Yeremi 1:19 - NQAARIIT NE ROOG

¹⁹ Xan a ñoxor fa wo, ndaa mbaagankirang o sep, yaam mexey fa wo, ndax um watong.» O Yaal oxe layun.

Yeremi 1:19 Referans Kwoze

Yosuwe 1:9

Ba o weec ee mi layong ee saƭakinooxi too saq njambaar. Ba o saɗar boog too ba o diid, yaam mi o Yaal oxe Roog of mexey fa wo muu o retaa.»

Yeremi 1:8

Ba o saɗar a den, yaam mexey fa wo, ndax um watong.» O Yaal oxe layun.

Yeremi 20:11

Kaa koy, o Yaal oxe xey fa mi nen a salma-koor a cegu doole. Ten taxu we na ñagadilaxam xan a tolof too mbaagankiraam o sep. Xan a sed ɓot, yaam ne da njegeerna ne da mbugna, a ngaci boo faw, too o leng weeckiran.

A kim a tedu ke 129:2

ñagadileem ƭomu no kaa xotitna no ndeƥandoong es, ndaa waagaandeem dara.

Yeremi 11:19

Mi, kaam nand’u nen o mbaal o yooɓu nqaa na ɓiseel no warand. And’iim muk ee mi a ngiɓanu o ngir, a layraa a ndeer den ee: «Fat i maaf ndaxar nquƥu sap ne, mbatnin no lanq ke no ñoow we, ndax gon um wetandooxkataand muk!»

A pi ake 26:17

Xam muclong na xa ƥay axe na xeet fee no Yaawuur we fo na xa ƥay axe no qeet lakas ke um lulkang.

A lim ale 14:9

Kaa rek, ba nu siiknoor fo o Yaal oxe, too ba nu saɗar we ngenna no saax leene, yaam xan i kalɓasoox a den. Njegatee a roog fa leng faa na saytooxaa a den, ndaa in o mat, o Yaal oxe xe fa in. Ba nu saɗar a den boog.»

Yeremi 1:18

Xaye, saƭkandaaxoong nen teeru fa njegu saŋe, nen a toodook njelem fo tabax nqanjar mbaambir saax le fop, ta ref maad we Yudaa, kelfa ke ten, saasadax we ten fa xeet fee no saax le.

Yeremi 2:1

O Yaal oxe a daawnaxam fa lay um ee:

Yeremi 30:11

Yaam mexey fa wo, ndax um muclong. Mi o Yaal oxe layun. Xam moocand qeet ke pasar’oonga fop, ndaa wo o mat, moocandkiroong. Kaa koy, xam xawtong o cofel, waagiroong o ɗeet nen a jaambuur.»

Yeremi 42:11

Ba nu saɗarat o maad oxe Babilon, mi o Yaal oxe mexe dakooxan o lay a nuun ee ba nu saɗarin, yaam mexey fa nuun, ndax um mucil a nuun, wat a nuun no ɓay um.

Yeremi 46:28

Wo Yakoob fee o tag es, ba o saɗar, yaam mexey fa wo. Xam moocand qeet ke pasar’oonga fop, ndaa wo o mat, moocandkiroong. Xam xawtong o cofel, waagiroong o ɗeet nen a jaambuur. Mi o Yaal oxe layun.»

Dañel 3:25

O maad oxe a ɓaata teen ee: «Goor nahuk waa ngumaandeena ga’um, da ñaaƴaa kam fiɗel le, too dara ɗomee a den, soo o mem no nahkandeer oxe a nandtaa o mem Roog.»

Yeremi 11:21

Ten taxu keeke o Yaal oxe a layu: «Wiin we Anatot kaa mbug o njang o ñis of too a layaa yee: ‹Ba o jo’tan o Yaal oxe, mbaat xan i mbartong xa ƥay in.›

Yeremi 18:18

Maaga, a jega waa layna yee: «Ngaryo i yuuɓan a Yeremi yuuƥ paaxeer, yaam i ñakee saasadax waa njangnitna kebil ke, yaal-o-and waa cooxna a in xa as fo duleer waa ndaawnitna fa lay fee Roog. Ngaryo i yaq ƭool um, too ba a ƭat in a yong no fop ke ta layaa a in.»

Yeremi 20:10

Nanaam wiin mayu a layaa paaxeer na mi, a lastitaxam ee «Diid le xey muu refna». Leng we kaa layaa yee: «Fat nu ngoƥattin», lakas we yee: «Iyo, fat i ngoƥattin». Fop we jamoor’uuma sax kaa ngorooxaa na mi o njuumte nqe moƴna o neew, a layaa yee: «Xeƈa xan a yen me ta ɗaapaneena, soo i ndamin, ndabdinoox took um.»

Yeremi 26:8

Yaa Yeremi a layna boo a ƴut fop ke o Yaal oxe a hebil’uuna, ndax ta layin xeet fee fop, saasadax we, duleer we fo faan le ndeeƭna maaga fop a ndamaan, a layin ee: «Fa nqon jagto!

Yeremi 39:17

Wo o mat, xam muclong a koom. Mi o Yaal oxe layun. Ɓoxotkaandee na xa ƥay no wiin we o saɗaraa.