Yeremi 1:5 - NQAARIIT NE ROOG

⁵ «Yaaga moolafuliroong sax no fud ya of, and’aaxoong, too yaaga rimafulaandee, kesan’oong a xoox es, dalnong o tuleer qeet ke.»

Yeremi 1:5 Referans Kwoze

A kim a tedu ke 139:16

A kid of kaa nga’oogaam, ye saqafuleeruuma o mem o leng. Bind’aa yaaga no safe le wo xa yeng axe hapan’axamoona fop, yaaga o leng na den ferafulee.

Esayi 49:1

Nuun we ngenna na pimb ake, nan-gilooxaamoo, nuun qeet ke ngoƭna, ndungyo nof nuun! O Yaal oxe kaa xoyaam yaaga rimaandeem, a ne’aam gon no fud ya es.

O leetar ole Pool a bindna GIMU WE NGENNA ROM 8:29

Roog kaa heboox’u o nandand we ta jilna yaaga fo o Ƥeem, ndax o Ƥeem onqeene a ref taaw kam ƥasil maak.

Esayi 49:5

O Yaal oxe a ga’a o njiriiñ es, Roog es refu doole es. Ndiiki koy, o Yaal oxe moolaxama yaaga rimafulaandeem, ndax um ref o tag um, soo nomtiid xa taan axe Yakoob me ten, fokat xeet fee Isra’el paam um,

Esayi 44:2

Keeke o Yaal oxe sakoonga, a moolong no fud ya of too a dimle’ang, a layu: Ba o saɗar dara Yakoob, wo fee o tag es, wo Yesurun fee jiluuma,

YEGIL MBAAX NE YEESU ne Lik a bindtuuna 1:41

Yaa Elisabet a nanna simin ne Mari, o ƥiy onqe a yo’nooxa kam o fud um. Elisabet a maya fo Yiif Tedu le,

YEGIL MBAAX NE YEESU ne Lik a bindtuuna 1:76

Wo o mat o ƥees, xan o xoyeel o tuleer no xe Took-ee-took. Xan o ñaaƴaa mbaambir no Yaal oxe, ndax o jagandanin a ƭat um.

A sutax ale 33:17

Maaga, o Yaal oxe a laya a Moyiis ee: «Xam fi ke o xeɗaxam, yaam ci’aaxoong yirmande es too andaaxoong tigi.»

Yeremi 1:10

Ɗeeti, mexe dalnang xaye took qeet ke fo maat ke, ndax o fuuraa soo maafaa, yaqaa soo baytaa, maxaa soo jimbaa.»

A sutax ale 33:12

Moyiis a laya o Yaal oxe yee: «Wo heblaxam um ɗox xeet feeke, too layiraamo sax oxe o yoonanditkaxam. Yaag oo toox de, wo layu yee: ‹Andaaxoong tigi, too ci’ong yirmande es.›

YEGIL MBAAX NE YEESU ne Lik a bindtuuna 1:15

yaam xan a ref o kiin o maak mbaambir no Yaal oxe. Yerkee biiñ mbaat a yer alaa waagna o way o kiin, too boo ta helko fo rimeel, xan a soƥ ta may fo Yiif Tedu le.

O leetar ole Pool a bindna GIMU WE NGENNA ROM 1:1

Mi Pool, o paɗ Kiristaa Yeesu na bindaa a nuun o leetar oleeke. Roog kaa xoyaam ndax um ref apootar, a kesaam, ndax um yegnitik Yegil mbaax ne ten.

Yeremi 50:34

Kaa koy, mi o baawat den, jegaam katil, mi fee gon es a refna o Yaal oxe Hupna fop. Xam farit a den, ndax um ci saax le o yaadax, soo jaaxland we ngenna Babilon.»

Efees 1:22

Roog kaa doon tig kuu refna na caf Kiristaa, soo a ci’in ta ref xoox le no fog ole no gimu we fop.

YEGIL MBAAX NE YEESU ne Saŋ a bindtuuna 10:36

yaaga oxe Roog a kesna, a luliidin na adna fee a layangaa yee: O Ƥiy Roog refum, nu mbariran o lay ee: Wenaa a Roog.

1 Korint 8:3

Kaa koy, oxuu fexna a Roog, Roog a andaan.

A kim a tedu ke 139:15

Xa kiiƈ es kunpa’irang, ye o moolaxam na pet, sakaxam no fud ya es.

Yeremi 1:4

O Yaal oxe a daawnaxam fa lay um ee:

Yeremi 25:13

Xam fudin took saax leene fop ke layuuma no ten, fop ke bindeena no safe lene, padafuleer ke Yeremi a yegnitna took qeet ke fop.

Yeremi 36:2

«Waaƭi o laxas safe, bind teen fa lay fee layoonga fop no maat ne Isra’el fo ne Yudaa fo no qeet ke fop no kaa xotitna a koom alaa layuuma fa wo, na jamaane Yosiya, boo xaye.

Yeremi 20:15

Yaasam o koor oxe mayƭandna a faap es fo o ɗaay ye ta yegnuuna yee: «Rimanee o ƥiy o ngoor», a salooxel!