jok fee sakna asamaan fo lanq fo o maag ole fo fop ke refna teen.

Malaki 3:2

Ndi an na hatilkaa bes feene ta garkaa? Kaam ee an na geenooxkaa naŋ, yaa ta feeñna?, yaam kaa nand fo fiɗel no paal o qaaxaw soo a ran-gandaa taw nen xeme.

Habakuk 3:6

A geenooxangaa, lanq ke a yo’noox, ta ɗeet, qeet ke a sendaa. Xa coong xa miñu xe kaa ngirdooxaa, a ñaang ake ndefna, yaa maam a ɗisaa a kid, a sooy, den we ndeeƭna a ƭat ale ta reefoogna yaaga.

Mise 1:4

Xa coong axe kaa naayaa ɗuga a caf um nen likaañ kam fiɗel, a yulanq ake a ngasooxaa, nen maa foofi laa na caarooxaa na pudnand a gasna.

A kim a tedu ke 146:6

sakna asamaan fo lanq fo o maag ole fo ke refna teen fop, a gayaa ngor um boo faw.

A kim a tedu ke 145:13

Xan o maadooxaa boo faw, too maat of xan a ref no suk boo no suk. O Yaal oxe kaa gore na tegit um, soo a jeg o mbeq na pi um fop.

A kim a tedu ke 114:7

Lanq ke, sendyo mbaambir no Yaal oxe, mbaambir Roog fee Yakoob,

A kim a tedu ke 104:32

A ɗeetangaa lanq ke, da sendaa, nqol um a cuq xa coong axe, da suunaa bud-bud.

A kim a tedu ke 97:4

Xa kiiñ um kaa nqoolandaa adna fee, lanq ke a nga’in soo a sendaa.

A kim a tedu ke 93:2

O Yaal oxe, uum-maamaad le wo kaa saƭik koŋ no kaa xotitna no mberaand naa. Wo refu yaaga dara sakafulaand.

A kim a tedu ke 90:11

An andu doole fee no fuux le wo, a and fuux ɗomu le wo, ndax ta saɗarong?

A kim a tedu ke 84:2

O Yaal oxe Hupna fop, koo me genoona a yaawnooxa!

A kim a tedu ke 77:18

A eel ake a yurdiida poofi, asamaan fee a jibin ƭuuɗ, soo xa kiiñ axe wo a yetaa o saax oo saax.

Ke bindeena no xe ne’eena YOB 9:6

Kaa yo’nitaa lanq ke na per ake den, a toodook ake njaƭna a den a sendaa.

2 Caloori ke 15:3

Ii-isra’el we o mat a ñoowa miñu no kaa da ndeefeerna a Roog fa ndigil fee, saasadax waa na njangnaa a den nga’aand too ngayee kebil ke.

1 Maad we 18:39

Ye xeet fee fop a nga’na keene, a ngunga a lanq soo a layaa yee: «O Yaal oxe refu Roog! O Yaal oxe refu Roog!»

1 Sami’el 17:36

Neene mat mi fee o tag of wartum njogoy ne fo ursu ne, too neene um fi’kaa o Fiifilista qucooxar oxene. Nen leng na den rek a refkaa, yaam a wena xiixire we Roog fa ñoow jok fee.»

1 Sami’el 17:26

Dawid a laamta xiixire waa ndeeƭna paam um ee: «Oxe na warkaa o Fiifilista xene, ndax ta watin o nqas onqe ta xasaa Ii-isra’el we xar a daawkaa? Ndi an o Fiifilista qucooxar oxene a foogu yee ten a refu boo a saɗ o wenaa xiixire we Roog fa ñoow jok fee?»

Haahate we 5:4

O Yaal oxe, ye sutooriidoona Seyiir, ye inooriidoona na koƥ alaa Edoom, lanq ke a yo’nooxa, asamaan fee a yuuraa, a eel ake a ndeɓiid foofi.

A cangatin ale 5:26

O kiin oxum mosu o nan o ñuxur ole Roog fa ñoow jok fee, ne i nantuuna ta fangooraa a ndeer fiɗel le, soo a maad o ñoowaa?

