Yeremi 1:15 - NQAARIIT NE ROOG

¹⁵ Yaam mexe layan ee xam xoy qeet ke no maat ke no ɓemb-roog o janoon fop. Maaga, xan a ngar, a sip a kamb no maad ake den mbaambir tokand ke Yeerusaleem. Xan a mbid saŋe ke ten o kurul-keƥ, fo ke no teeru ke Yudaa fop.

Yeremi 1:15 Referans Kwoze

Yeremi 43:10

Cinj kaaga, layi a den ee: Keeke o Yaal oxe Roog fee Isra’el Hupna fop a layu: Nga’angyo, xam lulit o xoyankel o tag es Nebukadnesaar fee o maad oxe Babilon. Xam sip uum-maamaad um took a ƥil akeene uupeena, soo ta letin yiir um yoora den.

Yeremi 25:9

xam lulit o xoyankel qeet ke no ɓemb-roog o janoon fop fa Nebukadnesaar fee o maad oxe Babilon, refna o tag es. Mi o Yaal oxe layun. Xam ɓisiid a den took saax lene fo we ngenna teen fo took qeet ke mbiduuna fop, ndax um saŋik a den, tas a den soo fi a den buuƴel, gef a den tuƈ boo faw.

Yeremi 9:11

Oxum o kiin jegu yiif, ndax ta and kene? O Yaal oxe a feeñlangaan o ten, fat a tekit ke taxna saax le a fes a pec, a doxel nen a koƥ-a-ƥor, maa o leng a reefateerna?

Yeremi 4:16

Mbetandyo kene qeet ke, andnoorin a Yeerusaleem: Soosong owe inoortiidaa no saax goƭu, a njibnaa xa buuq xire took teeru ke Yudaa.

Yeremi 39:3

Maaga, aa-adax we no maad oxe Babilon fop a ndoka na teeru fee, a ndal no Ndokand a ndeer ne. A jeg’a maaga a Nergal-Sareseer fee adooxanna xiixire we, Samgar-Nebo, Sarsekim fee adooxanna cawdiin ke, Nergal-Sareseer fee adooxanna yaal-o-and we fo aa-adax lakas we no maad oxe Babilon fop.

Yeremi 10:25

Bilti fuux of took a saax ake andeeroonga fo took qeet ke ƈufginoorkeerna gon of, yaam a lista xeet fee Isra’el, a lista soo a saŋik a den, a mbayit kenand den.

Esayi 22:7

A yulanq ake wo moƴna o mos owe maya muut fo a sareet-xire, soo ŋaaŋaay pis a mbogooxan a ñoq ale no tokand ke wo.

A ƭomatax ake 5:11

Rew we a ngigne kam Siyoŋ fo mboƥ ndoog ne andafuleerna adna kam teeru ke Yudaa.

Yeremi 44:6

Maaga, o say es fo fuux es a njuumooxa, a ndaaɓ teeru ke Yudaa fo ped ke Yeerusaleem. Teeru keene a ndefata juum kefatin, a mbes a pec, ne ta waageena o ga’it xaye.

Yeremi 34:22

mi o Yaal oxe, xam hebil a den da nomtooxaniid teeru fene, a songin, a njaɓin soo a ndoxin riw. Teeru ke Yudaa o mat, xam fi da ndefat a koƥ-a-ƥor maa o leng a genateerna.»

Yeremi 33:10

Keeke o Yaal oxe a layu: «Kaa nu layaa yee saax lene a raadne boo jegatee wiin mbaat muumeen. A woora kañ ee teeru ke Yudaa fo ped ke Yeerusaleem a mbootata, ngenataand, njegatee wiin mbaat muumeen. Kaa koy, xan xa soroxole fo xa ƈeel, o ñuxur no kor-no-kulook oxe fo ole no kulook oxe a nantahinel teen. A kim ale no we na ƥisiidaa no Mbind Roog ne sadax kidmir xan a nanahinel ee: ‹Simatyo o Yaal oxe Hupna fop, yaam a faaxa, too o mbeq um xan a maadaa boo faw!› Yaam xam nomtiid we no saax le ƥiseena gilaa saax took o hup doole, dalnatin a den nen yaaga. Mi o Yaal oxe layun.»

Yeremi 25:28

A ɓaata teen ee: «A mbañangaa o nqotit no ɓay of o feeƭ ole, ndax da yer, fat o lay a den ee: Xan nu yer teen kañ, yaam o Yaal oxe Hupna fop heblitun.

Yeremi 10:22

Nan-gilooxangyo fangax combol le na matiidaa. Yo’in maak ley a inoortiidaa no saax le no ɓemb-roog o janoon. Teeru ke Yudaa xan a suptel a koƥ-a-ƥor, a ndefat ngenand xa ƥox-a-koƥ axe.

Yeremi 6:22

Keeke o Yaal oxe a layu: «Xeet fey a inoortiidaa no saax laa no ɓemb-roog o janoon, saax maak a ɗistiidaa no cat adna.

Yeremi 5:15

Nuun xeet fee Isra’el, xam ɓisiid took nuun xeet faa inoortiidna koƭu. Xeet faa waagaandeena tig oo, a reeƭu yaa fa yaaga, too nu nanee lak den, nu andee ke da layaa. Mi o Yaal oxe layun.

Yeremi 4:6

Sipyo a laay a anddiloor farna fa Siyoŋ, ƈufyo, ba nu ngeenoox, yaam o Yaal oxe xe heblitiidaa taamaala no ɓemb-roog o janoon fo o njakad o maak.

Yeremi 13:20

Wo Yeerusaleem, yoɗi a kid of too ɗeet, fañ we wo we inoortiidaa no ɓemb-roog o janoon. Taa o siir ole doxin’ee’oona, ged le reeƭna o ndam of?

Yeremi 34:1

O Yaal oxe a daawna a Yeremi fa lay um na xa ƭelem axene ye Nebukadnesaar fee o maad oxe Babilon fo a yaj no xiixire um fop, maat ke no lanq ke fo qeet ke ta hame’na fop a nqire’aa fa Yeerusaleem fo teeru ke ta waxooxna fop:

Yeremi 46:24

Misira, o ndoog onqe, a seda ɓot, a ɓoxote na xa ƥay na xeet fee no ɓemb-roog o janoon.»

Heseki’el 32:30

Gelwaar we no ɓemb-roog o janoon fop oo weene fo Siisidoŋ we fop mbudooxandoorna fo we mbareena, a sed ɓot, ke ngiin-goor den a diidlandoogna fop oo. A qucooxar akeene a mbondooxa fo we laƥ a fandna, too a ndoxondooxa gaci den fo we mbudooxna kam gamb le na saŋkax ale.

Yowel 2:20

Xam rax koƭu fañ we nuun inoortiidna no ɓemb-roog o janoon, pasar a den farna fo lanq beeru koroŋ kaa mbootna. Xam joor xiixire we den mbodna mbaambir kam o maag o Xanju le, soo we mbalakna, um deɓ a den kam o maag ole Mediterane. Xa tal den xan a nqooñaa, tuñ peleer a ngat na den. Neene we mbi’oogna a nuun paaxeer keene fop a moocitkaa.»

Sakari 6:6

Pis ƥaal ke ngumneena a leng na sareet ake xan a sag no saax le no ɓemb-roog o janoon, bari ke a sag farna fo mudand, soo ceeñ ke a sag no saax le no ɓemb-roog o ñamaak.