Yeremi 1:7 - NQAARIIT NE ROOG

⁷ Kaa koy, o Yaal oxe a layaxam ee: «Ba o lay ee o njaaƈ refo, yaam xan o ret paam no fop we um lulkang, lay fop ke um hebilkang.

Yeremi 1:7 Referans Kwoze

A lim ale 22:20

Kam o yeng ole, Roog a gara, a lay a Balam ee: «A soƥangaa yee wiin wene wo a nqoyiidu, inooxi yoon fa den, ndaa ke um laykang soom o fi’kaa.»

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

Heseki’el 3:27

Kaa koy, a mbanuu jeguuma kaa layoonga, xam waagnoorong fa lay. Maaga xan o lay a den ee: ‹Keeke o Yaal oxe na refkaa boo faw a layu: Fat oxe bugna o nan-giloox, a nan-giloox, soo oxe bugeerna o nan-giloox, a fañ o nan-giloox›, yaam xeet fa mbaafañ a ndefu.»

2 Caloori ke 18:13

Mikaya a doonaan ee: «Ne ta wooritna yee o Yaal oxe xe ñoowaa, neene a woortu yee ke Roog es a layaxama doŋ um yeginkan.»

1 Maad we 22:14

Mikaya a doonaan ee: «Ne ta wooritna yee o Yaal oxe xe ñoowaa, neene a woortu yee ke o Yaal oxe a layaxama doŋ um yeginkan.»

A lim ale 22:38

Balam a doona a Balak ee: «Ndiiki koy, garaam, ndaa xar waagoong o lay? Xa ƭelem axe Roog a cooxkaxam soom um laykaa.»

A pi ake 20:27

yaam yegnaam a nuun yaaga ke Roog a yuuɓna fop, too ɗasniim teen o ndara.

1 Maad we 3:7

Ndiiki koy, o Yaal oxe Roog es, wo dalnaxam, mi fee o tag of, o maad na seek ale Dawid fee faap es, too mexey refa o ndeɓandoong, andiim sax a ƥoot fa carind.

Yeremi 7:27

Wo Yeremi, o layangaa a den keene fop, nan-gilooxkirang, o xoyangaa a den, njaaɓkirang.

Heseki’el 2:7

Xan o daawin a den fa lay es, ta ref ee a nan-gilooxa mbaat da mbañ o nan-giloox yaam o saƭik xoox den.

Amos 7:15

O Yaal oxe a andaan, too yaqanee ta xottaam na las ake no paal ke, a layaam ee: ‹Inooxi ret yegnitik fa lay es ndeer Ii-isra’el we xeet es.›

A sutax ale 6:29

«Mi refu o Yaal oxe. Layi a Firawon fee o maad Misira ke um laykang fop.»

Yeremi 26:2

O Yaal oxe a layaan ee: «Geenooki no maax olaa no Mbind es, lay fop we ngenna no teeru ke Yudaa, na nqeɗiidaa no Mbind es, fop ke hebloonga o lay a den. Ba o hend teen dara!

Yeremi 43:1

Yaa Yeremi a layna xeet fee fop boo a ƴut fop ke o Yaal oxe Roog den a sim’uuna ta lay a den,

Yoona 3:2

«Inooxi, ret Niniif, na teeru fa maak faa, too lambin ke hebloonga.»