Yeremi 1:18 - NQAARIIT NE ROOG

¹⁸ Xaye, saƭkandaaxoong nen teeru fa njegu saŋe, nen a toodook njelem fo tabax nqanjar mbaambir saax le fop, ta ref maad we Yudaa, kelfa ke ten, saasadax we ten fa xeet fee no saax le.

Yeremi 1:18 Referans Kwoze

Esayi 50:7

Kaa koy, o Yaal oxe na refkaa boo faw kaa dimle’aam, ten taxu maafaandeem. Kaam saƭkand mukit es nen gac, too andaam ee sedkiim.

Yeremi 15:20

Xam fi’ong na xeet fene tabax nqanjar saƭku koŋ. Xan da ñoxor fa wo, ndaa mbaagankirang dara, yaam mexey fa wo, ndax um muclong soo watong. Mi o Yaal oxe layun.

Yeremi 6:27

O Yaal oxe kaa tee: «Wo Yeremi fee refna saŋe, dalnaaxoong, ndax o ɗeetloox xeet es, ne njelem a ɗeetloorteel. Xan o ɓaal soo horoox a pesoorooƭ den.»

Yeremi 37:7

«Keeke o Yaal oxe Roog fee Isra’el a layu: Fat nu lay kene o maad oxe Yudaa lulna a nuun, ndax nu nga’ir fa mi: Xiixire we Firawon fee sutoox’ina, ndax da ƈufgiid a nuun, owe nomtooxaa no saax den Misira.

Yeremi 38:2

«Keeke o Yaal oxe a layu: ‹Oxe na yoqkaa kam teeru fene xan laƥ mbaat biim mbaat piste a ñaamin, ndaa oxe na sutooxkaa, ndax ta ɓoxotoox no Kaakalde we, xan a ñoow, a mucil o ñis um tan-tan!›

Yeremi 42:22

Andeenoo a paax ndiiki: Xan laƥ mbaat biim mbaat piste a saŋkit a nuun me nu mbugna o ndet, ndax nu laqook maaga.»

Yeremi 34:3

Wo o mat, ɓostooxkino, ndaa xan o naagel nuus, ɓoxotel na xa ƥay um, a kid of a njasnoor fo a kid no maad oxe Babilon, ta lay fa wo jaxrañ, soo o ret Babilon.

Yeremi 21:4

Keeke o Yaal oxe Roog fee Isra’el a layu: «Kaa nu ñoxoraa fo o maad oxe Babilon fo a yaj ake ten ƥiikilna a nuun. Kaa koy, xam ser xiixire we na ñoxorteel ƥonax den tafil saŋe ne da nomtoox cook kam ee kam teeru fee.

YEGIL MBAAX NE YEESU ne Saŋ a bindtuuna 1:42

A ɓisaan maa Yeesu itam. Yaa Yeesu a ga’uuna, a layaan ee: «Wo refu Simoŋ o ƥiy Saŋ, ndiiki koy, feranaaxong Kefaas.» (Kaa tekit ‹o ƥil›).

Yeremi 38:18

Kaa koy, o fañangaa o ɓoxotoox no kelfa ke no maad oxe Babilon, teeru fene xan a ɓoxotel na xa ƥay no Kaakalde we na ndaaɓkan, too wo ɓostooxkiro na xa ƥay den.› »

Mbeeñil 3:12

Oxe na maafkaa koy, xam geennin nen a toodook ta jaƭ Mbind ne na Roog fee mi, too sutooxkatee teen. Xam bind took a tagid um gon le na Roog fee mi, bind teen itam gon le na teeru fee Roog, refna Yeerusaleem fa nqas fee na fudoortiidkaa na asamaan, a inoor na Roog es. Xam bind teen itam gon xas le jeguuma.

Yeremi 1:17

Wo Yeremi koy, humnooxi. Inooxi, ret daawin a den fop ke um hebilkang. Ba o send mbaambir den, yaam ndik um sendnoorong mbaambir den.

Yeremi 1:19

Xan a ñoxor fa wo, ndaa mbaagankirang o sep, yaam mexey fa wo, ndax um watong.» O Yaal oxe layun.

Yeremi 15:10

Sabab took es! Xar taxu o rimaam, wo ya es? Kaam ref o kiin o cofooraand fo o baagraand no saax le fop. Luɓiim too ɓandtiim, ndaa yaqanee fop kaa salooxaxam.

Yeremi 26:24

Yeremi o mat, Ahikam fee o ƥiy Safan saytoox’un. Ten taxu Yeremi ɓoxot’aand na xa ƥay xeet fee, ndax ta warel.

Yeremi 20:11

Kaa koy, o Yaal oxe xey fa mi nen a salma-koor a cegu doole. Ten taxu we na ñagadilaxam xan a tolof too mbaagankiraam o sep. Xan a sed ɓot, yaam ne da njegeerna ne da mbugna, a ngaci boo faw, too o leng weeckiran.