Yeremi 1:17 - NQAARIIT NE ROOG

¹⁷ Wo Yeremi koy, humnooxi. Inooxi, ret daawin a den fop ke um hebilkang. Ba o send mbaambir den, yaam ndik um sendnoorong mbaambir den.

Yeremi 1:17 Referans Kwoze

1 Maad we 18:46

O Yaal oxe a mayƭanda a Eliya fa doole, ta kufoox, a ref no ƴufaa mbaambir a sareet ale Ahab boo no ndokand naa Yisre’el.

1 Piyeer 1:13

Ten taxu, njagandooxyo na qalaat nuun, yokoox a paax, too ndoon yaakaar nuun fop na yirmande fee nu ƥisiidkeel, yaa Yeesu Kiristaa a feeñkaa.

YEGIL MBAAX NE YEESU ne Lik a bindtuuna 12:35

«Njagandooxyo, too ngen no ngumnooxaa no ndet, ngeƥand xa lampa nuun.

Yeremi 23:28

Fat o tuleer oxe jegna o ƭaaɗ a wetandooxin, oxe daawna fa lay es o mat a yegnititin ne ta helitna. Xar ñaax le a daawru fo pep ke? Mi o Yaal oxe layun.

A sutax ale 7:2

Wo na laykaa a Aaroon fee o maag of ke um hebilkang fop, soo ta lay a Firawon fee ta xaƴ Ii-isra’el we da sutoox saax um.

Ke bindeena no xe ne’eena YOB 38:3

Maaƭooxi too ref o koor! Xam laamtong, o doonaam.

A pi ake 20:27

yaam yegnaam a nuun yaaga ke Roog a yuuɓna fop, too ɗasniim teen o ndara.

A pi ake 20:20

Nu andooda sax ee ɗasniim a nuun dara no ke waagna o jiriiñ a nuun. Kaam yegin a nuun fa lay fee Roog kañ, waare a nuun no qel ke fo kam pind ke nuun.

A sutax ale 3:12

Roog a doona yee: «Mexey fa wo, too keeke refu o anddiloor ole o anditkaa yee mi lulong: Boo sutoona xeet fee no saax le Misira, no joong oleeke o mat nu mbaɗooritkaxam.»

1 Korint 9:16

Ne um waare’aa Yegil mbaax ne, taxee um fakooran, yaam kaa um serel o ten, too sabab took es yaa yegniteeruuma Yegil mbaax ne.

Yoona 3:2

«Inooxi, ret Niniif, na teeru fa maak faa, too lambin ke hebloonga.»

Yeremi 17:18

Yaasam ñaañagadil we mi a sed, mi o mat ba um sed. Yaasam da mbiriɓ, mi o mat ba um firiɓ. Garti took den ñaal taamaala, yaq a den pic.»

2 Maad we 4:29

Eliise a laya a Gehasi yee: «Kufooxi, xot o loq ole mi soo ret. O xetangaa fo o kiin, ba o simnin, too o kiin a simnangaang, ba o jaaɓin. O fadangaa, fat o doon o loq ole mi took mukit fee no goor ole.»

1 Tesalonik 2:2

Nu anda itam ee ye i ngelkaa fo ngar me nuun, i ñagadil’e, mbenel kam teeru fee Filip. Kaa koy, Roog a ci’’a a in njambaar, ndax i yegniid a nuun Yegil mbaax ne ten, ke i mbañ’eena fop oo.

2 Maad we 9:1

Bes, o tuleer Eliise a xoya o leng no duleer Roog we, a layin ee: «Kufooxi, xot o difooƭ diwliin olene soo ret Ramot kam Galaad.

2 Maad we 1:15

Malaaka no Yaal oxe a laya a Eliya yee: «Fudooxi, o yoon fo ten too ba o saɗarin.» Eliya a naaga daket, a yoon fo ten maa no maad oxaa.

Yeremi 1:18

Xaye, saƭkandaaxoong nen teeru fa njegu saŋe, nen a toodook njelem fo tabax nqanjar mbaambir saax le fop, ta ref maad we Yudaa, kelfa ke ten, saasadax we ten fa xeet fee no saax le.

Yeremi 26:2

O Yaal oxe a layaan ee: «Geenooki no maax olaa no Mbind es, lay fop we ngenna no teeru ke Yudaa, na nqeɗiidaa no Mbind es, fop ke hebloonga o lay a den. Ba o hend teen dara!

Yeremi 26:12

Kaa koy, Yeremi a laya kelfa ke fop fa xeet fee fop ee: «O Yaal oxe lulaxam, ndax um yegnit took Mbind Roog nene fo took teeru fene a ƭelem ake nu nanna fop.

Yeremi 36:8

Baruk fee o ƥiy Neriya a fi’a fop ke o tuleer Yeremi a hebil’uuna. A reta no Mbind ne no Yaal oxe, ndax ta jang maaga fa lay fee no Yaal oxe bindeena no laxas safe le.

A ƭomatax ake 3:57

A koom alaa ƴufginooxoonga, matiidaa soo lay ee: «Ba o diid!»