Yeremi 1:2 - NQAARIIT NE ROOG

² O Yaal oxe a daawnaan fa lay um na jamaane faa Yosiya fee o ƥiy Amon a refaa o maad Yudaa, no hiid xarɓaxay fo o hiid o dadkandeer ole no maat um.

Yeremi 1:2 Referans Kwoze

Mise 1:1

Keeke refu fa lay fee o Yaal oxe a daawinna a Mise fee gen’ina na teeru faa Moreset na jamaane Yotaam fa Ahas fa Hiskiya we maad Yudaa, ta ref mbeeñil naa jaginna na Samari fa Yeerusaleem.

Yoona 1:1

Keeke refu fa lay fee o Yaal oxe a daawinna a Yoona fee o ƥiy Amitay:

Hoose 1:1

Keeke refu fa lay fee o Yaal oxe a daawinna a Hoose fee o ƥiy Beeri na jamaane Usiya fa Yotaam fa Ahas fa Hiskiya we maad Yudaa fo na jamaane Yerobowam fee o ƥiy Yehowas, o maad Isra’el.

Yeremi 1:11

Maaga, o Yaal oxe a laamtaxam ee: «Yeremi, xar ga’o?» Um doonin ee: «A naaq ndaxar amaand ga’um.»

Yeremi 1:4

O Yaal oxe a daawnaxam fa lay um ee:

1 Maad we 13:20

Ye da ndeerna o roon ole, a ñaamaa, o Yaal oxe a laya fo o tuleer oxe nomtiid’uuna.

Yeremi 36:2

«Waaƭi o laxas safe, bind teen fa lay fee layoonga fop no maat ne Isra’el fo ne Yudaa fo no qeet ke fop no kaa xotitna a koom alaa layuuma fa wo, na jamaane Yosiya, boo xaye.

Yeremi 25:3

«No kaa xotitna no hiid xarɓaxay fo o hiid o dadkandeer ole no maat Yosiya fee o ƥiy Amon too a ref o maad Yudaa, a gar fa xaye, xa kiid qarɓeen ƭik fo xa kiid xa tadaq axey axaa um daawaa fa lay fee no Yaal oxe, yegnan a nuun roog fuu feedna, ndaa nu nan-gilooxee.

2 Maad we 21:24

Kaa koy, wiin we no saax le a mbara fop we ngiɓan’ina o maad Amon o ngir soo a ndalin a Yosiya fee o ƥeem, ta rondand a faap um.

1 Maad we 13:2

A falalooxa o sadaxand ole, ne o Yaal oxe a simit’uuna o ten ee: «O sadaxand ole, o sadaxand ole, keeke o Yaal oxe a layu: ‹Xan o ƥiy o ngoor a rimel no mbind Dawid, too Yosiya a ne’keel. Xan a sadaxit took of saasadax we na ñaang a sadaxand ake na ndoxaa cuuraay took of, too xan xa kiiƈ no wiin sax a ndoxtel took of!› »

2 Maad we 21:18

Manaase a daba daan um, a gasel kam a ƭing ale no mbind um xoyoogeena a ƭing ale Uusa, soo Amon fee o ƥeem a rondandin.

2 Maad we 22:3

No hiid xarɓaxay fo hiid o ɓetuu dadkandeer ole no maat Yosiya, a lula no Mbind naa no Yaal oxe a Safan fee o piibind oxe refna o ƥiy Asaliya fo o ndaan Mesulam, a layin ee:

Yeremi 3:6

Na jamaane faa no maad Yosiya, o Yaal oxe a layaxam ee: «Ndax ɗeetlooxaa ke maat ne Isra’el fa ngore’aƭaru fee a fi’na? Kaa retoogu took o joong o jiig oluu refna fo yoora ndaxar saqtu nuu refna soo a jaga’taa maaga.

Yeremi 28:12

A cinj ye o tuleer Hananiya a ɓolna a kadoor ale no cok ole Yeremi, o Yaal oxe a daawna a Yeremi fa lay um na xa ƭelem axene:

Yowel 1:1

Keeke refu fa lay fee o Yaal oxe a daawinna a Yowel fee o ƥiy Petu’el:

Sofoni 1:1

Keeke refu fa lay fee o Yaal oxe a daawinna a Sofoni na jamaane faa Yosiya fee o ƥiy Amon a refaa o maad Yudaa. Sofoni, o ƥiy Kuusi a reeƭu, Kuusi a ref o ƥiy Gedaliya, Gedaliya a ref o ƥiy Amariya, soo Amariya a ref o ƥiy Hiskiya.