1 Timote 6:17

Maƭooxi we ndefna yaal kalal ke ndiiki, ndax magnandooxkee, too a mbañ o ƥek yaakaar den na halal fa ngenee sen. Layi a den koy, da ndoon yaakaar den na Roog, ten fee na cooxaa a in fop, a mayƭandin boo muut, ndax i mbelakinoorin.

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

Mace 26:63

Yeesu kaa tiimoogu. O saasadax o maak oxaa a dakooxaan o lay ee: «Mexe daaɓoortan a Roog fa ñoow jok fee! Layi a in ndax wo refu Kiristaa fee o Muumucil oxe regteena, refna o Ƥeenqe Roog?»

Mace 16:16

Maaga, Simoŋ Piyeer a doonaan ee: «Wo refu Kiristaa fee o Muumucil oxe regteena refna o Ƥeenqe Roog fa ñoow jok fee.»

Habakuk 3:10

Xa coong axe waa nga’ang rek, a sendaa, mbuyaam a deɓiid, juwaam fee a fangnaa o ñuxur um, a yoɗ a yag-ee-yag ake ten took,

Yowel 2:11

O Yaal oxe xe fangnaa o ñuxur um mbaambir xiixire um. A yaj um kaa magin lool, we na mbadnaa fa lay um a njeg doole. Ñaal ne no Yaal oxe kaa magin too a saɗarnoox. Ndi, an na waagkan o haŋ?

Dañel 7:14

A ɓoxote ngelfa fo o ndam fo maat, ndax qeet ke fop fo a saax ake fop fo wiin we no lak ke fop a mbaɗooxin. Ngelfa ne ten xan a ref boo faw too jegkee muukandoong, xan a maadoox bo na moos boo moos.»

Dañel 6:26

Maaga, o maad Daryus a binda wiin we no qeet ke fop fo na saax ake fop fo no lak ke fop, ngenna na adna fee yee: «Yaasam Roog a ci a nuun jam!

Dañel 4:34

Ndiiki koy, mi Nebukadnesaar, kaam simataa, tagasaa soo ɓoxotaa o ndam o Maad oxe na asamaan. Ke ta fi’aa fop kaa xot a ƭat, a pi um a njof, too a waaga neewand we na ñoowaa na magnandax.»

Dañel 4:3

Maaga, heblitaam o xoyaniidel yaal-o-and we kam Babilon fop, ndax da tektaam o ƭaaɗ oleene.

Yeremi 23:36

Kaa koy, nu laamitkatee yee: ‹Xar refu a toq ale no Yaal oxe?› yaam oxuu refna fa lay um na refkaa a toq um. Kaa nu sufaalaa fa lay fee na Roog fa ñoow jok fee, no Yaal oxe Roog in Hupna fop.

Esayi 37:17

O Yaal oxe, rungi nof of, wet a kid of, ɗeet too nan-giloox xa ñuxur axe Sanxerib a lulitna, ndax ta wentong a den, wo fee refna Roog fa ñoow jok fee.

Esayi 37:4

Giimee o Yaal oxe Roog of a nan’angaa rek xa ƭelem axe na jawdiin fee o maad oxe Asuur refna o yaal mbind um a lulitna, ndax ta wen a Roog fa ñoow jok fee, yaaga xeƈa xan a fadin a qaw um yaam xa ƭelem axe ta nanna. Xeɗani boog onqe yoqna na xeet um.› »

A kim a tedu ke 68:11

Maaga o mat a yaj of a ndalu, no mbiñ onqaaga jagandanoona ñaatu weene kam o paaxel of, wo Roog.

Mberaand 21:33

Abraham a jimba purndu kam Beer-Seeba. A ƴufginoora gon le no Yaal oxe Roog fee na refkaa boo faw.

1 Maad we 8:60

Neene, xan qeet ke na adna fee fop a and ee o Yaal oxe refu Roog, too fa lakas jegee.

