Yeremi 1:16 - NQAARIIT NE ROOG

¹⁶ Neene, xam fadin kate es took no we ngenna no saax le yaam paaxeer ke da mbi’na fop: kaa mbaasaam pelek, a ƥoxot cuuraay roog lakas, a ngungaa mbaambir ke xa ƥay den a njalna.

Yeremi 1:16 Referans Kwoze

Yeremi 19:4

Yaam we Yudaa a mbaasaxam. A maasanda o mbiñ onqene, a ƥoxot teen cuuraay roog can kaa andoona yee den fa qoox den, daan den fo maad we Yudaa and’ee a den, too a mayƭandta o mbiñ onqene fo’oy no caambuur.

Yeremi 7:9

Mee ndax kaa nu nguuɗaa, mbaraa, seeqaa, ndaaɓooxaa na xa maaƥ, ndoxanaa a Baal cuuraay, ngiɓoor fo roog can kaa nu andeerna ñaal o yeng a jalan.

A pi ake 7:41

Maaga, a nqawna o xeel, a mbi’in nen roog den, a ƥoxotan sadax. Kaa mbelakinooxoogu no ke da nqawnoodna.

Esayi 2:8

Kaa mayƭand saax den fo pangool, a ngungaa mbaambir ke xa ƥay den a njalna, a mbaɗooxaa ke qol den a mbi’na.

A cangatin ale 28:20

No kuu nu ndokna rek xan o Yaal oxe a hebliid took nuun o halakax fo o jaq fo o njaaxɗataand, boo yaa ta saŋikna a nuun, a moocand a nuun boo tus yaam a pi a paaxeer ake nuun fo ne nu nqaƴuuna.

Hoose 11:2

Kaa koy, lakas a nqoyaan, ta fesaam ndiiñ, a ɓoxotaa a Baaliin sadax, a doxanaa nitaal roog ke cuuraay.

Hoose 8:6

O nqeel onqe Isra’el a inooru, too refee Roog. O kiin o baane’u rek jalun. Ten taxu o nqeel onqe Samari xan a fi’el xa ƥek xa ƥek.

Yeremi 44:17

Ndaa kañ, kaa i mbug o mbadin ke i ndegitna: Xan i ndoxan a Astarte, Lingeer fee na asamaan, cuuraay soo njuuranin, ne i mbi’tuuna, in fo daan in, maad in fo kelfa in, kam teeru ke Yudaa fo no ped ke Yeerusaleem. Maaga, i njeg’a ñaamel boo ta dey, ƭaay boo wee xa kene too i and’ee taamaala.

Yeremi 17:13

O Yaal oxe, wo refu yaakaar Isra’el! Fop we na mbaasang xan a sed, we mbesoonga a cinj xan a sooƴ nen a kon akaa mbindeena a lanq, yaam kaa mbaasong, wo o Yaal oxe, a cur foofi fo ñoow ole.

Yeremi 4:12

Nqeñ njegu doole yoo, naa inoorna maana boo me mi. Ndiiki koy, xam hate a den.»

Esayi 37:19

soo a ndeɓ roog ke na saax akeene na fiɗel. Kaa ndeeƭee roog tiindigil, ndax a ndef soom xa taaƴ a qanq fo a ƥil axaa wiin we a njalna. Ten tax’u boo da mbaag o yaq a den.

2 Maad we 22:17

Feek kaa mbaasaam pelek, a ƥoxotaa cuuraay roog lakas ke, a mbuuxnoortaam a pi den fop, ten taxu fuux le mi a biltooxan o mbiñ onqene too ɓooskee.›

Yosuwe 24:20

Nu nqaƴangaa o Yaal oxe, mbaɗook roog lakas, xan a geleerooxan a nuun, ndax ta fi a nuun paaxeer soo a moocand a nuun, ke ta fi’anna a nuun paax ƥor boo ndiik fop oo.»

A cangatin ale 31:16

O Yaal oxe a laya a Moyiis ee: «Ndiiki, xan o dab daan of, too xan xeet feeke a inoox, a ngore’aƭar na mi, a ƭeg ngiɓoor es fa den. Xan a mbaasaam, a mbaɗooxaa roog lakas ke kam saax le da ndokkaa.

Heseki’el 24:14

Mi o Yaal oxe kaam ee keene xan a xew too xam fadnin, dakooxkiim teen a cinj too yirimkiim mbaat um ricoox. Xan o hate’el na pesoorooƭ of fo na pi of. Mi o Yaal oxe na refkaa boo faw layun.»

Yeremi 51:17

No keene, o kiin oo kiin oxe ŋam yaam a ñak o and, o paal wurus oxuu refna a naag ɓot yaam nitaal roog ke ten, yaam ke ta muulna xa koɓong xa ƥor oo, too jegee na den o ñoow.

Yeremi 16:11

Maaga, fat o doon a den ee: ‹O Yaal oxe kaa tee: Ke taxuuna refu yee daan nuun kaa mbaasaam, a ngiɓoor fo roog lakas, a mbaɗooxaa a den soo a ngungaa mbaambir den. Mi o mat a mbaasaxam, too ngayee a cangin es.

Yeremi 15:6

Waasaxamo, fesaam a cinj. Mi yoo yoɗanaaxoong o ɓay es, yaqong pic. Deyƭooxaam sik na ticax.