A kim a tedu ke 29:10

Uum-maamaad le no Yaal oxe kaa garit poofi ke asamaan took, too ten na bugko maadooxaa boo faw.

A kim a tedu ke 68:8

Wo Roog, ye fodoona mbaambir xeet of, ñaaƴaa na koƥ-a-ƥor ale, A maaf

A kim a tedu ke 90:2

Yaaga xa coong axe njegafulee, yaaga sax sakafuliro lanq ke fa adna fee, yaaga boo fa ndiik wo refu Roog, too wo na refkan bo na moos boo moos.

Esayi 40:15

A saax ake kaa ndef nen o toq foofi laa na samtaa na saxal mbaat nen mbep lanq kam eedir. A pimb ake moƴee o meɗ o ut onqaa na yetaa.

Esayi 65:16

Oxuu bugna o barke’el kam saax le, xan a xeɗin no gon Roog fa ndigil fee. Oxe na bugkaa o daaɓoox itam, xan a fi’in no gon Roog fa ndigil fee, yaam taamaala ke mbaafna xan a mbeectel, a mo mir na kid es.»

Yeremi 4:2

daaɓoortaa o Yaal oxe na ñoowaa fo ndigil fo a ƭat fo o cofel, maaga qeet lakas ke sax na wo a mbarke’itkeel soo a mbakoortaxam.»

Yeremi 4:24

Ɗeetaam xa coong axe, ga da yo’nooxaa, soo a ñaang ake fop a sendaa.

Yeremi 50:46

Fangax le na caɓ ale Babilon xan a tax lanq ke a yo’noox, xa buuq a nannoox a ndeer qeet ke.

Yeremi 51:29

Lanq ke kaa ngiiƈ-ngiiƈnaa, a yo’nooxaa, ye o Yaal oxe a fadnaa ke ta yuuɓanna a Babilon. Xan a fi a Babilon o mbiñ o mbootu, saax laa o leng a genateerna.

Yosuwe 3:10

Yosuwe a laya yee: «No keeke nu anditkaa yee Roog fa ñoow jok fee oxey a ndeer nuun too xan a rax mbaambir nuun Kaakanaan we, Heeheet we, Hiihiwi we, Peeperisi we, Giigirgasi we, Aa-amori we fo Yeeyebus we:

1 Caloori ke 29:11

O Yaal oxe, wo jegu o magnel fa katil fo o mosel fo o ndam fo o niwel. Fop ke refna na asamaan fo took lanq ke wo jegun, yaam wo refu o maad, o Yaal oxe no pindel ke fop.

A kim a tedu ke 9:8

O Yaal oxe o mat na maadooxaa boo kili, too a sipa uum-maamaad um ndax ta hate.

A kim a tedu ke 74:12

Wo Roog, wo refu o maad in no kaa xotitna no camaane kaa yaaga, wo fee na muclitaa a pi a maak took lanq ke.

A kim a tedu ke 76:8

Wo saɗarnooxu tigi! Ndi an waagu o geenoox mbaambir of, yaa fuux le wo a biltooxna?

A kim a tedu ke 100:3

Andyo yee o Yaal oxe refu Roog. O ten saku a in, i ndefanin. In ndefu xeet um, o siir ole ta gayaa.

Esayi 40:28

Ndax kaa andino? Ndax kaa nanino? O Yaal oxe refu Roog bo na moos boo moos. O ten saku adna fee, a xotit no cat boo no cat. Naagee o xijaa, too doole um wañooxkee muk. O leng waagee paang o jeg-yiif um fop.

Dañel 6:27

Mexe heblitaa yee me maat es a reefeena fop, fat wiin we a saɗar too a niwaa a Roog fee Dañel yaam ten refu Roog fa ñoow jok fee, too xan a ref boo faw! Maat um gefkee muk, maatax um jegkee muukandoong.

Nahum 1:5

Xa coong axe kaa sendaa mbaambir um, a ñaang ake a sooyaa. Kaa yo’naa lanq ke, adna fa muum fo we ngenna teen fop.