Yeremi 11:17

O Yaal oxe Hupna fop jimb’oonga, a fosooxanaang taamaala yaam paaxeer ke wiin we Isra’el fo we Yudaa a mbi’na a qoox den. A mbuuxnooraan, ye da ndoxanna a Baal cuuraay.

Yeremi 11:12

We ngenna no teeru ke Yudaa fo we Yeerusaleem xan a ƈufginook roog ke da ndoxanaa cuuraay, ndaa mbaagkee o mucil a den yaa fa taamaala fee den.

Yeremi 10:15

Xa andand xa ƥor a ndefu, jale laa jalatna. Xan da mooc, yaa a qaw ale den a garkaa.

Yeremi 5:29

Ndax xawkiim wiin weene soo rabdinoox took xeet fa nandu neene? Mi o Yaal oxe layun.

Yeremi 5:9

Ndax xawkiim wiin weene soo rabdinoox took xeet fa nandu neene? Mi o Yaal oxe layun.

Yeremi 4:28

Ten taxu lanq ke a ñaawooxaa, soo asamaan fee a niifaar maaga took, yaam layaanum, fosooxin. Ricooxkinum, nomtooxkiim teen a cinj.»

Yeremi 2:17

Ndax keene dalirang, yaam ne waasoona o Yaal oxe Roog of, ye ta ɗoxang a ɗox na ƭat ale sax oo?

Yeremi 2:13

Xeet es a tooña a caf a ƭak: a mbaasaxam, mi fee refna a cur foofi fo ñoow ole, ndax da maxan a qoox den pand, pand kaa mbeɗidna boo mbaagee o ngarin foofi.»

Esayi 65:3

Xeet faa na mbuuxɗandaxam kili a ndefu, too ƭasee teen dara. Kaa mbi’aa sadax kam a ƭing ake den, soo a ndoxaa cuuraay took xa sadaxand a muul.

Esayi 44:15

Taxar keene o kiin oxe a heƥandtaa fiɗel, a xottaa teen taƭoor mbaat cuɗir puuru. Teen a jaltaa itam a roog faa ta gunganaa, a fi’aa teen xa taaƴ axaa ta ƴufginooxaa.

2 Caloori ke 34:25

Feek kaa mbaasaam pelek, a ƥoxotaa cuuraay roog lakas ke, a mbuuxnoortaam a pi den fop, ten taxu fuux le mi a biltooxan o mbiñ onqene too ɓooskee.›

2 Caloori ke 15:2

A inooxa a soƥik a Aasa, a layin ee: «O maad Aasa fo nuun Yuuyudaa we fo Beebensame we, nan-gilooxaamoo! O Yaal oxe xey fa nuun yaa nu ndefna fo ten. Nu mbaaƭangaan, xan a ga’noox a nuun. Kaa koy, nu mbaasangaan, xan a waas a nuun itam.

2 Caloori ke 7:19

Kaa koy, nu mbesangaam a cinj, nqaƴ bargal es fo kebil es ke dalnanuuma a nuun, boo nu mbaɗookna roog lakas ke, ngungaa mbaambir den,

Yowel 2:11

O Yaal oxe xe fangnaa o ñuxur um mbaambir xiixire um. A yaj um kaa magin lool, we na mbadnaa fa lay um a njeg doole. Ñaal ne no Yaal oxe kaa magin too a saɗarnoox. Ndi, an na waagkan o haŋ?

Mbeeñil 9:20

We yoq’ina no wiin we too nqonee no taamaala keene koy, mbes’ee a cinj xa taaƴ axe da mbi’’ina Roog den. Kaa ngen’u no mbaɗooxaa cini ke fo xa taaƴ wurus fo xa taaƴ xaaliis fa nqoolu fo xa taaƴ xanjar fo xa taaƴ ɓil fo xa taaƴ a teex axaa mbaageerna a ka, mbaagee fa nan, mbaagee a ñaaƈ.

Yeremi 2:28

Taa roog ke jaloodoona boog? Fat da inoox, a mbaagangaang o mucil yaa fa taamaala of! Yaam wo Yudaa, jegaa roog kaa mayitna nen teeru ke wo.

Yeremi 10:3

Yaam o mbaax onqe no qeet lakas ke xa koɓong xa ƥor oo. Ndaxar ne kaa godteel no suungaan le, o seesex a sex teen nitaal roog,

2 Caloori ke 28:2

A reefa o jaf no maad we Isra’el boo sax a fi’an a Baaliin xa taaƴ celem cawne.

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

Yeremi 7:17

Ndax kaa ga’iro ke da mbi’aa kam teeru ke Yudaa fo no ped ke Yeerusaleem?

Yeremi 7:18

Xa teɓandoong axe kaa ndaxanaa, paap ke a ngeƥandaa fiɗel le, soo rew we a nqiiwaa, ndax da mbi’an a Lingeer fee na asamaan xa kaf. Kaa njuuranaa roog can ke biiñ, ndax da mbuuxnooraam.

Yeremi 18:15

Yaag oo toox de xeet es a mbeecaxam. Kaa da ndoxanaa cuuraay pangool kaa na tolofnooraa a den na ƭat den, na qal cosaan den, ndax da nqot fo ƭat fo a ƭat akaa mbiisaandeena.

Heseki’el 16:18

Jangaa ñirax kemeñe ke wo, ndax o muurit a den nitaal keene, sadax a den diwliin es fa cuuraay es.